যিশাইয় 14:29 - Chakma Bible

²⁹ ও পলেষ্টীয়া, যে লুদিক্কো তরে আঘাত্ গুরিদো সিবে ভাঙি যেইয়্যে বিলি তুমি কনজনে ফুত্তি ন-গোজ্য। সাপ গাদত্তুন্ নিগিলি এবঅ কেউটে সাপ, আর সেই সাপ্পোত্তুন্ নিগিলি এবঅ উড়্‌বো বিষবলা সাপ।

যিশাইয় 14:29 ပူးပေါင်းရင်းမြစ်များ

২ রাজাবলী 18:8

গাজা আর তার বেক্‌ চাগালানি ভিদিরে যেদক্কানি জাগাত্‌ পলেষ্টীয়গুনে বজত্তি গুরিদাক্‌ তে তারারে আক্রমণ গুরিনে ওদেই দিলো।

২ বংশধর 26:6

তে পলেষ্টীয়গুনো বিরুদ্ধে যুদ্ধো গুরিলো আর গাৎ, যব্‌নির আর অস্‌দোদ দেবালান্‌ ভাঙি ফেলেল। সে পরেন্দি তে অস্‌দোদ চাগালাত্‌ আর পলেষ্টীয়গুনোর অন্য জাগায়ানিত্‌ কয়েক্কান্‌ দেবাল-ঘিজ্যে আদাম আরঅ তুলিলো।

২ বংশধর 28:18

ইন্দি আরঅ পলেষ্টীয়গুনে সেক্কে তলে মুড়োমুড়ি চাগালার্‌ আদামানিত্‌ আর যিহূদার নেগেভত্‌ হানা দুয়োন্‌। তারা বৈৎ-শেমশ, অয়ালোন, গদেরোৎ আর কায়-কুরে জাগানিসুদ্ধো সোখো, তিম্না আর গিম্‌সো গজক্ গুরিনে সিদু বজত্তি গোজ্যন্‌।

গম্ উপদেজ্ 24:17

তঅ শত্রুবো পড়ি গেলে রঙ্গফুত্তি ন-গুরিচ্; তে উজোদ্ হেলে তঅ রিবেঙানরে হুজি অবাত্তে ন-দিচ্।

যিশাইয় 11:14

তারা পোজিমেদি পলেষ্টীয়গুনো দেজত্ সং জাগাত্ ছো মারিবাক্, তারা এক সমারে পূগেদি দেজ্‌চানি লুদেবাক্। তারা ইদোম আর মোয়াব গজক্ গুরি নেযেবাক্ আর অম্মোনীয়গুনে তারার্ তলেদি অবাক্।

যিশাইয় 11:8

বিষ্‌বলা সাব গাদ মুয়োত্ চিগোন গুরোয় খারা কবাক্, আর চিগোন পুয়ো-ছাগুনে বিষ্‌বলা সাব গাদত্ আঢ্ দিবাক্।

যিশাইয় 14:31

ও গেদ্‌টো, আবিলেচ্ গর্। ও শঅরান, কান্। ও পলেষ্টীয়া, তর্ বেক্কানি মিলেই যোক্। উত্তোরেত্তুন্ ধূমোর্ মেঘ এজের্, সে সৈন্যদলত্তুন্ এক্কো সৈন্যয়ো পিজেদি ন-যাদন্।‌‌

যিশাইয় 2:6

তুই দঅ তঅ মানুচ্চুনোর্, অত্তাৎ যাকোব বংশধরুনোরে ছাড়ি যেইয়োচ্। তারা পুগেদি দেজ্‌ছানির কুসংস্কারলোই পেলেপেলে ওইয়োন; তারা পলেষ্টীয়গুনো ধোক্ক্যেন যাদুবিদ্যের্ অভ্যেস গোজ্যন আর নানান্ জাদ সমারে আঢ্ মিলেয়োন।

