যিশাইয় 19:18 - Chakma Bible

¹⁸ সেদিন্যে মিসরর্ পাচ্ছান্ শঅরত্ কনানর ভাষা কবাক্ আর বেগত্তুন্ খেমতাবলা লগেপ্রভু উগুরে বিশ্বেজ্ থেবঅ বিলিনে শমক্ গুরিবাক্। সে শঅরানি ভিদিরে এক্কানরে কুয়ো অবঅ ভস্ত ওইয়্যে শঅর।‌

যিশাইয় 19:18 ပူးပေါင်းရင်းမြစ်များ

পত্থম 11:1

সেক্কে দিনোত্‌ গোদা সংসার মানুচ্চুনে বানা এক্কান ভাষালোই কধা কদাক্‌ আর তারার রঅগুনো এক্কুই এলঅ।

গীতসংহিতা 68:31

মিসরত্তুন রাজদূত্‌তুনে এবাক্; কূশ যাদিমাদি গুরি গোজেন ইদু আঢ্‌তান বাবেই দিবো।

যিশাইয় 11:11

সেদিন্যে তার্ বাঁজি থেইয়্যে মানুচ্চুনোরে আসিরিয়াত্তুন্, মিসর আর পথ্রোষত্তুন, কূশ, এলম, বাবিল, হমাৎ আর দ্বিব্‌পুনোত্তুন্ উদ্ধোর্ গুরি আনিবাত্তে দ্বিবার তা আঢ্‌তান বাড়েই দিবো।‌‌

যিশাইয় 14:1

লগেপ্রভু যাকোব উগুরে মেয়্যে গুরিবো; তে আরঅ ইস্রায়েলরে বেঈ লবঅ আর তারার্ নিজো দেজত্ বোজেই দিবো। বিদেশিগুনে তারা সমারে মিজেবাক্ আর তারা যাকোব বংশগুনো সমারে এগত্তর্ অবাক্।

যিশাইয় 19:19

সেদিন্যে মিসর দেজ ভিদিরে লগেপ্রভুর নাঙে এক্কো পূজো আর তা দুযিত্ এক্কো খুদো থেবঅ।

যিশাইয় 19:21

এবাবোত্যেগুরি লগেপ্রভু মিসরীয়গুনো ইদু নিজোরে ফগদাং গুরিবো আর সেদিন্যে তারা লগেপ্রভুরে স্বিগের্ গুরিবাক্। তারা এ্যামান-উৎসর্ব আর শোজ্য উৎসর্ব গুরিনে তারে উবোসনা গুরিবাক্ আর লগেপ্রভু ইদু মানত্ গুরিনে সিয়েনি ছিড়েবাক্।

যিশাইয় 2:11

বাড়্‌বো গোজ্যে মান্‌জ্যর রিনি চানাগান্ তলে গরা অবঅ আর বার্‌বোগান্ তলে লামা অবঅ। সেদিন্যে বানা লগেপ্রভুরে সর্মান গরা অবঅ।

যিশাইয় 27:13

সেদিন্যে এক্কো দাঙর্ শিংগা বাঁজিবো। সেক্কে যিগুনে আসিরিয়া দেজত্ ভস্ত ওই যাদন্ আর যিগুনোরে মিসর দেজত্ ধাবেই দিয়্যে ওইয়্যে তারা এবাক্ আর যিরূশালেমর্ পবিত্র মুড়োবোত্ লগেপ্রভুর্ উবোসনা গুরিবাক্।

যিশাইয় 65:16

দেজ ভিদিরে যে কনঅ মান্‌জ্যে বর্ পেবাত্তে চেবঅ তে সত্যময় গোজেন ইদু সিয়েন চেবঅ; দেজঅ ভিদিরে যে কনজনে শমক্ হেবাক্ তে সত্যময় গোজেন নাঙে সিয়েন গুরিবো; কিত্তে মানুচ্চুনে আগ দুঘ্‌‍‍কানি ভুলি যেবাক্ আর মঅ চোগো মুজুঙোত্তুন্ সিয়েনি লুগেই তুয়ো অবঅ।

যিরমিয় 12:16

যুনিয়ো তারা একদিন মঅ মানুচ্চুনোরে বাল দেবেদার নাঙে শমক্ গুরিবাত্তে শিগেয়োন তো যুনি তারা মঅ মানুচ্চুনোর পধেদি আঢন্ আর ‘জেদা লগেপ্রভুর নাঙে’ বিলি মঅ নাঙে শমক্ গরন, সালে তারা মঅ মানুচ্চুনো ভিদিরেত্তুন বর্ পেবাক্।

সফনিয় 3:9

সে পরেদি মুই জাদ্‌‌‌‌‌তুনোর মুয়োনি সিজি গুরিম যেনে তারা বেক্কুনে মরে উবোসনা গুরি পারন আর কানায় কানায় মিলিনে মরে সেবা গুরি পারন।

সখরিয় 2:11

সেদিন্যে ভালোক্ জাদে মঅ সমারে মিজেইনে মঅ মানুচ্ অবাক্। মুই তমা ইধু বজত্তি গুরিম।” যেক্কে সিয়েন ঘুদিবো সেক্কে তুমি হবর্ পেবা যে, বেগত্তুন্ খেমতাবলা লগেপ্রভু মরে তমা ইধু পাদেয়্যে।

দ্বি’লম্বর বিররণ 10:20

তুমি তমার্‌ গোজেন লগেপ্রভুরে ভোক্তি গুরিবা আর তারে সেবা গুরিবা; তারেই আজাবোদে ধুরি থেবা আর তার্‌ নাঙেই শমক্‌ গুরিবা।