যিশাইয় 2:16 - Chakma Bible

¹⁶ বেক্ তর্শিশ-জাহাজ আর পত্তি সয়-সাগোজ্যে জাহাজ্‌চানি তলে গরা অবঅ।

যিশাইয় 2:16 ပူးပေါင်းရင်းမြစ်များ

১ রাজাবলী 10:22

সাগরত্‌ হীরমর জাহাজ সমারে রাজারঅ দাঙর্‌ দাঙর্‌ তর্শীশ-জাহাজ এলঅ। পত্তি তিন বজর্‌ পর পর সে জাহাজছানি সোনা, রূবো, এদো দাত্, বান্দর আর বেবুন লোইনে ফিরি এদঅ।

গীতসংহিতা 47:7

গোজেনে গোদা দুনিয়েগানর রাজা; তার নাঙে এক্কো এক বাবোত্যে নাঙ্ গিনেদে-গান গরঅ।

যিশাইয় 2:17

মান্‌জ্যর্ বাড়্ গরানাগানরে তলে লামেই দিয়্যে অবঅ আর অহংকারানরে ভস্ত গরা অবঅ। সেদিন্যে বানা লগেপ্রভুরে সর্মান গরা অবঅ,

যিশাইয় 23:1

সোর পৌইদ্যেনে লগেপ্রভুর কধাগান ইয়েন: ও দাঙর্ দাঙর্ তর্শীশ-জাহাজ্‌ছানি, আবিলেচ্ গর, কিত্তে সোর ভস্ত ওই যেইয়্যে; সিয়েনত্ ঘরঅ নেই, বন্দর্‌অ নেই। সাইপ্রাস দ্বিবোত্তুন্ তুমি এ হবরান্ পেইয়ো।

যিশাইয় 23:14

ও দাঙর্ দাঙর্ তর্শীজ-জাহাজ্‌ছানি, তুমি আবিলেচ্ গরঅ, কিত্তে তমা আশ্রয়-বন্দরানি ভস্ত ওই যেইয়্যে।

যিশাইয় 60:9

ঘেচ্চেকগুরি দূর দেজ মানুচ্চুনে মত্তেই বাজ্জেই আগন্; তমা পূয়োগুনোর আর তারার সোনা রূবোনিলোই দূরোত্তুন্ দাঙর্ দাঙর্ তর্শীশ-জাহাজ্‌চোই বেক্কুনোত্তুন্ আগে আগে এত্তন্।‌‌ ইস্রায়েলর সেই সুদ্ধো-সাংগ মানুচ্চোর, তর্ গোজেন লগেপ্রভুরে বাঈনী গুরিবাত্তে তর্ পুয়োগুনে এত্তন্, কিত্তে তরে তে সয়সাগজ্যে গুরি সাজেয়্যে।

যিশাইয় 66:19

লগেপ্রভু আরঅ কত্তে, “মুই তারা ইদু এক্কান চিহ্নো থিদেবর্ গুরিম আর যিগুনে বাঁজি থেবাক্ তারা ভিদিরেত্তুন্ কয়েকজনরে মুই জাদ্‌তুনো ইদু পাদেম্-তর্শীশ, পূল আর নাঙ্-গোজ্যে ধনুবলা লূদ, তূবল আর গ্রীস ইদু আর যেদক্কানি দূরো দেজ্ মর্ সুনাঙান ন-শুনে আর মর্ মহিমায়ো ন-দেগন্ তারা ইদু পাদেম্। তারা জাদ্‌তুনো ভিদিরে মর্ মহিমার কধাগান ফগদাং গুরিবাক্।‌‌‌‍‌‌‌‍

যিহিষ্কেল 27:25

তর্শীশর জাহাজচানি তর্ পযাপিরা বুয়োই আনিদাক্। সাগরর্ সংমোধ্যে বোউত্ পযাপিরালোই তুই ভর্‌পুনং ‌এলে।

ফগদাং পেইয়্যে 18:11

পিত্‌থিমীর বেবসায়ীগুনেয়ো তাত্যেই কানিবাক্ আর দুঘ্ পেবাক্, কিয়া তারার্ জিনিচ্চানি আর কেঅ ন-কিনিবাক্।

ফগদাং পেইয়্যে 8:9

সাগরর্ তিন ভাগর এক ভাগ জেদা প্রাণী মুরি গেলাক্, আর তিন ভাগর এক ভাগ জাহাজ ভস্ত ওই গেলঅ।