যিশাইয় 25:10 - Chakma Bible

¹⁰ লগেপ্রভুর আঢ্‌‌তান এ মুড়োবো উগুরে থেবঅ। গবর সমারে যেধোক্ক্যেন্ হেরানি টেঙোই মাড়া অয় ঠিগ্ সেধোক্ক্যেন্ গুরি মোয়াবরেয়ো তে টেঙোই মাড়িবো।

যিশাইয় 25:10 ပူးပေါင်းရင်းမြစ်များ

গীতসংহিতা 83:10

সীষরা আর যাবীন ঐন্‌দোরোত্ ভস্ত ওই যেয়োন্; তারা ভূইয়ো উগুরে গবর ধোক্ক্যেন্ পড়ি আগন্।

যিশাইয় 10:31

মদ্‌মেনার মানুচ্চুনে ধেই যাদন্; গেবীমোর মানুচ্চুনে পল্লাদন্।

যিশাইয় 10:6

মুই তারে গোজেন উগুরে ভোক্তিনেইয়্যে এক্কো জাদ বিরুদ্ধে পাদাঙর্ আর যিগুনে মঅ রাগ্‌‌কান তুলি দুয়োন্ তারা বিরুদ্ধে পাদাঙর্ যেন তে লুদেই পারে আর কাড়ি নেযেই পারে আর পদ কাদা ধোক্ক্যেন্ গুরি তারারে টেঙোই মাড়ি পারে।

যিশাইয় 11:10

সেদিন্যে যিশয়র গড়াগান্ বেক্ জাদ্‌তুনোত্তে বাবতা ধোক্ক্যেন্ ওইনে থিয়্যেব; বেক জাদ্‌তুনে তাইদু এগত্তর্ অবাক্ আর তার জিরেবার জাগায়ান্ বাঈনী গরে পারা অবঅ।

যিশাইয় 11:14

তারা পোজিমেদি পলেষ্টীয়গুনো দেজত্ সং জাগাত্ ছো মারিবাক্, তারা এক সমারে পূগেদি দেজ্‌চানি লুদেবাক্। তারা ইদোম আর মোয়াব গজক্ গুরি নেযেবাক্ আর অম্মোনীয়গুনে তারার্ তলেদি অবাক্।

যিশাইয় 12:6

ও সিয়োন মানুচ্চুন্, তুমি দাঙর্ গুরিনে রঅ ছাড় আর হুজিয়ে গীদ্ গঅ, কিত্তে ইস্রায়েলর সেই পবিত্র মানুচ্চো তমা ভিদিরে দাঙর্।”

যিশাইয় 14:19

মাত্তর্ তরে গাজর্ বাদ দিয়্যে ডেলা ধোক্ক্যেন্ গোর বারেদি ফেলেই দিয়্যে ওইয়্যে। তলোয়ার্‌লোই যিগুনোরে মারে ফেলেইনে গোরর্ বেগত্তুন্ তলে জাগানত্ পাদা ওইয়্যে তারা কিয়্যেগানিলোই তুই নাঢা যেইয়োচ্। তুই টেঙোই মাজ্যে মরাকিয়্যে ধোক্ক্যেন্ ওইয়োচ্।

যিশাইয় 16:14

মাত্তর্ ইক্কিনে লগেপ্রভু কোইয়্যেদে, “চুক্তি গোজ্যে চাগরে যেধোক্ক্যেন্ গুরি বজর্ গুণে সেধোক্ক্যেন গুরি ঠিগ্ তিন বজর ভিদিরে মোয়াবর্ সয়সাগোজ্যে আর তার বোউত্ মান্‌জ্যরে ঈচ্ গরা অবঅ আর বাঁজি থেইয়্যে মানুচ্চুন্ অবাক জনেদি কম্ আহ্ বলপোজ্যে।”

যিশাইয় 16:6

আমি মোয়াবর দেমাগর্ কধা শুন্ন্যেই, তে অমকদ দেমাগ্। তার বাড়্‌বো কধা, নিজোরে দাঙর্ গুরিবার কধা আর বেক দেমাগর্ কধানি শুন্ন্যেই, মাত্তর্ তার বেক বাড়্‌বো গরানাগানি মিজে।

যিশাইয় 18:4

লগেপ্রভু মরে কোইয়্যেদে, “তেল্‌তেল্যে আগাজত্ রোদো তেজ ধোক্ক্যেন্, হরান্যেত্ খেত্-খেত্তি কাবিবার অক্তত্ খুয়ো মেঘ ধোক্ক্যেন্ মুই জুরো গুরিনে মঅ থেবার জাগানত্তুন্ চেই থেম্।”

