যিশাইয় 24:9 - Chakma Bible

⁹ তারা আর গান গেই গেই আংগুর-রস ন-হেবাক্; মদখুরুনো মুয়োত্ মদ তিদে লাগিবো।

যিশাইয় 24:9 ပူးပေါင်းရင်းမြစ်များ

গীতসংহিতা 69:12

যিগুনে শঅরর্ গেদোত বোইনে তারা ভিদিরে মরে নিইনে কধা তুলোন্; মাত্তলুনে মরে নিইনে গীদ্ গান।

উপদেশক 9:7

সেনত্তে তুই যেইনে হুজিয়ে রাজিয়ে তঅ হানাগান্ হা আর মনঅ হুজিয়ে আংগুরো-রস্ হা, কিত্তে তর্ এ কামানি গোজেনে আগে এলাফেলা গোজ্যে।

যিশাইয় 5:20

অভিশাব্ পোড়োক্ সেই মানুচ্চুনোর্, যিগুনে ভান্ন্যেয়ানরে গম্ কন্ আর গমানরে কন্ ভান্ন্যেই, যিগুনে পহ্‌রানরে আন্ধার্ আর আন্ধারানরে পহ্‌‌‌‌‌র বিলি মনে গরন্, যিগুনে মিদেগানরে তিদে আর তিদেগানরে মিদে বিলি মনে গরন্।‌‌

যিশাইয় 5:22

অভিশাব্ পোড়োক্ সেই মানুচ্চুনোর্, যিগুনে আংগুর-রস হেবার্ অক্তত্ কাবিদ্যং আর মদ মিজেইদ্যে কামত্ কাবিল্,

যিহিষ্কেল 26:13

মুই তর্ গান রবো থামেই দিম; বীণার বাজানাবোয়ো আর শুনো ন-যেবঅ।

আমোষ 8:10

মুই তমার্ পরব্‌‌পুন দুঘে আর বেক্ গানুন্ আবিলেচ্ গরে পারা বুদুলি দিম। মুই তমারে বেক্কুনোরে বস্তা ফাদা পিনেম্ আর মাঢাগুনোত্ টাক্ গুরি দিম। মুই সেই সময়ানরে বানা এক্কো গুরি পুয়োর্ মরণর্ আবিলেজর্ সময় ধোক্ক্যেন গুরিম আর সিয়েন থুম্ সং চলিবো অমকদ দুঘে।”

আমোষ 8:3

সেদিন্যে রাজঘরত্ গান বদলে এই আবিলেচ্‌‌‌চান অবঅ, ‘বোউত্, বোউত্ মরাকিয়্যে; সিয়েনি বেক্ জাগানি ইধু লুঙি মারিনে ফেলা ওইয়্যে। জুড়ো অ।’ ”

সখরিয় 9:15

বেগত্তুন্ খেমতাবলা লগেপ্রভু তারারে রোক্ষ্যে গুরিবো। ইয়েন্দোই তারা শত্রুগুনোরে ভস্ত গুরিবাক্ আর তারার্ ফিংগার পাত্তরুন টেঙোই মাড়িবাক্। তারা আংগুর-রস হেবাক্ আর মাত্তলুনো ধোক্ক্যেন রঅ ছাড়িবাক্; ঢালিপূজোগুনোর কোণাগুনোত্ পিলেত্তুন্ লো ঢালেদে ধোক্ক্যেন গুরি তারা বজমান্ লো ঝোড়েবাক্।