যিশাইয় 19:19 - Chakma Bible

¹⁹ সেদিন্যে মিসর দেজ ভিদিরে লগেপ্রভুর নাঙে এক্কো পূজো আর তা দুযিত্ এক্কো খুদো থেবঅ।

যিশাইয় 19:19 ပူးပေါင်းရင်းမြစ်များ

পত্থম 12:7

পরেদি লগেপ্রভু অব্রামরে দেগা দিইনে কলঅ,“এ দেজ্‌চান্‌ মুই তঅ বংশবোরে দিম্‌।” যিবে তারে দেগা দিয়্যে সে লগেপ্রভুর্ নাঙে অব্রামে সেক্কে সিয়েনত্‌ এক্কো ডালিপূজো বানেল।

পত্থম 28:18

যাকোবে বেন্যেপোত্যে উদিলো আর যে পাত্তর্‌বো তে মাদাত্‌ তলে দিলো সিবেরে থুনি ধোক্ক্যেন উজু গুরিনে তা উগুরে তেল ঢালি দিলো।

গীতসংহিতা 68:31

মিসরত্তুন রাজদূত্‌তুনে এবাক্; কূশ যাদিমাদি গুরি গোজেন ইদু আঢ্‌তান বাবেই দিবো।

যাত্রা 24:4

লগেপ্রভু যেদক্কানি কধা কোইয়্যে মোশি সিয়েনি লিগি রাগেল। তার্‌ কেল্যে মোশি বেন্যেপোত্যে উদিনে মুড়োবোর্‌ তলে এক্কো ডালিপূজো বানেল আর ইস্রায়েলীয় বারবো গুট্টির্‌ কধা মনত্‌ গুরিনে বারবো পাত্তরর্‌ খুদো বানেল।

যিশাইয় 56:7

তারারে মুই মর্ সুদ্ধো-সাংগ মুড়োবোত্ আনিম আর মঅ ঘরত্, অত্তাৎ তবনা ঘরত্ তারারে হুজিগান দিম। মর্ পূজোবো উগুরে তারার পুজ্যে আর অন্য উৎসর্বগুন্ গুজি লুয়ো অবঅ। ইয়েনত্তে মঅ ঘরানরে বেক্ জাদ্‌তুনোর তবনার ঘর্ কুয়ো অবঅ।”

যিশাইয় 60:7

কেদরর ভেড়া পালুন্ তঅ মুজুঙোত্ তুবেবাক্, নবায়োতর ভেড়াগুন তঅ কামত্ লাগিবাক্; মঅ পূজোবো উগুরে উৎসর্ব ইজেবে মুই সিগুন গুজি লোম্, আর মর্ বাঈনী গরেদে ঘরানি মুই আরঅ বাঈনী গরে পারা গুরিম।

যিশাইয় 66:23

পত্তি আঙোচ্চ্যেত্ আর পত্তি জিরেবার দিনোত্ বেক মানুচ্চুনে মঅ মুজুঙোত্ এইনে মরে তবনা গুরিবাক্।

যিরমিয় 46:2

যোশিয়র পুয়ো যিহূদার রাজা যিহোয়াকীমর রাজাগিরির চের্ বজরত্ বাবিলর রাজা নবূখদ্‌নিৎসরে ইউফ্রেটিস গাঙর্ ইধু কর্কমীশত্ মিসরর রাজা ফরৌণ নখোরে যে সৈন্যদলুনোরে ওদেই দিয়্যে লগেপ্রভু তারা পৌইদ্যেনে কোইয়্যে,

যিহিষ্কেল 29:1

আমা বন্দীদজার্ দশ বজরর দশ মাজর্ বার দিনোত্ লগেপ্রভুর এই কধাগান মইধু ফগদাং অলঅ,

যিহিষ্কেল 30:1

পরেদি লগেপ্রভু মরে আরঅ কোইয়্যেদে,

যিহিষ্কেল 31:1

আমা বন্দীদজার্ এগার বজরর্ তিন মাজর্ পৌইল্যা দিনোত্ লগেপ্রভুর এ কধাগান মইধু ফগদাং অলঅ,

যিহিষ্কেল 32:1

আমা বন্দীদজার্ বার বজরর্ বার মাজর্ পত্তম দিনোত্ লগেপ্রভুর এ কধাগান মইধু ফগদাং অলঅ,

সখরিয় 6:15

“যিগুনে দূরোত্ আগন্ তারা এইনে লগেপ্রভুর ঘরান বানেবার কামত্ সাহায্য গুরিবাক্। সেক্কে তুমি হবর্ পেবাদে যে, বেগত্তুন খেমতাবলা লগেপ্রভুই মরে তমা ইধু পাদেয়্যে। যুনি তুমি যত্তন্ গুরিনে তমা গোজেন লগেপ্রভুর কধানি পালঅ সালেই ইয়েনি বেক্কানি অবঅ।”

ইব্রীয় 13:10

আমার্ এক্কো পূজো আঘে আর যিগুনে ইস্রায়েলীগুনোর সেই উবোসনা-তাম্বুলোত্ কাম গরন, আমার্ সেই পূজোবো উগুরে উৎসর্ব-গোজ্জ্যে কনঅ কিজু হানার্ অধিকার তারার্ নেই।

যিহোশূয় 22:10

সে পরেন্দি তারা কনান দেজর যর্দন চাগালাত্‌ লুমিনে গাঙানর্‌ কায়কুরে বেক্কুনোর চোগোত্‌ পড়েদে ধোক্ক্যেন্‌ দাঙর্‌ এক্কো পূজো যুক্কোল্‌ গুরিলাক্‌।

যিহোশূয় 22:26

সেনত্তেই আমি কোইয়্যেই, এজঅ‌, আমি এক্কো পূজো বানেই। মাত্তর্‌ সিবে কনঅ‌ পুজ্যে-উৎসর্ব বা অন্য এ্যমান-উৎসর্বর আজাই নয়।

যিহোশূয় 22:27

ইবে তমার আর আমা ভিদিরে আর আমার বংশধরুনো ভিদিরে এ সাক্ষিগান দিবো, আমি লগেপ্রভুর মুজুঙোত্‌ আমার পুজ্যে-উৎসর্ব আর অন্য এ্যমান-উৎসর্ব আর উদোলোলি-উৎসর্বর অনুষ্ঠান গুরিনে তার তবনা গুরিবোং। সালে আগামিদি তমার বংশধরুনে আমার বংশধরুনোরে এ কধাগান কোই ন-পারিবাক্‌, লগেপ্রভু উগুরে তমার কনঅ‌ দাবি নেই।

যিহোশূয় 22:28

আমি মনে গোজ্যেইদে, তারা যুনি আমার বা আমার বংশধরুনোরে সে কধাগান কন্‌ সালে সিয়েনর্‌ জোবত্‌ আমি কবং, লগেপ্রভুর পূজো ধোক্ক্যেন্‌ চাদে অদেঅদে এ পূজোবোর্‌ ইন্দি তুমি চঅ‌। পুজ্যে-উৎসর্ব আর অন্য এ্যমান-উৎসর্বত্তে আমার পূরোণিমানুচ্চুনে ইবে ন-বানান্‌ মাত্তর্‌ গোজ্যন্দে তমার আর আমার সংমোধ্যে ইবে যেনে এক্কো সাক্ষী ওই থায়।

যিহোশূয় 22:34

রূবেণীয় আর গাদীয়গুনে সে পূজোবোর্‌ নাঙান্‌ দিলাক্‌, “আমার সংমোধ্যে ইবেয়ই অলঅ সাক্ষী, লগেপ্রভুয়ই গোজেন।”