যিশাইয় 16:3 - Chakma Bible

³ তারা কবাক্, “আমারে সল্লা দে; কি গরানা উজিত্ কঅ। তর্ দিবুজ্যেমাদান ছাবাবোরে রেদো আন্ধার ধোক্ক্যেন গর্-যিগুনে ধেই যাদন্ তারারে লুগেই রাগা, আর যিগুনে রোক্ক্যে পেবাত্তে আশ্রয় চান তারারে ধুরি ন-দিচ্।

যিশাইয় 16:3 ပူးပေါင်းရင်းမြစ်များ

১ রাজাবলী 18:4

ইষেবলে যেক্কে লগেপ্রভুর ভাববাদীগুনোরে মারে ফেলেল সেক্কে ওবদিয় একশজন ভাববাদীরে লোইনে পঞ্চাশজন পঞ্চাশজন গুরিনে দ্বিবে গাদত্‌ লুগেই রাগেল। তে তারার্‌ হানা আর পানি যুগেই দিদো।

যিশাইয় 1:17

তুমি গম্ কাম গুরিবাত্তে শিগো, দোল্ বিচের গরঅ, অত্যেচার্ গুরিয়্যেগুনোরে ঠিগ্ গরঅ, মা-বাপ নেইয়্যেগুনোর্ তপ্পেদি থাগঅ, রানি মিলেগুনোর মগদ্দমাগানি উদো লঅ।”

যিশাইয় 25:4

তুই দঅ নাঢা মানুচ্চুনোর ঘর্, অভাবীগুনোর দুঘ্ সময়োত্ ঘর, ঝড়ত্তুন্ রোক্ক্যে পেবার জাগা আর রোদো গরমত্তুন্ রোক্ক্যে পেবার ছাবা। দেবালত্ আঘাত গোজ্যে ঝড় আর ধূল্যেচর গরম ধোক্ক্যেন চিৎনপুজ্যেগুনোর নিজেসত্তুন্ তুই রোক্ক্যে গুরি থাচ্। তুই বিদেশীগুনোর কিজিক্ কাজাক্কানি থামেই দিবে। মেঘ ছাবাগানে যেবাবোত্যেগুরি গরমান কোমেই দে সেবাবোত্যেগুরি তুই চিৎনপুজ্যেগুনোর গানুন্ থামেই দিবে।

যিশাইয় 32:2

তারাত্তুন্ পত্তি জনে অবাক্কে যেন বোইয়্যেরত্তুন্ পোল্যেয়্যে জাগা আর ঝড়ত্তুন্ আশ্রয়জাগা, যেন ধূল্যেচরত্ গঙার পানি আর রোদ্ পোজ্যে ভূইয়োত্ দাঙর্ পাত্তর ছাবা।

যিশাইয় 56:8

প্রভু লগেপ্রভু, যিবে বিদেজত্ ছিদি পড়ি থেইয়্যে ইস্রায়েলীয়গুনোরে এগত্তর্ গরে তে এ কধাগান ফগদাং গরেত্তে, “যিগুনোরে আগে এগত্তর্ গরা ওইয়্যে তারা সমারে অন্য জাদ মানুচ্চুনোরেয়ো মুই এগত্তর্ গুরিম।”

যিশাইয় 58:7

পেট পুরেদে মানুচ্চুনোরে তমা হানাগানি ভাগ্ গুরি দুয়ো, ঘুরি বেড়েয়্যে নাঢা মান্‌জ্যরে নিজো ঘরত্ আশ্রয় দুয়ো, লাংতা-বাংতা দেগিলে তারে কাবড় উরেই দুয়ো, আর নিজো কুদুম্মোগুনোত্তুন্ মুয়োন ফিরেই ন-নুয়ো। ইয়েনি গরানা অলঅ আজল্ উবোস্‌থানা।

যিশাইয় 9:6

ইয়েনি বেক্কানি অবঅ, কিত্তে এক্কো পুয়ো আমাত্তে জোর্মেব, এক্কো পুয়ো আমারে দিয়্যে অবঅ। শাজন্‌ গুরিবার ভারান্ তা কানা উগুরে থেবঅ, আর তা নাঙান্ অবঅ অামক্ অবার্ সল্লাদিয়্যে, খেমতাবলা গোজেন, উমরর্ বাপ, শান্তির্ রাজা।

যিরমিয় 21:12

‘ও দায়ূদর বংশ, মুই লগেপ্রভু কঙর্, তুমি পত্তিদিন বেন্যেমাদান্ ন্যায়বিচের গুরিবে। যিবেরে লুদো ওইয়্যে তারে তা অত্যেচারির আঢত্তুন্ উদ্ধোর গুরিবে; সিয়েন ন-গুরিলে তমা ভান্ন্যেই কামানিত্তে মঅ রাগ্‌‌কান নিগিলেনেই আগুনো ধোক্ক্যেন জুলিবো, কনজনে সিয়েন মারেই ন-পারিবো।

যিরমিয় 22:3

লগেপ্রভু কোইয়্যেদে, ‘যিয়েন ন্যায্য আর ঠিগ্ তুমি সিয়েনই গরঅ। যিবেরে লুদো ওইয়্যে তারে তা অত্যেচারিগুনোর আঢত্তুন উদ্ধোর গরঅ। বিদেশী, মা-বাপ নেইয়্যে আর রানিমিলেগুনো উগুরে কনঅ অন্যেয় বা অত্যেচার ন-গোজ্য আর এ জাগাত্ নিদ্দুযির্ লো ন-ঝোরেয়ো।

দানিয়েল 4:27

সেনত্তে ও মহারাজ, তুই মঅ সল্লাগান ধর্। তুই ন্যায় কাম্ গুরিনে আর নাঢাগুনো উগুরে দোয়্যেলু ওইনে তর্ পাপ আর অন্যেয়ানি ছাড়ি দে। সালে অয়ত তর্ গম্ অবস্থা থির্ থেবঅ।”

মথি লেখ্যে গম্ হবর্ 25:35

যেক্কে মর্ পেট্ পুজ্যে সেক্কে তুমি মরে হেবাত্তে দুয়ো; যেক্কে পানি তিরেস্ পেইয়্যে সেক্কে পানি দুয়ো; যেক্কে গর্বা ওইয়োং সেক্কে আশ্রয় দুয়ো;

ইব্রীয় 13:2

গর্বাগুনোরে আদর-যত্তন্ গত্তে পুরি ন-ফেলেয়ো; কেঅ কেঅ কোই ন-পারিনে এবাবোত্যেগুরি স্বর্গদূত্‌তুনোরে আদর-যত্তন্ গোজ্জ্যন্।

বিচের গুরিয়্যেগুন 9:15

সেক্কে কাদাঝুপ্পো তারারে কলঅ, যুনি হামাক্কাই তুমি মরে তমার্‌ রাজা ইজেবে অভিষেক্‌ গুরিবাত্তে চঅ সালে তুমি এইনে মঅ ছাবাত্‌ আশ্রয় নেযগি। সিয়েন যুনি ন-গরঅ সালে যেনে কাদাঝুবোত্তুন আগুন নিগিলি এইনে লেবাননর এরস গাছ্‌‌‌‌চুন পুড়ি দুয়ো।