যিশাইয় 20:2 - Chakma Bible

² যে বজর তে আক্রমন গোজ্যে সে বজরত্ লগেপ্রভু আমোসর পুয়ো যিশাইয়রে কোইয়্যেদে, “তঅ কিয়্যেগানত্তুন্ বস্তা পাদা আর টেঙত্তুন্ জদা খুলি ফেলা।” সেনে যিশায়ই লাংটা ওইনে সুদো টেঙোই ঘুরি বেড়া ধুরিলো।

যিশাইয় 20:2 ပူးပေါင်းရင်းမြစ်များ

২ শমূয়েল 15:30

ইন্দি দায়ূদে কানদে কানদে জৈতুন মুড়োবো উগুরে উদো ধুরিলো। তে মাঢাবো ঢাগিনে জদা ছাড়া আঢের্‌। মানুচ্চুনেয়ো বেক্কুনে তা লগে মাধাগুন ঢাগিনে কানদে কানদে উগুরে উদো ধুরিলাক্।

২ শমূয়েল 6:20

ইয়েনর্ পরেন্দি দায়ূদে তা নিজো ঘরর্‌ মানুচ্চুনোরে বর্ দিবাত্তে যেক্কে ফিরি এলঅ সেক্কে শৌল ঝি মিখলে তারে আগ্‌বারেই নেযেবাত্তে নিগিলি এলঅ আর কলদে, “ইস্রায়েল দেজ রাজাবো এচ্চ্যে নিজোরে কেধোক্ক্যেন সর্মানিত গুরিলো! তে বজং মান্‌জ্য ধোক্ক্যেন্‌ সাধারন মানুচ্চুনোর চাগরানীগুনোর্‌ মুজুঙোত্‌ কাবড়-চুগোড়ানি খুলি ফেলেল।”

২ রাজাবলী 1:8

জোবত্‌ তারা কলাক্‌, “তাহ্ কিয়্যেগান কেশ্‌বলা এলঅ আর কমরত্‌ এলঅ চাম কমর্‌-বিজোনি।” রাজা কলঅ, “তে অলদে তিশ্‌বীয় এলিয়।”

গীতসংহিতা 30:11

আবিলেচ্ গরানার অনুষ্ঠানত্তুন্ তুই মরে নাচর্ উৎসবত্ আন্যচ্; আবিলেচ্ গরানার কাবড়ানি খুলিনে তুই মরে ফুত্তি গুরিবার কাবড়ানি উরেয়োচ্,

যাত্রা 3:5

লগেপ্রভু কলঅ, “আর কায়-কুরে ন-এইচ্‌। তুই পবিত্র জাগানত্ ঠিয়্যেই আগচ্‌। তঅ টেঙর্‌ জদানি খুলি ফেলা।

যিশাইয় 1:1

যিহূদা দেজর্ রাজা উষিয়, যোথম, আহস আর হিষ্কিয়র রাজাগিরির্ সময়োত আমোসর পুয়ো যিশাইয় যিহূদা আর যিরূশালেম পৌইদ্যেনে যে দর্শনান্ পেইয়্যে সে পৌইদ্যেনে ইয়েনত্ লেগা আঘে।

যিশাইয় 13:1

আমোস পুয়ো যিশাইয় বাবিল পৌইদ্যেনে দর্শন পেইয়্যে।

যিশাইয় 37:2

তে রাজঘরর্ পরিচালক ইলিয়াকীম, রাজার লিগিয়্যে শিব্‌‌‍‍‍ন আর ধর্মগুরু-নেতাগুনোর বস্তাপাদা পিন্যে অবস্থায় আমোসর পুয়ো ভাববাদী যিশাইয় ইদু পাধেই দিলো।

যিরমিয় 48:37

দুঘ্‌কান ফগদাং গুরিবাত্তে বেক্কুনোর মাঢা মুড়োনা আর দাড়ি কাবি ফেলা ওইয়্যে; পত্তিজন আঢ্ আঙুর্ বিঙুর্ আর কমরত্ বস্তাফাদা পিনে ওইয়্যে।

যিহিষ্কেল 24:17

তুই ভিদিরে ভিদিরে ভঅ নিজেস্ ফেলেবে। তুই মরাগুনোত্তে আব্‌‌‌‌‌‌‌‌‌সোজ্ ন-গুরিচ্। তুই মাপালার্ বান্ আর টেঙত্ জদা পিন্; তর্ মুয়োর্ তলেদিগান ন-ঢাগিচ্ বা মানুচ্চুনোর পাদেয়্যে হানাগানি ন-খেয়ো।”

যিহিষ্কেল 24:23

তমা মাঢাত্ তুমি মাপালার্ বানিবা আর টেঙত্ জদা পিনিবা। তুমি আবিলেচ্ ন-হেবা বা ন-কানিবা, মাত্তর্ নিজো নিজো পাপত্তে বল্‌‌‌‌‌‌‌‌‌‌পোজ্যে ওই যেবা আর একজন আর একজন ইধু ফোবেবা।

যিহিষ্কেল 4:1

তে মরে আরঅ কলঅ, ও মান্‌‌জ্যর পুয়বো, তুই ইক্কিনে এক্কো মাদির্ আরুগ্ নিইনে তঅ মুজুঙোত্ রাগা আর সিবে উগুরে যিরূশালেম শঅরর্ ফোটুবো ছাবা।

