যিশাইয় 21:4 - Chakma Bible

⁴ মঅ মনান্ ধুক্ ধুক্ গরের্; অমকদ দর্ বুগ লাগিনে যারকাদা ছারি উদোন্। যে সাজোন্যেগানত্তে মুই বাজ্জেই থেদুং সিয়েন ইক্কিনে মইদু দর্‌গরেপারা ওইয়্যে।

যিশাইয় 21:4 ပူးပေါင်းရင်းမြစ်များ

১ রাজাবলী 1:49

এ কধাগান শুনিনে আদোনিয়র বাত্যেয়্যে বেক্‌ মানুচ্চুনে অমকদ দোরেলাক্‌ আর উদিনে যে যার্‌ পধেন্দি আঢি গেলাক।

ইষ্টের 5:12

হামনে কলঅ, “বানা সিয়েনি নয় রাণী ইষ্টেরে যে হানাগান্ দিয়্যে সিয়েনত্‌ মুই বাদে আর কনজনরে রাজার লগে বাত্যে ন-অয়। আরঅ তে এযেত্তে কেল্যেয়ো রাজার লগে মরে বাত্যেয়্যে।

গীতসংহিতা 55:5

মরে দর্‌বুগে আর গির্‌গিরেনিয়ে ধোজ্যে; অমকদ দরে মুই জুরো গুরি আগং।

গীতসংহিতা 55:6

মুই কোইয়োং, “হায়, যুনি পেগো ধোক্ক্যেন মর্ ডুয়ো থেদঅ! সালে মুই উড়ি যেইনে জিরেদুং।

যিরমিয় 4:19

হায়, মর্ মনান, মর্ মনান্! মুই যন্ত্রনালোই মজরা হাঙর্। হায়, মর্ মনান! মঅ ভিদিরে মঅ মনান ধুক্ ধুক্ গরের্। মুই জুরো গুরি থেই ন-পারঙর্, কিত্তে মুই শিঙের রঅ শুন্যং, মুই যুদ্ধোর্ ডাগ শুন্যং।

যিরমিয় 51:39

তারা রাগ্ গুরিলে পরেদি মুই তারাত্তে এক্কো মেইট্‌বানর্ বেবস্থা গুরিম। মুই তারারে মাত্তল্ গুরিম যেন তারা হুজিয়ে নাজি উদোন্, সে পরেদি উমরত্তে ঘুমোন্, কনদিন্‌অ ন‌‌‌-জাগন।

যিরমিয় 51:57

যিবের্ নাঙান বেগত্তুন্ খেমতাবলা লগেপ্রভু সেই রাজাবো কোইয়্যেদে, “মুই তার রাজার চাগরুনোরে, জ্ঞানী মানুচ্, শাজন্‌গুরিয়্যে, দাঙর্ পোজিশনর কামগুরিয়্যেগুন আর যোদ্ধাগুনোরে মাত্তল্ গুরিম। তারা উমরত্যে ঘুম যেবাক্; তারা আর ন-জাগিবাক্।

দানিয়েল 5:1

এক সময় রাজা বেল্‌‌‌‌‌শৎসরে তার এক আজার্ আজল্ মানুচ্চুনোত্তে এক্কো দাঙর্ হানা দিলো আর তে তারা সমারে আংগুর-রস খার্।

দানিয়েল 5:30

সেই রেদোত্ বাবিলীয়গুনোর রাজা বেল্‌‌‌শৎসররে মারে ফেলা অলঅ,

দানিয়েল 5:5

সেক্কে অাদিক্ক্যেন্‌গুরি মান্‌‌‌‌‌‌‌জ্যর এক্কান আত্ এইনে রাজঘর ভিদিরে চেরাগ টগ কায়-কুরে দেবাল উগুরে লেগা ধুরিলো। লেগিবার অক্তত্ রাজা সে আঢ্‌‌‌‌‌‌‌তান দেগিলো।

নহূম 1:10

তুমি মাদি ফেগঅ ভিদিরে দলামজা ওই যেবা আর মদ হেইনে মাত্তল্ অবা; তুমি নাড়া ধোক্ক্যেন পুড়ি যেবা।

দ্বি’লম্বর বিররণ 28:67

তুমি বেন্যেমাদান্ কবা, ‘সাজোন্যে ওক্‌,’ আর সাজোন্যেমাদান্ কবা, বেন্যে ওক্‌, কিত্যে তমার মনানি দরে ভরা থেবঅ আর চোক্কুনে বোউত্‌ কিজু দেগিবো।

দ্বি’লম্বর বিররণ 32:11

যেধোক্ক্যেন গুরি ঈগল পেগে তা বাবোত্‌ ছঅগুনোরে জাগেই তুলোন্‌, যেধোক্ক্যেন গুরি তারা উগুরে তে লারে লারে উড়ি পারে, যেধোক্ক্যেন গুরি তারারে তুলি নেযেবাত্যে তার ডুয়োনি মিলি দে, আর যেধোক্ক্যেন গুরি তার্‌ ডুয়োগানি উগুরে তারারে বুয়োই নেযায়।