যিশাইয় 25:2 - Chakma Bible

² তুই শঅরানরে শিল্ পাত্তর ভিদে বানেয়োচ্ আর দেবাল-ঘিজ্যে শঅরানরে গোজ্যস্ ভস্তর্ কুড়্। বিদেশী শত্রুগুনোর ঘরানি আর্ ন-থেবঅ; সিয়েনি কনদিন্অ আর্ বানা ন-অবঅ।

যিশাইয় 25:2 ပူးပေါင်းရင်းမြစ်များ

ইয়োব 12:14

তে ভাঙিলে আর সিয়েন্‌ বানা ন-যায়; তে কাররে জেলোত্‌ আক্‌সোই রাগেলে ছড়ান্‌ দিয়্যে ন-যায়।

যিশাইয় 13:20

সিয়েন ভিদিরে আর কনদিন্‌অ থেবার্ জাগা ন-অবঅ বা বংশর পর বংশ ধুরিনে কনজনে সিয়েনত্ বজত্তি ন-গুরিবাক্। কনঅ আরবীয় সিয়েনত্ তাম্বুল্ ন-ফেলেবাক্, কনঅ গরগে সিয়েনত্ তা এ্যামানুনোরে জিরেবাত্তে ন-দিবাক্।

যিশাইয় 13:21

মাত্তর্ ধূল্যেচরর্ প্রাণিগুনে সিয়েনত্ পড়ি থেবাক্, সিদুগোর্ ঘরানিত্ শিয়েল ভরা অবাক্, উটপেখ্‌কুনে সিয়েনিত্ বজত্তি গুরিবাক্ আর ঝার ছাগলুনে ফাল্যে ফাল্যে বেড়েবাক্।

যিশাইয় 13:22

সিদুগোর্ ঘরানি ভিদিরে শিয়েল ডুগুরিবাক্ আর শিয়েলুনে দোল্ দোল্ ঘরানি ভিদিরে থেবাক্। বাবিলোর সময় এচ্চ্যে, তার দিনুন্ আর বাড়েই দিয়্যে ন-অবঅ।”

যিশাইয় 14:23

মুই তারে কুদুক্-কাদাগর্ জাগায়ান্ আর পানি জাগায়ান্ গুরি দিম্। ভস্ত অনা চোরোন্ দরালোই মুই তারে ছুরি দিম্। মুই বেগত্তুন্ খেমতাবলা লগেপ্রভু এ কধাগান্ কঙর্।”

যিশাইয় 17:1

দামেস্ক পৌইদ্যেনে আগাম্ কধা ইয়েনি: লগেপ্রভু কোইয়্যেদে, “চঅ, দামেস্কগান্ আর শঅর ইজেবে ন-থেবঅ, সিয়েন অবদে এক্কান ভস্ত ওইয়্যে কুর্।

যিশাইয় 17:3

ইফ্রয়িমত্ আর কনঅ ঘর ন-থেবঅ আর দামেস্কত্ রাজখেমতা ন-থেবঅ; অরামর বাঁজি থেইয়্যে মানুচ্চুনে ইস্রায়েলীয়গুনো ধোক্ক্যেন বাঈনী ন গোজ্যে অবাক্।” ইয়েন অলঅ বেগত্তুন্ খেমতাবলা লগেপ্রভুর কধা।

যিশাইয় 21:9

চঅ, জড়ায় জড়ায় ঘোড়া চালেয়্যে এজদন্।” সে পরেদি তে কবদে, “বাবিলোর পতন ওইয়্যে, পতন ওইয়্যে। তার বেক্ দেবেদাগুনোর মূত্তিগুন্ চুরমার ওইনে মাদিত্ পড়ি আগন্।”

যিশাইয় 23:11

লগেপ্রভু বড়্ সাগর উগুরে তা আঢ্‌তান বাবেই দিয়্যে আর রেজ্যগানিরে ভূজোল ধোক্ক্যেন গোজ্যে। তে কনান দেজ পৌইদ্যেনে এক্কান উগুম জারি গোজ্যে যেনে তার ঘরানি ভস্ত গরা অয়।

যিশাইয় 23:13

বাবিল দেজ্‌ছান ইন্দি রিনি ছঅ‍; এক সময়োত্ তা মানুচ্চুনো পৌইদ্যেনে কনজনে হবর্ ন-পেদাক্। আসিরিয়গুনে বাবিলানরে ধূল্যেচর-চাগালার পরাণবলাগুনোর জাগা বানেয়োন, মাত্তর্ বাবিলীয়গুনে সোররে আক্রমণ গুরিবাত্তে চুগিদার-ঘর ধোক্ক্যেন অজল্ অজল্ রথ বানেয়োন, তার দাঙর্ দাঙর্ ঘরানি লুদেয়োন আর তারে এক্কান ভস্তর্ কুড়্ বানেয়োন।