যিহিষ্কেল 4:5

তারার্ সাজা পেবার্ বজর সোংখ্যে ইজেব গুরিনে সেদক্ দিন মুই তরে সিয়েন ভুগিবাত্তে দিলুং। সেনত্তে তিনশ নব্বই দিন ইস্রায়েলর সাজা তুই ভুগিবে।

মীখা 1:11

ও শাফীরোত্ বজত্তি গুরিয়্যে মানুচ্চুন, তুমি লাংটা আর লাজত্ পড়িনে যগোই। যিগুনে সাননত্ বজত্তি গরন্ তারা নিগিলি এই ন-পারিবাক। বৈৎ-এৎসলে আবিলেচ্ গরের্; তে আর তমা তপ্পে ন-থিয়্যেব।

মীখা 1:8

ইয়েনত্তে মুই কানাকুদি আর আবিলেচ্ গুরিম; মুই খালি টেঙে লাংটা ওইনে ঘুরি বেড়েম। মুই শিয়েলর আর পেজা ডগরেদে ধোক্ক্যেন গুরি আবিলেচ্ গুরিম।

সখরিয় 13:4

“পত্তি ভাববাদী সেদিন্যে তার দর্শনান পৌইদ্যেনে লাজেবাক্। ছলনা গুরিবাত্তে তে ভাববাদীগুনো ধোক্ক্যেন কেশ পোজাক্ ন-উরিদো।

মথি লেখ্যে গম্ হবর্ 16:24

ইয়েনর্ পরেদি যীশু তা শিচ্চ্যগুনোরে কলঅ, “যুনি কেঅ মঅ পথ্‌তানদি এবাত্তে চায় সালে তে নিজোর্ আওজ্ মজিম ন-চোলোক্; নিজো ক্রুশ্‌চান বুয়োইনে তে মঅ পিজে পিজে এজোক্।

মথি লেখ্যে গম্ হবর্ 3:4

যোহনে উটোর্ কেজ কাবড় উরিদো আর তা কমরত্ চামড় কমর্-বিজোনি এলঅ। আর তার্ হানাগান এলঅ ঝার মধু আর পুগ্‌‌-যুগ্।

যোহন 21:7

যীশু যে শিচ্চ্যবোরে কোচ্‌পেদঅ সেই শিচ্চ্যবো পিতররে কলঅ, “তে প্রভু যীশু।” সেক্কে শিমোন-পিতর কিয়্যেত্ কনঅ কাবড়্ ন-এলঅ। সেনত্তে যেক্কে তে শুনিলো, “তে প্রভু যীশু,” সেক্কে কিয়্যেত্ কাবড়ান্ বেড়েইনে সাগরত্ ঝাম্ দিলো।

প্রেরিত্‌ 19:16

যে মানুচ্চোরে ভান্ন্যেই আত্মায় পেইয়্যে তে সেক্কে সেই সাতজন্ উগুরে ফাল্ল্যেনে পড়িলো আর তারারে বেক্কুনোরে এমন্‌ গুরিনে আঘাত্ গুরিলো যে, তারা কিয়্যেত্ ঘা ঘা ওইনে লাংদা-বাংদা অবস্থায় সেই ঘরত্তুন্ ধেই গেলাক্।

প্রেরিত্‌ 21:11

তে আমা ইধু এইনে পৌলর্ কমর্-বিজোনিগান্ খুলি নেযেল আর সিয়েন্দোই নিজো আঢ্-টেঙানি বানিইনে কলঅ, পবিত্র আত্মাগানে কোইয়্যেদে, যিরূশালেমর্ যিহূদীগুন এই কমর্-বিজোনির্ গিরোজ্‌সোরে এবাবোত্যেগুরি বানিবা আর অযিহূদীগুনো আঢত্ দিবা।

যিহোশূয় 5:15

লগেপ্রভুর সৈন্যদলর সেনাপতিবো কলঅ, “তঅ‌ টেঙর্‌ জদানি খুলি ফেলা, কিত্যে তুই যিয়েনত্‌ থিয়্যেই আগচ্‌ সে জাগায়ান পবিত্র।” যিহোশূয় সিয়েনই গুরিলো।

ফগদাং পেইয়্যে 11:3

মাত্তর্ মুই মর্ দ্বিজন সাক্ষীরে এন্‌ খেমতা দিম যে কারনে তারা বস্তা পিনিনে এক আজার দ্বিশ ষায়েট দিন সং ভাববাদী ইজেবে কধা কবাক্।”

১ শমূয়েল 19:24

তে তার পোজাক্কান্‌ খুলি ফেলেইনে শমূয়েলর মুজুঙোত্‌ ভাববাদী ইজেবে গোজেনর কধা কুয়ো ধুরিলো। তে পুরো দিন্নো আর পুরো রেত্তো কাবড়-চুগোর নেইয়্যে গুরি পড়ি রলঅ। সেনত্যেই মান্‌জ্যে কন্‌, “শৌলেয়ো কি সালে ভাববাদীগুনো ভিদিরে এক্কো?”