যিশাইয় 14:20 - Chakma Bible

²⁰ তুই অন্য রাজাগুনো ধোক্ক্যেন্ গোর্ ন-পেবে, কিত্তে তঅ দেজ্‌ছানরে তুই ভস্ত গোজ্যস্ আর তঅ মানুচ্চুনোরে মারে ফেল্যচ্। পাজিগুনোর্ বংশধরুনোর কধা আর কনদিন্অ তুলো ন-অবঅ।

যিশাইয় 14:20 ပူးပေါင်းရင်းမြစ်များ

২ রাজাবলী 9:35

মাত্তর্‌ মানুচ্চুনে যেক্কে তারে গোর্ দিবাত্তে বারেন্দি গেলাক্‌ সেক্কে তা মাধাবোর কুলোচারাবো, আঢ্ আর টেঙানি বাদে আর কিচ্ছু নঅ-পেলাক্‌।

ইয়োব 18:16

তলেদি তার্‌ শিঙোরান্ শুগেই যেবঅ আর উগুরে তার্‌ ডেলা-পাদানি মুরি যেবঅ।

ইয়োব 18:17

পিত্‌থিমীত্তুন্‌ তা স্মৃতি উদি যেবঅ; দেজত্‌ তা নাঙান্‌ ন-থেবঅ।

ইয়োব 18:19

নিজো জাদ ভিদিরে তার্‌ কনঅ গুট্টি ন-থেবাক্‌; তে যিদু থেদঅ সাৎ সিয়েনত্‌ আর কনজন ন-থেবাক্।

গীতসংহিতা 109:13

তারার গুট্টিগুনোরে মারে ফেলা ওক্; তারার পুয়ো ছাগুনোর্ নাঙানি বাদ দিয়া ওক্।

গীতসংহিতা 21:10

পিত্‌‌থিমীর বুগোত্তুন্ তারার্ বংশধরুনোরে তুই ভস্ত গুরি ফেলেবে; ভস্ত গুরি দিবে তারার্ বংশবো মানেয় ভিদিরেত্তুন।

গীতসংহিতা 37:28

লগেপ্রভু ন্যায়বিচের গমপায়; তা ভক্তগুনোরে তে ছাড়ি ন-যায়। জিংকানিবর্ তারারে রোক্ষ্যে গরা অবঅ, মাত্তর্ শদানর বংশধরুনোরে ভস্ত গরা অবঅ।

উপদেশক 6:3

কনঅ মান্‌জ্যর্ একশ জন ঝি-পুয়ো থেই পারন্ আর তে ভালোক্ দিন বাঁজি থেই পারে, মাত্তর্ তে যুনি জিংকানিত্ সুগ্ ন-পায় আর গমেডালে গোর্ ন-পায় সালে যেদক্ বজর সং তে বাঁজি থেদঅ সাৎ মুই কোম্বে তাত্তুন্ বরং মরা-পুয়ো পুদোনা বোউত্ গম্ এলঅ।

যিশাইয় 1:4

হায়! তারা এক্কো পাপে ভরা জাদ, দুষোর্ ভারে ভোজ্যে মানুচ্, অন্যেয় গুরিয়্যেগুনোর্ বংশ, ভান্ন্যেই কাম গোজ্যে পুয়ো। তারা লগেপ্রভুরে ছাড়ি যেইয়োন্ আর ইস্রায়েলর্ সেই পবিত্র মানুচ্চোরে এলাফেলা গোজ্যন্ আর তা পিজেদি ফিজ্যন্।

যিশাইয় 31:2

মাত্তর্ তার কি কনঅ জ্ঞান নেই? তে দঅ দজা ঘোদেব; তা কধাগান তে ফিরেই ন-নিবো। তে পাজিগুনোর্ বিরুদ্ধে আর তারার সাহায্যগুরিয়্যেগুনোর্ বিরুদ্ধে উদিবো।

যিশাইয় 9:17

সেনত্তে প্রভু গাবুজ্যেগুনোরে নিইনে কনঅ ফুত্তি ন-পেবঅ, আর মা-বাপ নেইয়্যেগুনোরে, রানি মিলেগুনো উগুরে তে কনঅ দোয়্যে ন-গুরিবো; কিত্তে বেক্কুনে গোজেন উগুরে ভোক্তি নেইয়্যে আর পাজি, বেক্কুনে বজং কধা কন্। ইয়েনি অলেয়ো তা রাগ্‌কান ন-থামেব; এজঅ সং তা আঢ্‌তান তুল্যে আঘে।‌‌