যিশাইয় 22:25 - Chakma Bible

²⁵ যে খুদোবো দরমর জাগাত্ লাগেই দিয়্যে ওইয়্যে সেদিন্যে সিবে খুলি এবঅ; সিবে পড়ি যেবঅ আর তা উগুরে যে ভারান্ দুলি দুলি আঘে সিয়েন কাবি ফেলা অবঅ।’ ” ইয়েন অলঅ বেগত্তুন্ খেমতাবলা লগেপ্রভুর কধা। ইয়েনি ঘুদিবো, কিত্তে লগেপ্রভু নিজেই সিয়েনি কোইয়্যে।

যিশাইয় 22:25 ပူးပေါင်းရင်းမြစ်များ

গীতসংহিতা 146:3

কনঅ দাঙর্ পোজিশন মান্‌জ্যলোই, কনঅ মান্‌জ্য উগুরে তুমি বিশ্বেজ্ ন-গোজ্য; তারা উদ্ধোর্ গুরি ন-পারন্।

গীতসংহিতা 52:5

মাত্তর্ গোজেনে তরে উমরত্তে ভস্ত গুরিবো; তে তরে টানি আনিবো, তর্ তাম্বুলোত্তুন্ কারি আনিবো, জেদাগুনোর দেজত্তুন্ তরে উগুরে ফেলেব।

যিশাইয় 22:23

এক্কান দরমর জাগাত্ মুই তারে খুদো ধোক্ক্যেন গুরি লাগেই দিম্, তা বাব বংশবোত্তে তে অবদে এক্কান সর্মানর মানুচ্।

যিশাইয় 22:24

তা বংশবোর বেক্ কামানি তা কানাত্ থেবঅ। নানান্ বাবোত্যে চিগোন-চাগন্ পিলে যেধোক্ক্যেন খুদোত্ দুলোন সেধোক্ক্যেন তার ঝি-পুয়োগুন আর বংশধরুন তা কানাত্ দুলি দুলি থেবাক্।

যিশাইয় 46:11

মঅ উদ্দেশ্যগান পুরেবাত্তে মুই এক্কো মান্‌জ্যরে দূর দেজত্তুন্ ডাগি আনিম; তে পূগ দেজত্তুন্ শিগেরী পেগো ধোক্ক্যেন্ এবঅ। মুই যিয়েনি কোইয়োং সিয়েনি মুই সফল গুরিম আর যিয়েনি পরিকল্পনা গোজ্যং সিয়েনি গুরিম।

যিশাইয় 48:15

মুই, মুই লগেপ্রভু কধা কোইয়োং; অয়, মুয়ই তারে ডাক্যং। মুই তারে আনিম আর তে তা কামত্ ফোলেব।

যিরমিয় 4:28

পিথ্‌‌‍তিমীগানে আবিলেচ্ গুরিবো আর আগাজ্‌চান আন্দার্ ওই যেবঅ, কিত্তে মুই সে কধাগান কঙর্। মুয়ই ইয়েন থির্ গোজ্যং; সিয়েনত্তুন ন-ফিরিম, সিয়েন গুরিম্‌বে গুরিম।”‌‍‍‍‍‍

যিহিষ্কেল 5:13

ইয়েনি গরানার্ পরেদি মর্ অমকদ বেজার্ অনাগান্ থুম্ অবঅ; তারা উগুরে মর্ রাগ্‌‌কান পুরোপুরি ঢালি দেনার পরেদি মুই শান্ত ওম্। সেক্কে তারা হবর্ পেবাক্ যে, মর্ রিবেঙর্ জ্বালায় মুই লগেপ্রভু এই কধানি কোইয়োং।

যিহিষ্কেল 5:15

মুই যেক্কে অমকদ অহুজি, রাগে আর অমকদ গেইল্‌‌‌লোই তরে সাজা দিম্ সেক্কে তর্ চেরোকিত্তে জাদ্‌‌‌তুনে তরে দেগিনে আমক্ অবাক্; তুই তারা ইধু অবে নিন্দে আর ঈচ্ গরা হেইয়্যে মানুচ্ আর এক্কো উজিয়ার কধা ধোক্ক্যেন।

যিহিষ্কেল 5:17

তঅ বিরুদ্ধে মুই ভাদরাদ্ আর চিৎনপুজ্যে য়েমান পাধেই দিম্; তারা তরে পুয়ো-ছা নেইয়্যে গুরিবাক্। ভানা আর লো ঝরানা তঅ মাধ্যমে যেবঅ আর মুই তঅ বিরুদ্ধে যুদ্ধো আনিম। মুই লগেপ্রভু এ কধাগান কলুং।”

মীখা 4:4

পত্তিজনে নিজোর্ নিজোর্ আংগুর লুদি আর ডোমোর্ গাজ তলে বুজিবাক্ আর কনজনে তারারে দর্‌‌‌‌বুক ন-লাগেবাক্, কারন বেগত্তুন্ খেমতাবলা লগেপ্রভু সে কধাগান কোইয়্যেদে।