যিশাইয় 24:2 - Chakma Bible

² সেদিন্যে ধর্মগুরু আর সাধারন মানুচ্চুনোর্, গিরোজ্ আর চাগরুনোর, ঘর মিলেবোর আর চাগরানিবোর, দোগানদার আর কিনিয়্যেবোর, যে উদোজ্যে টেঙা লয় আর যিবে উদোজ্যে টেঙা দে তারার আর সুদি টেঙা লোইয়্যেবোর আর সুদি টেঙা দিয়্যেবোর বেক্কুনোর অবস্থা এক্কুই অবঅ।

যিশাইয় 24:2 ပူးပေါင်းရင်းမြစ်များ

পত্থম 41:50

ভাদ-রাদ আগেদি ওন্‌ শঅর ধর্মগুরু পোটীফরর ঝি আসনত পেদত্‌ যোষেফর দ্বিবে পুয়োর জর্ম অলাক্।

২ বংশধর 36:20

যিগুনে মরণর্‌ আদত্তুন্‌ রোক্ষ্যে পেইয়োন্‌ তারারে তে বাবিলোত্‌ নেযেল, আর পারস্য-রেজ্যগান্‌ খেমতাত্‌ ন-এযানা সং তারা নবূখদ্‌নিৎসর আর তার্‌ গুট্টিগুনোর্‌ চাগর্‌ ওই থেলাক্‌।

যিশাইয় 2:9

সেনত্তে মানুচ্চুনোরে লঙা অবঅ আর তারারে বেক্কুনোরে তলে গরা অবঅ। তারারে তুই ক্ষেমা ন-গুরিচ্।

যিশাইয় 24:3

পিত্‌থিমীগান এক্কুবারে খালি ওই পড়ি থেবঅ, সিয়েন এক্কুবারে লুদো অবঅ। লগেপ্রভু এ কধাগান কোইয়্যেদে।

যিশাইয় 28:7

মাত্তর্ ইফ্রয়িমর ধর্মগুরু আর ভাববাদীগুনে ইক্কিনে আংগুর-রস হেইনে মাত্তলে ধুরি পাগলামি গরন্ আর মদ হেইনে গোজ্যেই যান্; তারা টলদে টলদে দর্শন পান আর সে অবস্থায় রায় দুয়োন্।

যিশাইয় 5:15

অজল্-নিযো বেক্কুনোরে লোঙেই দিয়্যে অবঅ, আর বাড়্‌বো গুরিয়্যেগুনোর্ চোগ্‌কুন তলে লামেই দিয়্যে অবঅ।‌

যিরমিয় 42:18

ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, যিগুনে যিরূশালেমত্ বজত্তি গুরিদাক্ তারা উগুরে যেবাবোত্যে মর্ অহুজি আর রাগ্ ঢালি পোজ্যে তুমি মিসরত্ গেলে সেবাবোত্যেগুরি মঅ রাগ্‌কান তমা উগুরেয়ো পুরিবো। তুমি অবা ঠাট্টা আর ঈচ্ গরা হেইয়্যে মানুচ্; তমা অবস্থা দেগিনে মানুচ্চুনে আমক্ অবাক্ আর তমা নাঙানিলোই মান্‌জ্যে অভিশাব্ দিবাক্। তুমি আর কনদিন্‌অ এ জাগায়ান ন-দেগিবা।

আবিলেচ্ 4:13

এ ঘটনাগান ঘোট্যেদে তা ভাববাদীগুনোর্ পাপত্তে, তা ধর্মগুরুগুনোর্ অন্যেয়ত্তে, কিত্তেই সিয়োদোই তারা গম্ মানুচ্চুনোর্ লো জোরেদাক্।

আবিলেচ্ 4:16

লগেপ্রভু নিজে তারারে ছিদি দিয়্যে; তে তারা উগুরে আর মনযোগ্ ন-দে। মান্‌জ্যে ধর্মগুরুগুনোরে সর্মান ন-দেগান্, দোয়্যে ন-গরন্ বুড়ো নেতাগুনোরে।

আবিলেচ্ 4:6

যে সদোমানরে মুহূত্তো ভিদিরে উল্ল্যে ফেলা ওইয়্যে, যিবে বিরুদ্ধে কনঅ মান্‌জ্যর্ আঢ্ ন-উদে, সেই সদোমর্ পাপত্তুন্‌অ বেশ্ মঅ মানুচ্চুনোর অন্যেয়ান বেশ্।

হোশেয় 4:9

যেবাবোত্যেগুরি মানুচ্চুনোরে সেবাবোত্যে ধর্মগুরুগুনোরেয়ো সাজা দিয়্যে অবঅ; তারার্ আচার-বেবহারত্তে তারারে বেক্কুনোরে মুই সাজা দিম আর তারার্ কাম মজিম্ ফল দিম।