যিশাইয় 23:11 - Chakma Bible

¹¹ লগেপ্রভু বড়্ সাগর উগুরে তা আঢ্‌তান বাবেই দিয়্যে আর রেজ্যগানিরে ভূজোল ধোক্ক্যেন গোজ্যে। তে কনান দেজ পৌইদ্যেনে এক্কান উগুম জারি গোজ্যে যেনে তার ঘরানি ভস্ত গরা অয়।

যিশাইয় 23:11 ပူးပေါင်းရင်းမြစ်များ

পত্থম 9:25

সেক্কে তে কলঅ, “কনানে অভিশাব পেইয়্যে ওক্‌ । তে তার্ ভেইয়ুনোর বেক্কুনোত্তুন্‌ তলে পোজ্যে চাগর্‌ ওক্‌।”

গীতসংহিতা 46:6

জাদ্‌তুনে বেক্কুনে রঅ ছাড়দন, রেজ্যগানি ভাঙি পড়ে; তে গুজুরি উদে, পিত্‌থিমীগান গুলি যায়।

গীতসংহিতা 71:3

তুই মর্ আশ্রয়-মুড়ো অ যিবে ইদু মুই নিত্য যেই পারং। তুই মর্ অজল্ মুড়ো আর ঘর, সেনত্তে মরে রোক্ষ্যে গুরিবাত্তে উগুম দুয়োচ্।

যাত্রা 14:21

পরেদি মোশি বড়গাঙ উগুরে তার্‌ আত্তান্‌ বাড়েই দিলো; আর লগেপ্রভু গোদা রেত্তো ধুরিনে এক্কান পূগেন্দিত্তুন্ বোইয়্যের্‌ জোরে বেঈনে বড়গাঙর্‌ পানিগানরে দ্বিকিত্তেদি সোরেই দিলো। তে পানিগানরে দ্বিভাগ্‌ গুরিনেই বড়গাঙর্‌ ভিদিরেদি এক্কান্‌ শুগুনো পথ বানেই দিলো।

যিশাইয় 10:6

মুই তারে গোজেন উগুরে ভোক্তিনেইয়্যে এক্কো জাদ বিরুদ্ধে পাদাঙর্ আর যিগুনে মঅ রাগ্‌‌কান তুলি দুয়োন্ তারা বিরুদ্ধে পাদাঙর্ যেন তে লুদেই পারে আর কাড়ি নেযেই পারে আর পদ কাদা ধোক্ক্যেন্ গুরি তারারে টেঙোই মাড়ি পারে।

যিশাইয় 13:13

সেনত্তে মুই আগাজ্‌‌চানরে গির্‌‌‌গিরে দিম্; বেগত্তুন্ খেমতাবলা লগেপ্রভুর অমকদ রাগে তার জোল্‌জোল্যে রাগর্ দিন্নোত্ পিত্‌থিমীগানে তা জাগানত্তুন্ লুড়িবো।‌

যিশাইয় 14:26

গোদা দুনিয়েগানত্তে এ সুদোমান্ ঠিগ্ গরা ওইয়্যে আর বেক জাদ্‌তুনো উগুরে এ আঢ্‌‌‌‌তান বাবেই দিয়্যে ওইয়্যে।‌

যিশাইয় 19:5

য়্যেল্ গাঙর্ পানিগান শুগেই যেবঅ, আর গাঙান সংমোধ্যে চর্ পড়িনে সিয়েন ফাদি যেবঅ।

যিশাইয় 2:19

লগেপ্রভু যেক্কে পিত্‌থিমীর মানুচ্চুনোরে দর্‌বুক্ দেগেবাত্তে এবঅ সেক্কে তার্ দর্‌গরেপারা আর মহিমার্ জোল্‌জোল্যেগান আঢত্তুন্ রোক্ষ্যে পেবাত্তে মান্‌জ্যে সেদিন্যে মোন্-মুড়ো সেরে সুরুঙোত্ আর মাঢি গাদত্ ধেই যেবাক্।

যিশাইয় 23:10

ও তর্শীশোর মানুচ্চুন্, য়েল্ গাঙর পানিগান যেবাবোত্যেগুরি পারানি ভাঙি যায় সেবাবোত্যেগুরি তুমিয়ো দেজত্ ছিদি পড়; তমারে আক্‌‌সোই রাগাইদ্যে ধোক্ক্যেন আর কনজন নেই।

যিশাইয় 23:3

শীহোর গাঙর্, অত্তাৎ য়েল্ গাঙ পারর্ শোজ্যগানি দাঙর্ সাগর উগুরেদি এদঅ; সোরর আয় এলদে সে গাঙ পারর্ খেত-খেত্তিগানি, আর সোর ওই উদিলোদে বেক্ জাদ্‌তুনোর বাজার।‌‌‌

যিশাইয় 25:2

তুই শঅরানরে শিল্ পাত্তর ভিদে বানেয়োচ্ আর দেবাল-ঘিজ্যে শঅরানরে গোজ্যস্ ভস্তর্ কুড়্। বিদেশী শত্রুগুনোর ঘরানি আর্ ন-থেবঅ; সিয়েনি কনদিন্অ আর্ বানা ন-অবঅ।

যিশাইয় 5:25

সেনত্তে লগেপ্রভুর রাগ্‌‌কান তা মানুচ্চুনো বিরুদ্ধে জুলি উঠ্যে; তে আঢ্ তুলিনে তারারে আঘাত্ গোজ্যে। মুড়ো-মুড়ি গির্‌‌গিরাদন্ আর মরাকিয়্যেনি পধত্ পেজা কুড়ো ধোক্ক্যেন্ পোজ্যে আঘে। ইয়েনর্ পরেদিয়ো তা রাগ্‌‌কান্ ন-থামায়, তে আঢ্ তুলি রাগেয়্যে।

