যিশাইয় 2:10 - Chakma Bible

¹⁰ লগেপ্রভুর দর্‌বুগ্‌কান আর তার মহিমার জ্বলেত্যে আঢত্তুন্ রোক্ষ্যে পেবাত্তে তুমি দাঙর্ দাঙর্ শিলো ভিদিরে চমগোই, মাঢি ভিদিরে লুগি থাগঅ।

যিশাইয় 2:10 ပူးပေါင်းရင်းမြစ်များ

ইয়োব 31:23

কিত্যে মুই গোজেনর দিয়্যে সাজা দরাং; তা মহিমাগান এদক্ বেশ্ যে, তা দরে মুই সিয়েনি গুরি ন-পারং।

ইয়োব 40:13

তারারে বেক্কুনোরে একসমারে ধূল্যেলোই নাঢি ফেলা; মরণর জাগানত্ তারারে বানি রাগা।

গীতসংহিতা 145:12

যেনে বেক্ মানুচ্চুনে তর্ খেমতাবলা কাম কধানি হবর্ পান, আর তঅ রেজ্যগানর বাঈনী গরেদে সয়-সাগজ্যে কধানি হবর্ পান।

গীতসংহিতা 90:11

তর্ রাগর খেমতাগান কন্না বুঝি পারে? কয়জন মনত্ তর্ পাইদ্যে ভোক্তিগান আঘে, যেনে তারা তর্ রাগ্‌কান বুঝোন্?

যিশাইয় 10:3

সাজা পেবার্ দিনুনোত্ যেক্কে দূরোত্তুন্ দজা এবঅ সেক্কে তুমি কি গুরিবা? বল্ পেবাত্তে কাইদু দাবা যেবা? তমা ধন-সোম্বোত্তিগানি কুদু থোই যেবা?

যিশাইয় 25:11

সাজুরিয়্যেবো যেধোক্ক্যেন আঢ্‌‌তানি বাবেইনে পানিত্ সাজুরে সেধোক্ক্যেন্ গুরি তারা গবর ভিদিরে আঢ্ বাবেবাক্। তারার আঢ্ বাবানার চেট্ট্যাগান মিজে অবঅ; গোজেনে তারার বাড়্‌বো গরানাগানি ভাঙি দিবো।‌

যিশাইয় 42:22

মাত্তর্ এ মানুচ্চুনোর্ বেক্কানি নেযা ওইয়্যে আর লুদো ওইয়্যে, তারারে বেক্কুনোরে গাদত্ ফেলা ওইয়্যে আর জেলখানাত্ লুগেই রাগা ওইয়্যে। তারা কাড়ি লোইয়্যে জিনিজো ধোক্ক্যেন ওইয়্যে, তারারে উদ্ধোর্ গুরিয়্যে কনজন নেই। তারা লুদেয়্যে মাল্ ওইয়োন্; কনজনে ন-কন্, “তারারে ফিরেই দুয়ো।”

যিরমিয় 10:10

মাত্তর্ লগেপ্রভু সত্য সত্য গোজেন; তে জেদা গোজেন আর উমরর্ রাজা। তার রাগে পিত্‌থিমীগান গির্‌গিরেই; জাদ্‌তুনে তার রাগ্‌কান সোজ্য গুরি ন-পারন্।‌‍‌‍‍‌‍‌‍‍‌‍‌‍‍

যিরমিয় 10:7

ও জাদ্‌তুনোর রাজাবো, তরে কন্না ভোক্তি গুরিনে ন-দোরেব? ইয়েন দঅ তর্ পাওনা। জাদ্‌তুনোর বেক্ জ্ঞানী মানুচ্চুনো ভিদিরে আর তারার বেক্ রেজ্যগানি ভিদিরে কনজনে তঅ ধোক্ক্যেন নয়।‌‍‌‍‍‌‍‌‍‍

যিরমিয় 13:9

মুই লগেপ্রভু এ কধাগান কঙর্, এবাবোত্যেগুরি মুই যিহূদার বাড়্‌বো গরানা আর যিরূশালেমর অমকদ বাড়্‌বো গরানাগান্ ভস্ত গুরি দিম।

হোশেয় 10:8

বৈৎ-আবনর পূজোর্ অজল্ জাগায়ানি, অত্তাৎ ইস্রায়েলর পাপর জাগায়ানি ভস্ত অবঅ। কাদাগাজ্ গোজেই উদিনে তারার্ পূজোগুন ঢাগি ফেলেব। সেক্কে তারা দাঙর্ দাঙর্ পাত্তরুনোরে কবাক্, “আমারে ঢাগি ফেলঅ” আর চিগোন্ চিগোন্ মুড়োগুনোরে কবাক্, “আমা উগুরে পড়অ।”

নহূম 3:11

ও নীনবীগান, তুইয়ো মাত্তল্ ওইনে ঢুলি পড়িবে; তুই শত্রুগুনোত্তুন্ লুগেবাত্তে আশ্রয় তোগেবে।

লূকে লেখ্যে গম্ হবর্ 12:5

কারে দোরেবা মুই তমারে সিয়েন্ কোই দোঙর্। তমারে মারে ফেলেবার্ পরেদি নরগত্ ফেলে দিবার্ খেমতা যার্ আঘে তারেই দোরেয়ো। অয়, মুই তমারে কঙর্, তারেই দোরেয়ো।

লূকে লেখ্যে গম্ হবর্ 23:30

সে সময়োত্ মান্‌জ্যে দাঙর্ দাঙর্ মূড়োগুনোরে কবাক্, ‘আমা উগুরে পড়অ,’ আর চিগোন্ চিগোন্ মূড়োগুনোরে কবাক্, আমারে নাঢি থঅ।

২ থিষলনীকীয় 1:9

প্রভু যেক্কে এবঅ সেক্কে তারারে এমন্‌ সাজা দিয়্যে অবঅ যিয়েনর কারনে তারা আজিল্ আর দাঙর্ খেমতার্ বারেদি পড়িনে জিংকানিবর্ ভস্ত অনাত্ থেবাক্। সেদিন্যে তার্ নিজো মানুচ্চুনোর মাধ্যমে তার্ মহিমাগান ফগদাং অবঅ আর যিগুনে বিশ্বেজ্ গোজ্জ্যন তারার্ বেক্কুনোর্ মাধ্যমে তার্ বাঈনী অবঅ। তুমিয়ো সেই বিশ্বেজিগুনো ভিদিরে আঘঅ, কিয়া তুমি আমার সাক্ষিগানি বিশ্বেজ্ গোজ্জ্য।