যিশাইয় 25:6

বেগত্তুন্ খেমতাবলা লগেপ্রভু এ মুড়োবো উগুরে বেক্ জাদ মানুচ্চুনোত্তে গম্ গম্ হানা জিনিজোর আর পুরোণ আংগুর-রসর এক্কো দাঙর্ হানা দিবো ; সিয়েনত্ থেবদে বেগত্তুন্ গম্ য়েরাগান আর বেগত্তুন গম্ আংগুর-রসছান্।

যিশাইয় 26:6

অত্যেচার্ ওইয়্যে আর নাঢা মানুচ্চুনে সিয়েনি টেঙোই মাড়ন্।

যিশাইয় 5:25

সেনত্তে লগেপ্রভুর রাগ্‌‌কান তা মানুচ্চুনো বিরুদ্ধে জুলি উঠ্যে; তে আঢ্ তুলিনে তারারে আঘাত্ গোজ্যে। মুড়ো-মুড়ি গির্‌‌গিরাদন্ আর মরাকিয়্যেনি পধত্ পেজা কুড়ো ধোক্ক্যেন্ পোজ্যে আঘে। ইয়েনর্ পরেদিয়ো তা রাগ্‌‌কান্ ন-থামায়, তে আঢ্ তুলি রাগেয়্যে।

যিরমিয় 48:1

মোয়াব পৌইদ্যেনে ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, “হায় নবো! সিয়েন দঅ ভস্ত ওই যেবঅ। কিরিয়াথয়িমে অসর্মান ওইনে অন্যগুনো আঢত্ যেবঅ; তা ঘিজ্যে দেবালান ভাঙি যেইনে মাজারা ন-থেবঅ।

যিরমিয় 48:2

মোয়াবরে আর বাঈনী গরা ন-অবঅ; তা পতনত্তে মান্‌‌জ্যে হিশ্‌বোনত্ কুজুরোমী গুরি কবাক্, ‘এজঅ, আমি সেই জাদ্‌‌‍তোরে শেজ্ গুরি দিই।’ ও মদ্‌মেনা, তরেয়ো ভস্ত গরা অবঅ; তলোয়ারানে তঅ পিজেদি লোড়েব। ‌‌‍

আবিলেচ্ 1:15

লগেপ্রভু মঅ ভিদিরে বেক যোদ্ধাগুনোরে বাদ্ দিয়্যে; মর্ গাবুজ্যেগুনোরে ভস্ত গুরিবাত্তে মঅ বিরুদ্ধে এক্কান সময় ঠিগ্ গোজ্যে। আংগুর মাড়েদে গাদত্ গাবুজ্যে মিলে যিহূদারে তে টেঙোই মাজ্যে।

যিহিষ্কেল 25:8

পরেদি প্রভু লগেপ্রভু কোইয়্যেদে, “মোয়াব আর সেয়ীরে কত্তে, ‘চাহ্, যিহূদার মানুচ্চুনে অন্য বেক্ জাদ্‌‌‌‌‌তুনো ধোক্ক্যেন ওই যেইয়োন।’

যিহিষ্কেল 48:35

শঅর চেরোকিত্তে দেবাল মাব্‌‌পান অবঅ আদার আজার্ মাবেদে কাদি। সে অক্তত্তুন্ ধুরি শঅরানর্ নাঙ্ অবঅ, ‘লগেপ্রভু ইয়েনত্ আঘে।’ ”

মীখা 4:13

লগেপ্রভু কত্তে, “ও সিয়োন-ঝিবো, তুই উদিনে শোজ্য মাড়্; মুই তরে লুয়োর্ শিং আর পিদোলর্ খুর্ দিম যেনে তুই ভালোক্ জাদরে চুরমার গুরি পারচ্। তুই তারার্ অন্যেয়গুরিনে পেইয়্যে পযাপিরা আর ধন-সোম্বোত্তিগানি মঅ নাঙে, বেক্ পিত্‌‌‌থিমীগানর্ প্রভুর নাঙে ভস্ত অনা অভিশাবর্ অধীন ইজেবে দি দিম‌।”

গণাণা 24:17

‘ইক্কিনে ন-অলেয়ো মুই তারে দেগঙর্, যুনিয়ো তে কোয়-কুরে নয় তো তা উগুরে মর্‌ চোগ্‌ পোজ্যে। এক্কো তারা উদিবো যাকোবর্‌ বংশত্‌, এক্কো রাজদন্ড উদিবো ইস্রায়েলর মোধ্যেত্তুন। মোয়াবীয়গুনোর্‌ আর শেথর পুয়োগুনোর্‌ মাঢাগুন তে গুড়ি গুরি দিবো।