যিশাইয় 22:2 - Chakma Bible

² ও যাগুলুগে ভরা শঅরান্, ও কোজ্যে বাজেয়্যে আর রঅ ছাজ্যে শঅরান্, তঅ মরা মানুচ্চুনে দঅ তলোয়ার আঘাতে ন-মরন্ বা যুদ্বোত্অ ন-মরন্।

যিশাইয় 22:2 ပူးပေါင်းရင်းမြစ်များ

যিশাইয় 10:4

তুমি দঅ বন্দীগুনো ভিদিরে থেবা বা মরাগুনোর্ সমাজ্যে অবা; তমার্ গুরিবার আর্ কিচ্চু ন থেবঅ। ইয়েনি অলেয়ো তা রাগ্‌কান ন-থামেব; এজঅ তা আঢ্‌তান তুল্যে আঘে।

যিশাইয় 23:7

ইয়েন কি তমার্ সেই ফুত্তি গুরিবার শঅর্, সেই পুরোণ, অমকদ পুরোণ শঅর্, যিগুনোর মানুচ্চুনে দূর্ দেজত্ বজত্তি গুরিবাত্তে যেদাক্?

যিশাইয় 32:13

কাদাগাজে আর কাদাঝুব্‌পোই ভরা মঅ মানুচ্চুনোর্ দেজ্‌ছানত্তে বুগ্ চাবড়। অয়, রঙ্গ-ফুত্তিলোই ভরা ঘরানি আর কিজিক্-কাজাগে ভরা শঅরত্তে বুগ্ চাবড়।

যিশাইয় 32:14

যেদক্কন্ সং উগুরেত্তুন্ পবিত্র আত্মাগানরে আমা উগুরে ঢালি দিয়্যে ন-অয় আর ধূল্যেচর-চাগালাগান বোল্‌‌বোল্যে জাগা ন-য় আর বোল্‌‌বোল্যে জাগায়ান ঝার ধোক্ক্যেন মনে ন-অয়, সেদক্ দিন সং ঘরত্ আর যাগুলুগে ভরা শঅরত্ কনজনে ন-থেবাক্, আর মুড়োগুন, চুগিদার ঘরানি ফেলা যেইয়্যে জাগা অবঅ। সিয়েনি ঝার্‌বো গাধাগুনোর হুজির্ জাগা আর য়েমান পালুনোর্ চড়িবার্ জাগা অবঅ।‌

যিশাইয় 37:33

“সেনত্তে আসিরিয়ার রাজা পৌইদ্যেনে লগেপ্রভু এ কধাগান কোইয়্যে, ‘তে এ শহরত্ ন-সোমেব বা ইয়েনত্ এক্কো সেল্অ ন-মারিবো। তে ঢাল্লোই ইয়েন মুজুঙোত্ ন-এবঅ বা ঘিরিনে উদোনা-লামানা গুরিবাত্তে কিচ্চু ন-বানেব।

যিশাইয় 37:36

সে পরেদি লগেপ্রভুর দূত্‌তো নিগিলিনে আসিরিয়গুনোর্ তাম্বুলোর্ এক লাখ্ পাচাশি আজার্ মান্‌‌‌জ্যরে মারে ফেলেল। তার্ কেল্যে বেন্যে অক্তত্ মানুচ্চুনে যেক্কে উদিলাক্ সেক্কে দেগা গেলদে বেক জাগানিত্ বানা মরা মানুচ্।‌‍‌

যিরমিয় 14:18

মুই নিগিলিনে মাদত্ গেলে মরা মানুচ্চুনোরে দেগং; আর শঅরত্ গেলে দেগং ভাদরাদর্ কারনে ভস্ত। ভাববাদী আর ধর্মগুরুগুনে এমন দেজত্ ঘুরি বেড়াদন যিগুনো পৌইদ্যেনে তারা কিচ্চু হবর্ ন-পান।’ ”

যিরমিয় 38:2

যিরমিয় কোইয়্যেদে, “লগেপ্রভু এ কধাগান কোইয়্যেদে, ‘যে কনজনে এ শঅরত্ থেবাক্ তে অয় যুদ্ধোত্ নয় ভাদরাদত্ বা ভানালোই মুরি যেবঅ, মাত্তর্ যে কনজনে বাবিলীয়গুনো ইধু যেবঅ তে ন-মুরিবো। তে তার পরাণান্ কনমতে বাঁজেই পারিবো।

যিরমিয় 52:6

চের্ মাজত্ নয় দিনোত্ শঅরত্ ভাদরাদর্ অবস্থা এদক্ বেশ্ অলঅ যে, মানুচ্চুনোর্ হেবাত্তে কিচ্চু ন-এলঅ।

আবিলেচ্ 1:1

হায়! যে শঅরানত্ একদিন মানুজে সয়সাগোজ্যে এলাক্ সিয়েন কিবাবোত্যে গায় গায় পড়ি আঘে। যে শঅরানত্ একদিন জাদ ভিদিরেত্তুন্ নেতা এলঅ, সিয়েন ইক্কিনে রানি মিলে ধোক্ক্যেন ওইয়্যে। যিয়েন এলদে রেজ্যগানির রাণী সিয়েন ইক্কিনে ওইয়্যেদে চাগরানি।

আবিলেচ্ 2:20

ও লগেপ্রভু, চাহ্, ভাবি চাহ্, তুই দঅ আর্ কারঅ উগুরে এবাবোত্যে বেবহার ন-গরচ্? মিলেগুনে কি তারার্ নিজো পুয়ো-ছাগুনোরে হেবাক্ যিগুনোরে তারা পালেয়োন? প্রভুর সুদ্ধো-সাংগ জাগানত্ কি ধর্মগুরু আর ভাববাদীগুনোরে মারে ফেলা অবঅ?

যিহিষ্কেল 22:5

ও অশান্তিবলা জঘন্য শঅরান্, যিগুনে কায়কুরে এজন্ আর যিগুনে দূরোত্ আগন তারা তরে ঈচ্ গুরিবাক্।

সফনিয় 2:15

ইয়েনই সেই নিচিদে থেইয়্যে শঅর্ যিয়েন গমেডালে আঘে। তে মনে মনে কইদ্যে, “মুয়ই আগং, মুই বাদে আর কনজন নেই।” তে কিবাবোত্যেগুরি ভস্ত ওই গেলঅ, ঝার্‌বো য়েমানুনোর আশ্রয়র জাগা অলঅ! যিগুনে তা কায়কুরেদি যেবাক্ তারা ঠাট্টা-মশ্‌‌‌‌কারি গুরিবাক আর তারার্ বুজ্যে আঙুল্ দেগেবাক্।‌‌