যিশাইয় 14:30 - Chakma Bible

³⁰ বেগত্তুন্ নাঢা মানুচ্চুনে হানা পেবাক্ আর অভাবীগুনে গমেডালে ঘুম্ যেবাক্। মাত্তর্ তঅ শিঙোরানরে মুই ভানা দিইনে ভস্ত গুরিম, সেক্কে তর্ বাঁজি থেইয়্যে মানুচ্চুনে মুরি যেবাক্।

যিশাইয় 14:30 ပူးပေါင်းရင်းမြစ်များ

ইয়োব 18:13

সিয়েনে তা কিয়্যের্‌ চামানি খেই ফেলেব; মরণর পত্তম পূঅবো তার্‌ পুরো কিয়্যেগানরে গিলিবো।

যিশাইয় 11:4

মাত্তর্ নাঢা মানুচ্চুনো উগুরে গম্ বিচের্ গুরিবো, আর পিত্‌থিমীর নাঢা মানুচ্চুনো পৌইদ্যেনে গমেডালে মীমাংসা গুরিবো।‌ লুদিগো ধোক্ক্যেন্ গুরি তে মুয়ো কধালোই পিত্‌‌থিমীগানরে আঘাত্ গুরিবো, আর পাজিগুনোরে মারে ফেলেব তা মুয়ো নিজেস্‌‌ছোই।

যিশাইয় 29:19

নম্র মানুচ্চুনে আরঅ লগেপ্রভুরে দেগিনে হুজি অবাক্, আর যিগুনে অমকদ নাঢা তারা ইস্রায়েলর সেই পবিত্র মানুচ্চোরে নিইনে ফুত্তি গুরিবাক্।

যিশাইয় 3:14

লগেপ্রভু তা মানুচ্চুনো ভিদিরে বুড়ো মানুচ্চুনোরে আর নেতাগুনো বিরুদ্ধে বিচের গুরিনে কোইয়্যেদে, “তুমি মঅ আংগুর খেদ্‌তান বর্‌বাত্ গোজ্য; নাঢা মানুচ্চুনোর পযাপিরানি লুদেইনে নিজো ঘরত্ রাগেয়ো।

যিশাইয় 3:15

তুমি কিত্তে মঅ মানুচ্চুনোরে শেজ্ গোজ্য আর নাঢা মানুচ্চুনোরে মারে ফেল্য?” এ কধাগান্ বেগত্তুন্ খেমতাবলা প্রভু লগেপ্রভু কোইয়্যে।

যিশাইয় 33:16

সে মানুচ্চো গমেডালে বজত্তি গুরিবো আর তার আশ্রয় অবদে মুড়োমুড়ি ঘরান্। তারে হানার্ যগান্ দিয়্যে অবঅ আর তে হামাক্কায় পানি পেবঅ।

যিশাইয় 37:30

ও হিষ্কিয়, তত্তে চিহ্নো অবদে ইয়েন: এ বজর্ নিজে নিজে যিয়েনি জোর্মেবে তুমি সিয়েনি হেবা, আর দ্বি বজরত্ সিয়েনিত্তুন্ যিয়েনি জোর্মেব সিয়েনি হেবা। মাত্তর্ তিন বজরত্ তুমি বীজ্ ফেলেবা আর খেত্-খেত্তি কাবিবা আর আংগুর খেত্ গুরিনে সিয়েনির ফল হেবা।

যিশাইয় 5:17

সেক্কে ভেড়াগুনে নিজো খেদত্ যেধোক্ক্যেন্ গুরি চরন্ সেধোক্ক্যেন্ গুরি তাগোয়্যেগুনোর বেক্ ভস্ত ওইয়্যে জাগায়ানিত্ চড়িবাক্, আর বিদেশীগুনে সেই ভস্ত ওইয়্যে জাগায়ানি ভোগ্ গুরিবাক্।

যিশাইয় 51:19

ভস্ত, দজা, ভানা আর যুদ্ধো-এ দ্বিবাবোত্যে দজা তমা উগুরে লুম্মেগি। কন্না তরে বুঝেই পারে? মুই কেধোক্ক্যেন গুরি তরে বুঝেম?

যিশাইয় 8:21

দুঘ্ আর পেট্‌‌পরা হেই হেই তারা দেজ ভিদিরে ঘুরিবাক্। পেট্‌‌পরার্ দুঘে তারা রাগ্ গুরিনে উগুরেদি রিনি চেইনে তারার্ রাজা আর তারার্ গোজেনরে অভিশাব্ দিবাক্।

যিশাইয় 9:20

এ ডাগেদি যিয়েনি আঘে সিয়েনি তারা গিলিবাক্, মাত্তর্ তো পেট্‌পরা থেবঅ; উ ডাগেদি যিয়েনি আঘে সিয়েনি হেই পারিবাক্, মাত্তর্ ঈল্ ন-অবঅ। যেরেদি পত্তিজনে নিজো মানুচ্চুনোর্ য়েরা হেবাক্-

সফনিয় 3:12

যিগুনে লগেপ্রভু উগুরে বিশ্বেজ্ গুরিনে সেবাবোত্যে নত আর নম্র মানুচ্চুনোরে মুই তইদু বাগি রাগেম্।