যিশাইয় 24:10

শঅরান ভস্ত ওই পড়ি থেবঅ। বেক্ ঘরানি বন্ধ ওই যেবঅ; ভিদিরে যার ন-যেবঅ।

যিশাইয় 25:12

তে মোয়াবর্ দেবাল অজল্ ঘরানি ভস্ত গুরিবো; তে সিয়েনি মাদিত্, এমন্ কি, ধূল্যেত্ মিজেই দিবো।

যিশাইয় 26:5

যিগুনে অজলত্ বজত্তি গরন্ তারারে তে তলে লামায়; সে অজল্ শঅরানরে তে ভস্ত গুরিনে তলে গরে। তে সিয়েন মাদিত্, এমন্ কি, ধূল্যেত্ মিজেই দে।

যিশাইয় 27:10

দেবাল্-ঘিজ্যে শঅরান্ মানুচ্ নেইয়্যে ওইয়্যে; সিয়েন ফেলেই যেইয়্যে জাগা আর ধূল্যেচর ধোক্ক্যেন ফেলেই যাহ্ ওইয়্যে। সিয়েনত্ গোরু ছঅ বেড়েবাক্ আর বুগ্‌গুরি থেবাক্; তারা গাজর্ বেক পাদানি হেই ফেলেবাক্।‌

যিশাইয় 32:14

যেদক্কন্ সং উগুরেত্তুন্ পবিত্র আত্মাগানরে আমা উগুরে ঢালি দিয়্যে ন-অয় আর ধূল্যেচর-চাগালাগান বোল্‌‌বোল্যে জাগা ন-য় আর বোল্‌‌বোল্যে জাগায়ান ঝার ধোক্ক্যেন মনে ন-অয়, সেদক্ দিন সং ঘরত্ আর যাগুলুগে ভরা শঅরত্ কনজনে ন-থেবাক্, আর মুড়োগুন, চুগিদার ঘরানি ফেলা যেইয়্যে জাগা অবঅ। সিয়েনি ঝার্‌বো গাধাগুনোর হুজির্ জাগা আর য়েমান পালুনোর্ চড়িবার্ জাগা অবঅ।‌

যিশাইয় 32:19

শিলোঝড়ে ঝারর্ গাজ্‌‌চুনোরে মাদিত্ ফেলেই দিবো আর শঅরানি পুরোপুরি মাদি লগে মিজেইনে সং সং ওই যেবঅ।

যিশাইয় 34:13

কাদাগাজে সিয়েনর্ দাঙর্ দাঙর্ ঘরানি নাঢা যেবঅ, আর তাম্বুলানি নাঢা যেবঅ বিছুটি আর কাদাঝুব্‌পোই। সে দেজ্‌‌চান অবঅ শিয়েল আর উটপেখ্‌কুনোর থেবারজাগা।

যিশাইয় 37:26

তুই কি ন-শুনোচ্, বোউত্ আগে মুই সিয়েনি ঠিগ্ গুরি রাগেয়োং, বোউত্ আগেদি মুই সিয়েনির পরিকল্পনা গোজ্যং? আর ইক্কিনে মুই সিয়েনি ঘোদেলুং। সেনত্তে দঅ তুই দেবাল্-ঘিজ্যে শঅরানি পাত্তরর কুর্ গুরি পাজ্যস্।

যিরমিয় 51:26

মান্‌‌জ্যে কুণো পাত্তর্‌‌বোত্তে তত্তুন্ কনঅ পাত্তর্ ন-নিবাক্, গড়াগানত্তেয়ো ন-নিবাক্; তুই জিংকানিবর্ মানুচ্ নেইয়্যে ওই থেবে।

যিরমিয় 9:11

লগেপ্রভু কোইয়্যেদে, “মুই যিরূশালেমানরে এক্কান ভস্তর কুড়্ আর শিয়েলর থেবার জাগা বানেম। মুই যিহূদার শঅরানিরে এমন ভস্তর জাগা বানেম, সিয়েনত্ আর কনজনে বজত্তি গুরি ন-পারিবাক্।”

দ্বি’লম্বর বিররণ 13:16

সিদুগোর্ বেক্‌ লুদেয়্যে পযাপিরানি তুমি শঅরর-সংমোধ্যে নেযেইনে বেক্‌ পযাপিরানি আর সেই আদাম বা শঅরানি তুমি তমার লগেপ্রভুর নাঙে পুজ্যে-উৎসর্ব ধোক্ক্যেন গুরি বেক্কানি পুড়ি দিবা। সে জাগায়ান উমরত্তে যেনে এক্কান ভস্তর কুড়্ ওইনে পড়ি থায়; আর কনদিনঅ যেনে সিয়েনি বানানা ন-অয়।

ফগদাং পেইয়্যে 18:19

তারা তারার্ মাঢাত্ ধূল্যে দিইনে রঅ ছাড়া ধুরিবাক্ আর কানি কানি দুঘ্ পেইনে কবাক্, “হায়, সেই নাঙ্-গোজ্জ্যে শঅরান্, হায়! সাগরত্ যিগুনোর জাহাজ আঘে তারা তার্ ধনানিলোই থাগোয়্যে ওইয়োন; আর চঅ, চোগো জিমিদোত্ তে ভস্ত ওই গেলঅ!”