যিশাইয় 25:3 - Chakma Bible

³ সেনত্তে খেমতাবলা জাদ্‌তুনে তরে বাঈনী গুরিবাক‌্ আর চিৎগিলে নেইয়্যে জাদ্‌‌‌‌তুনোর শঅরানি তরে ভোক্তি গুরিনে দোরেবাক্।

যিশাইয় 25:3 ပူးပေါင်းရင်းမြစ်များ

গীতসংহিতা 66:3

গোজেনরে কঅ, “তর্ কাম দেগিনে মনত্ কত্তমান দর্ আর ভোক্তি জাগে। তর্ দাঙর খেমতার মুজুঙোত্ তর্ শত্রুগুনে মাঢা লোঙেবার্ ভান গুরিবাক্।

যিশাইয় 13:11

লগেপ্রভু কোইয়্যেদে, মুই ভান্ন্যেয়ানত্তে পিত্‌থিমীগানরে সাজা দিম্; পাজিগুনোর অন্যেয়ানিত্তে তারারে সাজা দিম্। মুই বাড়্‌বো গুরিয়্যেগুনোরে বাড়্‌বো গরানাগানি শেজ্ গুরি দিম্ আর চিৎনেইয়্যেগুনোর অহংকারানি ভাঙি দিম্।‌

যিশাইয় 24:15

সেনত্তে পুগেদি মানুচ্চুনে লগেপ্রভুরে বাঈনী গোরোদোক্ আর দূর দেজর মানুচ্চুনে ইস্রায়েলর গোজেন লগেপ্রভুরে নাঙ্ গিনোদোক্।

যিশাইয় 29:5

মাত্তর্ তর্ সেই শত্রুগুন ধূল্যে ধোক্ক্যেন্ গুড়ি অবাক্, সেই চিৎনপুজ্যে দলুন্ অবাক্ উড়ি যেইয়্যে তুজো ধোক্ক্যেন্। আদিক্ক্যেন্‌গুরি, এক সময়োত্ বেগত্তুন্ খেমতাবলা লগেপ্রভু মেঘ গুজুরোনি, ভূজোল্, দাঙর্ রঅ, তুট্ট্যে বোইয়্যের্, বড়্ ঝড় আর আগুনো লেবেয়্যে জিল্লোই তারারে সাজা দিবো।

যিহিষ্কেল 38:23

এবাবোত্যেগুরি ভালোক্ জাদ চোগো মুজুঙোত্ মুই নিজোরে ফগদাং গুরিম; মুই যে মহৎ আর পবিত্র সিয়েন দেগেম; সেক্কে তারা হবর্ পেবাক্, মুয়ই লগেপ্রভু।

মীখা 7:17

তারা সাপ আর অন্য বুগেদি-আদন্দে পরাণবলাগুনো ধোক্ক্যেন ধূল্যে খাদোক্। তারা তাম্বুলানিত্তুন্ গির্‌গিরে গির্‌গিরে তমা ইধু, আমা গোজেন লগেপ্রভু ইধু নিগিলি এত্তোক্ আর তরে দরাদোক্।

সখরিয় 14:16

পরেদি সেই বেক্ জাদর্ বাঁজি থেইয়্যে মানুচ্চুনে সেই রাজাবোর্, অত্তাৎ বেগত্তুন্ খেমতাবলা লগেপ্রভুর উবোসনা গুরিবাত্তে আর চিগোন-ঘর পরব্ পালেবাত্তে পত্তি বজর্ যিরূশালেমত্ এবাক্।

সখরিয় 14:9

লগেপ্রভুই অবঅ গোদা পিত্‌থিমীগানর্ রাজা। সেদিন্যে মান্‌জ্যে লগেপ্রভুরে এক্কো বানা গোজেন বিলিনে স্বিগের্ গুরিবাক। বানা তা নাঙে উবোসনা গুরিবাক্।

ফগদাং পেইয়্যে 11:13

সেই অক্তত্ যদবদে ভূজোল্ বেলঅ আর সেই শঅরর্ দশ ভাগর এক ভাগ ভাঙি পড়ি গেলঅ। সেই ভুজোলত্ সাত আজার মানুচ্‌ মুরি গেলাক্। সিয়েন্দোই বাদবাগী বেক্কুনে দোরেইনে স্বর্গর্ গোজেনরে বাঈনী গরা ধুরিলাক্।