যিশাইয় 15:3 - Chakma Bible

³ তারা পধে পধে বস্তা পাদা পিনিনে বেড়াদন্। তারা বেক্কুনে ছাল উগুরে আর শঅর-সংমধ্যে আবিলেচ্ গত্তন্। তারা অমকদ কানাকুদি গত্তন্।

যিশাইয় 15:3 ပူးပေါင်းရင်းမြစ်များ

২ শমূয়েল 3:31

ইয়েনর্ পরেন্দি দায়ূদ যোয়াব আর তা সমারে বেক্‌ মানুচ্চুনোরে কলাক্, “তুমি যার্‌ যার্‌ কাবড়ানি ফাদিনে বস্তাফাদা উরো আর আবিলেচ্‌ গত্তে গত্তে অব্‌নেরর্‌ মরাকিয়্যেগানর্ আগলত্যা আগলত্যা আঢঅ।” মরাকিয়্যেগান বুয়োই নেযেবার খাট্‌তানর পুনে পুনে রাজা দায়ূদে নিজেয়ো আঢিলো।

২ রাজাবলী 6:30

মিলেবোর্‌ কধানি শুনিনে রাজা তা পোজাক্কানি ফাদি ফেলেল। তে সেক্কেয়ো দেবাল উগুরেন্দি আদের্‌। সেক্কে মানুচ্চুনে দেগিলাক্‌, তার্‌ পোজাক্কানি ভিদিরে তে বস্তার্‌ সিলুম্‌ উরি আঘে।

যিশাইয় 15:2

মোয়াব মানুচ্চুনে কানিবাত্তে দীবোন মন্দিরোত্ আর পূজোর অজল্ জাগানত্ উদি যেয়োন। তারা নবো আর মেদবাত্তে আবিলেচ্ গত্তন্। তারার বেক্কুনোর্ মাঢাগুন্ মুড়ো ওইয়্যে আর দাড়িগানিয়ো কাবা ওইয়্যে।

যিশাইয় 22:1

দর্শন-কলগ পৌইদ্যেনে লগেপ্রভুর কধাগান ইয়েন: তর্ ইক্কিনে কি ওইয়্যেদে যে, তর্ বেক মানুচ্চুনে ছাল উগুরে উঠ্যন্?

যিশাইয় 22:4

সেনত্তে মুই কলুং, “মঅ কায়-কুরেত্তুন যগোই; মরে যদবদে কানিবাত্তে দুয়ো। মঅ মানুচ্চুন ভস্ত ওইয়োন বিলিনে মরে বুঝেবার চেষ্ট্যা ন-গোজ্জ্য।”

যিশাইয় 3:24

তুম্বাজ বদলে পজা বাজ্, কমর বিজোনি বদলে দুড়ি, দোল্ গুরি আজুজ্যে চুলান্ বদলে টাক্, মংগা কাবড় বদলে বস্তার চট্, আর দোলান বদলে পুজ্যে দাগ থেবঅ।

যিরমিয় 19:13

যিরূশালেমর বেক্ ঘরানি আর যিহূদার রাজাগুনোর ঘরানি, অত্তাৎ যেদক্কানি ঘরর্ ছাল উগুরে বেলান, চানান আর তারাগুনো নাঙে তারা আগর্‌বাট্টি জ্বালেদাক আরে দেব-দেবেদাগুনো নাঙে ঢালন-উৎসর্বর জিনিস ঢালি দিদাক্ সেই বেক ঘরানি তোফত ধোক্ক্যেন অসিজি অবঅ।’ ”

যিরমিয় 48:37

দুঘ্‌কান ফগদাং গুরিবাত্তে বেক্কুনোর মাঢা মুড়োনা আর দাড়ি কাবি ফেলা ওইয়্যে; পত্তিজন আঢ্ আঙুর্ বিঙুর্ আর কমরত্ বস্তাফাদা পিনে ওইয়্যে।

আবিলেচ্ 2:10

সিয়োন-ঝিবোর্ বুড়ো নেতাগুনে জুরো গুরি মাদিত্ বোই আগন্। তারা নিজো মাঢাত্ ধূল্যে ছিদি দুয়োন আর বস্তা পাদা উজ্যন্। যিরূশালেমর গাবুজ্যে মিলেগুনে দুঘে মাদিত্ মাঢাগুন লোঙেয়োন্।

যিহিষ্কেল 7:18

তারা বস্তা পাদা পিনিবাক্ আর অমকদ দরে গির্‌‌‌‌‌‌‌‌‌গিরেবাক্। তারা লাজত্ পড়িবাক্ আর তারার্ মাঢাগুন চুলানি মুড়েই দিয়্যে অবঅ।‌‌‌‌‌‌‌

আমোষ 8:10

মুই তমার্ পরব্‌‌পুন দুঘে আর বেক্ গানুন্ আবিলেচ্ গরে পারা বুদুলি দিম। মুই তমারে বেক্কুনোরে বস্তা ফাদা পিনেম্ আর মাঢাগুনোত্ টাক্ গুরি দিম। মুই সেই সময়ানরে বানা এক্কো গুরি পুয়োর্ মরণর্ আবিলেজর্ সময় ধোক্ক্যেন গুরিম আর সিয়েন থুম্ সং চলিবো অমকদ দুঘে।”

মথি লেখ্যে গম্ হবর্ 11:21

“অভিশাব্ পেইয়্যে কোরাসীন, অভিশাব্ পেইয়্যে বৈৎসৈদা! তমা ভিদিরে যেদক্কানি আমক্ অবার্ কাম্ গরা ওইয়্যে সিয়েনি যুনি সোর আর সীদোন শঅরত্ গরা অদঅ সালে ভালোক্ দিন আগে তারা বস্তা ফাদা পিনিনে ছেই গুলিনে পাপত্তুন্ মনানি ফিরেদাক্।

দ্বি’লম্বর বিররণ 22:8

ঘর্‌ বানেবার অক্তত্‌ তুমি সিয়েন ছালর্‌ চেরোকিত্তে দেবাল ধোক্ক্যেন গুরি কিজু উজু গুরি দিবা, যেনে কনজনে ছাল উগুরেত্তুন পড়িনে মুরি গেলে ঘরর্‌ মানুচ্চুনে তার্‌ মরণানত্তে দায়ী ন-অন্‌।

যাকোব 5:1

তাগোয়্যে মানুচ্চুন্, তুমি শুনো। তমা উগুরে যে দুঘ্‌কানি এজের্ সিয়েনিত্যে কানঅ আর আবিলেচ্ গরঅ।

১ শমূয়েল 5:12

যিদুক্কুন মানুচ্‌ মুরি ন-যান তারার্‌অ সেই টিউমার পিড়ে ওইয়্যে। সেক্কে শঅরর্‌ মানুচ্চুনোর কানাকুদির্ রঅবো যেন আগাজ সং লুমিলোগোই।