যিশাইয় 30:6

নেগেভ এ্যামানুনো পৌইদ্যেনে আগাম্ কধা ইয়েন: সেই দূত্‌তুনে দুঘ্ আর দুদ্দজাত্ পোজ্যে দেজ ভিদিরেদি আর সিংহ আর সিংহী, বিষ্‌বলা সাপ আর উড়্‌বো বিষ্‌বলা সাপ দেজ ভিদিরেদি যা‍‌ন্।

যিরমিয় 47:1

ফরৌণে গাজা আক্রমণ গুরিবার আগেদি পলেষ্টীয়গুনো পৌইদ্যেনে লগেপ্রভুর এ কধানি ভাববাদী যিরমিয় ইধু ফগদাং অলঅ,

আবিলেচ্ 2:17

লগেপ্রভু তা পরিকল্পনা মজিম্ কাম গোজ্যে; যে কধানি তে বোউত্ আগেদি কোইয়্যে সে কধানি পূরোণ গোজ্যে। তে মেয়্যে ন-গুরিনে তরে মেলা মারি দিয়্যে; শত্রুরে তঅ বিরুদ্ধে তে ফুত্তি গুরিবাত্তে দিয়্যে, তর্ বিপক্কগুনোর্ বলানি বাড়েই দিয়্যে।

যিহিষ্কেল 25:15

পরেদি প্রভু লগেপ্রভু কলঅ, “পলেষ্টীয়গুনে ইংসের মনভাব্‌পোই যিহূদা উগুরে হেনা সুজ্‌‌‌‌‌‌‌চ্যন্; তারা পুরোনা শত্রুতার মনভাবপোই যিহূদারে ভস্ত গুরিবাত্তে চেইয়োন।

যিহিষ্কেল 26:2

ও মান্‌জ্যর্ পুয়োবো, যিরূশালেম পৌইদ্যেনে সোর হুজি ওইনে কোইয়্যেদে, বেশ্ ওইয়্যে, জাদ্‌তুনোর আজল্ গেইট্টো ভাঙি যেইয়্যে আর দোরানি মইধু পুরোপুরি খুলি যেইয়্যে; শঅরান্ ইক্কিনে ভস্ত ওইনে পুড়ি আঘে বিলিনে মর্ ভালেদি অবঅ।

যিহিষ্কেল 35:15

ইস্রায়েল জাদে অধিকার ইজেবে যে দেজ্‌‌‌‌‌‌‌চান পেইয়্যে সিয়েন মানুচ্ নেইয়্যে দেগিনে তুই যেবাবোত্যে ফুত্তি গোজ্যস্ সেবাবোত্যেগুরি মুই তঅ লগে বেবহার গুরিম। ও সেয়ীর মুড়োবো, তুই আর ইদোমর বাদবাগি বেক জাগায়ানি মানুচ্ নেইয়্যে অবাক্। সেক্কে মানুচ্চুনে হবর্ পেবাক যে, মুয়ই লগেপ্রভু।”

হোশেয় 9:1

ও ইস্রায়েল, অন্য জাদ্‌‌‌তুনো ধোক্ক্যেন তুই হুজির্ উৎসব ন-গুরিচ্। তুই দঅ তর্ গোজেনরে ছাড়িনে তা উগুরে অবিশ্বেজি ওইয়োচ্; পত্তি খামারত্ তুই বেশ্যের্ পাওনা পেইনে হুজি ওইয়োচ্।

যোয়েল 3:4

ইক্কিনে ও সোর, সীদোন আর পলেষ্টীয়ার বেক্ চাগালাগান, মঅ লগে তমার্ কি কুদুম্মো? তুমি কি মঅ উগুরে হেনা সুজোর্? যুনি তুমি মঅ উগুরে হেনা সুজো সালে তুমি যিয়েন গুরিবে সিয়েনই মুই লগে লগে খুব যাদিমাদি তমা নিজো মাঢা উগুরে ফিরেই দিম।

