যিশাইয় 24:4 - Chakma Bible

⁴ পিত্‌থিমীগান ন-লোজ্যে ওই যেবঅ; সংসারান্ শুগেই যেবঅ আর ন-লোজ্যে অবঅ আর পিত্‌‌থিমীর সর্মান পেইয়্যে মানুচ্চুনে আমক্ অবাক্।

যিশাইয় 24:4 ပူးပေါင်းရင်းမြစ်များ

যিশাইয় 24:21

সেদিন্যে লগেপ্রভু আগাজ উগুরে বেগত্তুন্ খেমতাবলাগুনোরে সাজা দিবো, আর পিত্‌থিমীত্ রাজাগুনোরে সাজা দিবো।‌‌

যিশাইয় 24:3

পিত্‌থিমীগান এক্কুবারে খালি ওই পড়ি থেবঅ, সিয়েন এক্কুবারে লুদো অবঅ। লগেপ্রভু এ কধাগান কোইয়্যেদে।

যিশাইয় 28:1

হায়, ইফ্রয়িমর্ মাত্তলে ধোজ্যেগুনোর মুকুটো ধোক্ক্যেন্ শঅরান্, যিয়েন্দোই তারা বাড়্‌বো গরন্! হায়, ইফ্রয়িমর্ বাঈনী গোজ্যে দোল্ সেই শুগেই যেইয়্যে মালাবো, যিবে এক্কো বোল্‌‌বোল্যে কলগ মাঢা উগুরে আঘে! আংগুর-রসে সেই কলগর্ মানুচ্চুনোরে হেই ফেল্যে।

যিশাইয় 3:26

সিয়োনর গেট্‌টুন্ বিলেপ আর আবিলেচ্ গুরিবাক্; সিয়োনানে বেক্কানি আড়েইনে মাদিত্ বজিবো।

যিশাইয় 33:9

দেজ্‌চানে আবিলেচ্ গরের্ আর শুগেই যার্, লেবাননে লাজ্ পেইয়্যে আর শুগেই যার্, শারোণানে ধূল্যেচর-চাগালা ধোক্ক্যেন ওইয়্যে আর বাশন আর কর্মিলো বেক্ গাজ পাদানি ঝুরি পড়ের্।

যিশাইয় 64:6

আমি বেক্কুনে অসিজি মান্‌‌জ্য ধোক্ক্যেন ওইয়্যেই আর আমা বেক্ গম্ কামানি কজরা কাবড় ধোক্ক্যেন। আমি বেক্কুনে পাদা ধোক্ক্যেন শুগেই যেইয়্যেই, আমা পাপ‌্পানিয়ে বোইয়্যের ধোক্ক্যেন গুরি আমারে উড়েই নেযেয়্যে।‌

যিরমিয় 12:4

আর কয়দিন দেজ্‌‍‍‌‌‌‌‌চানে আবিলেজ্ গুরিবো আর মাদ গাজ্‌‍‍‌‌‌‌‌চানি শুগুনো ওই থেবঅ? যিগুনে সিয়েনত্ বজত্তি গরন তারা ভান্ন্যেই বিলিনে য়েমানে আর পেগ্‌‍‍‌‌‌‌‌কুনে বেক্কুন ভস্ত ওই যেইয়োন। সেই মানুচ্চুনে কদন, “আমার যিয়েন অবঅ সিয়েন তে ন-দেগিবো।”

যিরমিয় 4:28

পিথ্‌‌‍তিমীগানে আবিলেচ্ গুরিবো আর আগাজ্‌চান আন্দার্ ওই যেবঅ, কিত্তে মুই সে কধাগান কঙর্। মুয়ই ইয়েন থির্ গোজ্যং; সিয়েনত্তুন ন-ফিরিম, সিয়েন গুরিম্‌বে গুরিম।”‌‍‍‍‍‍

আবিলেচ্ 1:4

সিয়োনর পথ্‌‌তানিয়ে আবিলেচ্ গরের্, কিত্তে ঠিগ্ গোজ্যে পরবত্ কনজন আর ন-এজন্। তার বেক্ গেট্‌‌তুনোত্ সোমেবার পথ্‌তান খালি। তার ধর্মগুরুগুনে বুগ্ চাবারাদন, গাবুজ্যে মিলেগুনে দুঘ্ পাদন, সেক্কে তে মনত্ অমকদ দুঘ্ পার্।

হোশেয় 4:3

ইয়েনত্তে দেজ্‌চানে আবিলেচ্ গরের আর যিগুনে দেজ ভিদিরে বজত্তি গত্তন্ তারা শেজ্ ওই যাদন আর য়েমান, পেগ্ আর মাছ মুরি যাদন্।

যোয়েল 1:10

বেক্ খেত্তানি বর্‌‌বাত্ ওই যেইয়্যে, মাদিগানে আবিলেচ্ গরের্, কিত্যে শোজ্যগানি বর্‌‌বাত্ ওইয়্যে, নুয়ো আংগুর-রস শুগেই যেইয়্যে আর তেল শেজ্ ওই এজের্।