যিশাইয় 17:9 - Chakma Bible

⁹ সেদিন্যে তারার্ দরমর শঅরানি ঝার-জংগল ধোক্ক্যেন অবঅ। যেধোক্ক্যেন গুরিনে ইস্রায়েলীয়গুনোত্তে মান্‌জ্যে তারার্ শঅরানি ফেলেইনে ধেই যেইয়োন তারার্ অবস্থাগান সেধোক্ক্যেন অবঅ। তারার দেজ্‌ছান ভস্তর্ জাগা অবঅ।‍‍

যিশাইয় 17:9 ပူးပေါင်းရင်းမြစ်များ

যিশাইয় 17:10

তর্ উদ্ধোরগুরিয়্যে গোজেনরে তুই ভুলি যেইয়োচ্; সেই আশ্রয়-মুড়োবোরে তুই ইদোত্ ন-রাগাচ্। সেনত্তে যুনিয়ো তুই দোল্ দোল্ চারা আর বিদেশত্তুন্ আন্যে আংগুর লুদি লাগর্,

যিশাইয় 17:8

তারা নিজো আঢে বানেয়্যে ডালি পূজোবো ইন্দি রিনি ন-চেবাক্, আর তারার আঢে বানেয়্যে আশেরা-খুদি আর আগর্‌বাট্টি-পূজো উগুরে কনঅ মনযোগ্‌অ ন-দিবাক্।

যিশাইয় 27:10

দেবাল্-ঘিজ্যে শঅরান্ মানুচ্ নেইয়্যে ওইয়্যে; সিয়েন ফেলেই যেইয়্যে জাগা আর ধূল্যেচর ধোক্ক্যেন ফেলেই যাহ্ ওইয়্যে। সিয়েনত্ গোরু ছঅ বেড়েবাক্ আর বুগ্‌গুরি থেবাক্; তারা গাজর্ বেক পাদানি হেই ফেলেবাক্।‌

হোশেয় 10:14

সেনত্তে তমা বিরুদ্ধে যুদ্ধোর্ কিজেক্ ছাড়ি উদিবো আর তমার্ বেক ঘরানি ভস্ত ওই যেবঅ, যেবাবোত্যেগুরি শল্‌‌‌‌‌‌মনে যুদ্ধোর্ দিনোত্ বৈৎ-অর্বেলান ভস্ত গোজ্যে। সেদিন্যে পুয়ো-ঝিগুনো সমারে মা গুনোরে মাদিত্ আছাড়্ মারা ওইয়্যে।

আমোষ 7:9

ইস্‌‌হাক বংশ মানুচ্চুনোর পূজোর্ অজল্ জাগায়ানি আর ইস্রায়েলর উবোসনার অন্য জাগায়ানি ভস্ত গরা অবঅ। মুই লাম্বা ছুরিলোই যারবিয়াম বংশর্ বিরুদ্ধে উদিম।”

মীখা 5:11

তঅ দেজর্ শঅরানি মুই ভস্ত গুরি দিম আর তর্ বেক তাম্বুলানি ভাঙি দিম।

মীখা 6:16

তুমি অম্রির রীদি-সুদোমানি পালেয়ো আর আহাব বংশর বেক্ অভ্যেস্ মজিম্ চোল্য। তুমি তারার্ সল্লা মজিম্ চোল্য। সেনত্তে মুই ভস্তর্ আঢত্ আর ঠাট্টা-মশ্‌‌কারীগুরিয়্যে গুনোর আঢত্ তমারে তুলি দিম; মঅ মানুচ্ ইজেবে তমার্ অসর্মান ভুগো পুরিবো।”

মীখা 7:13

পিত্‌‌‌থিমীত্ বজত্তি গুরিয়্যেগুনোর পাজিগানির কারনে পিত্‌‌‌থিমীগান মানুচ্ নেইয়্যে অবাক্।