আমোষ 1:6

লগেপ্রভু কত্তে, “গাজার তিনেন্ পাপ, এন্ কি, চেরান পাপর্ কারনে মুই ঘেচ্চেকগুরি তারে সাজা দিম, কিত্যে তে কয়েক্কান আদামর্ বেক মানুচ্চুনোরে বন্দী গুরিনে ইদোম আঢত্ তুলি দিয়্যে।

আমোষ 1:8

মুই অস্‌‌দোদ মানুচ্চুনোরে আর অস্কিলোনত্ যে মানুচ্চো রাজলুদিক্কো ধুরি আঘে তারে ভস্ত গুরিম। মুই ইক্রোণ বিরুদ্ধে মঅ আঢ্‌‌তান তুলিম, সেক্কে পলেষ্টীয়গুনোর বাঁজি থেইয়্যে মানুচ্চুনে মুরি যেবাক্।”‌‌

ওবদিয় 1:12

তঅ ভেইবোর্ দুঘোত্ তুই হুজি ওইয়োচ্, যিহূদা মানুচ্চুনোর্ ভস্তর্ দিনোত্ তারা পৌইদ্যেনে ফুত্তি গোজ্যস্ আর তারার্ দুঘো দিনোত্ বাড়্‌‌বো গোজ্যস্।

মীখা 7:8

ও আমার্ শত্রুগুন, আমা দুদ্দশা দেগিনে ফুত্তি ন-গোজ্য। আমি পড়ি গেলেয়ো আরঅ উদিবোং। আন্ধারত্ বুজি থেলেয়ো লগেপ্রভু অবঅ আমার্ পহ্‌র।

সফনিয় 2:4

গাজাগানত্ মানুচ্ নেইয়্যে অবঅ আর অস্কিলোনান্ ভস্তর্ জাগা ওইনে পড়ি থেবঅ। দিনোত্ অস্‌দোদর মানুচ্চুনোরে ধাবেই দিয়্যে অবঅ আর ইক্রোণরে উগুরেই ফেলা অবঅ।

সফনিয় 2:5

ও করেথীয় মানুচ্চুন, তুমি যিগুনে সাগর পাড়ত্ বজত্তি গরঅ, অভিশাব্ পোড়োক্ তমার্! ও পলেষ্টীয়গুনোর দেশ কনান, তঅ বিরুদ্ধে লগেপ্রভুর এ কধাগান, “মুই তরে এমনভাবে ভস্ত গুরিম, তইদু কনজনে ন-থেবাক্।”

সফনিয় 3:11

তুই মঅ উগুরে যেদক্কানি অন্যেয় গোজ্যস্ সিয়েনত্তে তুই সেদিন্যে লাজত্ ন-পড়িবে, কিত্যে এ শঅরানত্তুন্ মুই বেক্ অহংকারী আর বাড়্‌‌বো গোজ্যে মানুচ্চুনোরে নিগিলেই দিম্। মর্ সুদ্ধো-সাংগ মুড়োবো উগুরে তুই আর কনদিন্‌অ বাড়্‌বো ন-গুরিবে।

সখরিয় 9:5

অস্কিলোনে সিয়েন দেগিনে দোরেব, গাজাগানে যন্ত্রণায় মজরা হেবঅ আর ইক্রোণর দজাও সেবাবোত্যে অবঅ, কিত্যে তার আজা পূরোণ ন-অবঅ। গাজাগানে তার্ রাজাবোরে আরেব আর অস্কিলোনত্ কনজনে বজত্তি ন-গুরিবাক্।

গণাণা 21:8

ইয়েনর্ জোবত্‌ লগেপ্রভু মোশিরে কলঅ, “তুই এক্কো সাপ বানেইনে এক্কো তুনি উগুরে থঅ। যিবেরে সাবে কামেড়েব তে সিবেন্দি রিনি চেলে বাঁজিবো।”