যিশাইয় 50:2

মুই এজানার্ পরেদি কনজনে সিয়েনত্ ন-এলঅ কিত্তে? মুই ডাগানার্ পরেদি জোব্ দিবাত্তে কনজন ন-এলঅ কিত্তে? তমারে উদ্ধোর্ গুরিবাত্তে মঅ আঢ্‌‌‌তান কি বেশ্ বাদি? তমারে উদ্ধোর্ গুরিবাত্তে মর্ কি খেমতার্ অভাব ওইয়্যে? বানা ধমক্ দিইনে মুই সাগরান শুগেই ফেলাং আর গাঙানি ধূল্যেচর গুরি দুয়োং; সিদুগোর মাছ্‌‌‌‌চুন পানি অভাবে পুযি যান আর পানি তিরেজে মুরি যান।

যিরমিয় 47:7

মাত্তর্ মুই তারে উগুম দুয়োং সেনত্তে কিবাবোত্যেগুরি তে জিরেব? মুয়ই দঅ তারে অস্কিলোন আর সাগর পারানি আক্রমণ গুরিবাত্তে উগুম দুয়োং।”

যিহিষ্কেল 26:10

তার এদক্ বেশ্ ঘোড়া থেবাক্, সিগুনে তরে ধূল্যেলোই নাঢি দিবাক্। ভাঙা দেবাল ভিদিরেদি মান্‌‌‌‌‌জ্যে যেবাবোত্যে গুরি শঅরত্ সমন্ সেবাবোত্যেগুরি তে যেক্কে যুদ্ধোর ঘোড়া, গাড়ি আর রথ্‌তোই তর্ বেক গেইট্টুনো ইন্দি সোমেব সেক্কে তা রবুয়োলোই তর্ দেবালানি গির্‌‌‌‌‌‌গিরেব।

যিহিষ্কেল 26:4

তারা সোরর্ দেবালান্ ভস্ত গুরিবাক্ আর অজল্ চুগিদার-ঘরানি ভাঙি ফেলেবাক্। মুই তার ধূল্যে-কজরানি ছাজি ফেলেইনে তারে পাত্তর ধোক্ক্যেন গুরি থোই দিম।

যিহিষ্কেল 31:16

মরা মানুচ্চুনো লগে মুই যেক্কে তারে মরণ জাগাত্ লামেই দিলুং সেক্কে তার পড়ি যানার্ রলোই জাদ্‌‌‌‌‌তুনে গির্‌‌‌‌‌গিরে উদিলাক্। সেক্কে এদনর্ বেক গাজ্‌‌‌‌‌চুন, লেবাননর্ বেঈ লোইয়্যে আর সেরা গাজ্‌‌‌‌‌চুন আর গমেডালে পানি পেইয়্যে বেক্ গাজ্‌‌‌‌‌চুন পিত্‌‌‌‌‌থিমীর গভীনোত্ সান্তনা পেলাক্।

নহূম 1:14

ও নীনবী শঅরান, লগেপ্রভু তঅ পৌইদ্যেনে কত্তে, “তঅ নাঙান্ রোক্ষ্যে গুরিবাত্তে তইধু কনঅ মানুচ্ ন-থেবাক্। তঅ দেব-দেবেদাগুনোর্ মন্দিরোত্ যিদুক্কুন আরুগ্ আর মূত্তি আগন্ সিগুন মুই ভস্ত গুরি ফেলেম। তুই অপদাত্ত বিলি মুই তঅ গোরান্ যুক্কোল্ গুরিম।”

হগয় 2:7

মুই বেক্ জাদ্‌‌তুনোরে লাড়েম আর সেক্কে তারা তারার্ ধন-সোম্বোত্তিগানি ইধু আনিবাক্। সেক্কে মুই এ ঘরান্ সয়-সাগোজ্যেলোই ফেলেং ফেলেং গুরিম।

সখরিয় 14:21

যিরূশালেম আর যিহূদার পত্তি রানেদে পিলেগুন বেগত্তুন্ খেমতাবলা লগেপ্রভুর নাঙে সুদ্ধো-সাংগ অবাক্ আর যিগুনে য়েমান-উৎসর্বর অনুষ্ঠান পালেবাত্তে এবাক্ তারা সেই পিলেগুনোত্তুন কয়েক্কো নিইনে সিগুনোত্ রানিবাক্। সেদিন্যে বেগত্তুন্ খেমতাবলা লগেপ্রভুর ঘরত্ কনজনে বেবসা ন-গুরিবাক্।

মার্ক 11:17

পরেদি শিক্ষ্যে দিবার্ অক্তত্ তে সেই মানুচ্চুনোরে কলঅ, “পবিত্র বোইবোত্ কি এ কধাগান লেগা নেই যে, ‘মঅ উবোসনা ঘরানরে বেক্ জাদ্‌তুনোর তবনা ঘর্ কুয়ো অবঅ’? মাত্তর্ তুমি ইয়েনরে ডাগেদর্ আড্ডাখানা বানেয়ো!”

যোহন 2:16

যিগুনে কোদোর্ বেজদন্ যীশু তারারে কলঅ, “এ জাগানত্তুন্ ইগুন বেক্কুন্ নেযগোই। মঅ বাব ঘরান্ বেবসা ঘর্ ন-বানেয়ো।”