যিশাইয় 22:17 - Chakma Bible

¹⁷ উজিয়ার্, ও বোলী মানুচ্চো, লগেপ্রভু তরে দরমর গুরি ধুরিনে মেলা মারিবাত্তে যার্।

যিশাইয় 22:17 ပူးပေါင်းရင်းမြစ်များ

ইষ্টের 7:8

রাজঘরর্‌ বাগানত্তুন্‌ রাজা হানা ঘরানত্‌ ফিরি এলঅ আর সেক্কেনে ইষ্টেরে যে আসনানত্‌ এলান্‌ দিইনে বোই এলঅ সিয়েন উগুরে হামনে পোজ্যে এলঅ। সেক্কে রাজা রঅ ছাড়িনে কলঅ, “এ মানুচ্চো কি মঅ মুজুঙোত্‌ রাণীর ইজ্জোদ্‌তান্ বর্‌বাদ্ গুরিবো?” রাজার মুয়োত্তুন্‌ এ কধাগান নিগিলেনার্‌ লগে লগে মানুচ্চুনে হামনর মুয়োন্‌ নাঢি দিলাক্‌।

ইয়োব 9:24

শদানুনোর্‌ আঢত্‌ পিত্‌থিমীগানরে ইরি দিয়্যে ওইয়্যে গোজেনে বিচেরক্‌কুনোর চোখ্‌কুন নাদি থোই দিয়্যে। তেয়ই যুনি সিয়েন্‌ ন-গরে সালে কন্না সিয়েন্‌ গোজ্যে?

যিশাইয় 22:16

তুই ইদু কি গরর্? আর ইদু নিজোর গোরান্ কুড়িবাত্তে, অজল্ জাগাত তঅ গোরান্ ঠিগ্ গুরিবাত্তে, মুড়ো কাবিনে জিরেবার-জাগায়ান্ বানেবাত্তে কন্না তরে অধিকার দিয়্যে?

যিশাইয় 22:18

তে তরে দরমর গুরি গুজেইনে বল ধোক্ক্যেন্ গুরি এক্কান দাঙর্ দেজত্ ফেলেই দিবো। সিয়েনত্ তুই মুরি যেবে, আর তর্ দোল্ দোল্ রথ্‌তানি সিয়েনত্ পড়ি থেবঅ। তুই তঅ গিরোজ্‌‌‌সো রাজঘরান অসর্মান গোজ্যস্।

যিরমিয় 10:18

কিত্তে লগেপ্রভু কোইয়্যেদে, “এ অক্তত্ যিগুনে দেজত্ থেবাক মুই তারারে ছিদি ফেলেই দিম; মুই তারা উগুরে এন্ দুঘ্ আনি দিম যেনে তারা ধরা পড়ন্।”

যিরমিয় 14:3

মুরুব্বীগুনে পানিত্তে তারার চাগরুনোরে পাদান; তারা পানি জাগাত্ এইনে পানি ন-পেইনে সুদো কুম্‌‌বোই ফিরি যান; তারা লাজে আর আশা আরেইনে ওইনে মাঢাগুন নাঢি রাগান্।