যিশাইয় 14:18 - Chakma Bible

¹⁸ “জাদ্‌তুনোর বেক্ রাজাগুনে সর্মান সমারে যার্ যার্ গোরত্ পু‌‌‌ড়ি আগন্।

যিশাইয় 14:18 ပူးပေါင်းရင်းမြစ်များ

২ রাজাবলী 9:35

মাত্তর্‌ মানুচ্চুনে যেক্কে তারে গোর্ দিবাত্তে বারেন্দি গেলাক্‌ সেক্কে তা মাধাবোর কুলোচারাবো, আঢ্ আর টেঙানি বাদে আর কিচ্ছু নঅ-পেলাক্‌।

২ বংশধর 24:16

ইস্রায়েল ভিদিরে গোজেনত্তে আর তা ঘরত্তে তে যেদক্কানি গম্‌ কাম্‌ গোজ্যে সেনত্তে তারে দায়ূদ-শঅরত্‌ রাজাগুনোর লগে গোর্ দিয়্যে অলঅ।

২ বংশধর 24:25

আহত অবস্থায় যোয়াশরে ফেলেই রাগেইনে অরামীয়গুনে গেলাক্‌। ধর্মগুরু যিহোয়াদার পুয়োবোরে মারে ফেলানার্‌ কারনে যোয়াশর কামগুরিয়্যেগুনে তা বিরুদ্ধে কুজুরোমি গুরিনে বিচ্ছোন উগুরে তারে মারে ফেলেলাক্‌। তে মুরি যানার্‌ পরেন্দি তারে দায়ূদ-শঅরত্‌ গোর্ দিয়্যে অলঅ, মাত্তর্‌ রাজাগুনোর্‌ গোরত্‌ তারে গোর্ দিয়্যে ন-অলঅ।

ইয়োব 3:14

মুই সেই রাজাগুনো সমারে আর সে মন্ত্রীগুনো সমারে থেদুঙ্‌ যিগুনে একদিন নিজোত্তে বিল্ডিং বানেয়োন যিয়েনি এচ্ছ্যে ভস্ত ওইনে পড়ি আঘে।

ইয়োব 30:23

মুই হবর্ পাং তুই মরে মরণ ইন্দি নেযর্, পুরো জেদা মানুচ্চুনোত্তে ঠিগ্ গোজ্যে জাগানত্ নেযর্।

উপদেশক 12:5

সে অক্তত্ অজল্ জাগানত্ আর পধেদি যাদে তে দোরেব। সেক্কে বাদাম্ গাজত্ ফুল ধুরিবাক্, ফিরিঙুনে লাম্বা টেঙোই আঢিবাক্ আর কামনা-বাসনা আর্ উত্তেজিত ন-অবঅ। সে পরেদি তে যেবগোই তা উমর ঘরত্, আর আবিলেচ্ গুরিয়্যেগুনে পধে পধে ঘুরিবাক্।

উপদেশক 6:3

কনঅ মান্‌জ্যর্ একশ জন ঝি-পুয়ো থেই পারন্ আর তে ভালোক্ দিন বাঁজি থেই পারে, মাত্তর্ তে যুনি জিংকানিত্ সুগ্ ন-পায় আর গমেডালে গোর্ ন-পায় সালে যেদক্ বজর সং তে বাঁজি থেদঅ সাৎ মুই কোম্বে তাত্তুন্ বরং মরা-পুয়ো পুদোনা বোউত্ গম্ এলঅ।

যিশাইয় 14:17

ইবে কি সিবে, যে সংসারানরে ধূল্যেচর ধোক্ক্যেন গুরিদো, শঅরানিরে উল্ল্যেই ফেলেদ, আর বন্দীগুনোরে ঘরত্ ফিরি যেবাত্তে ন-দিদো?

যিশাইয় 14:19

মাত্তর্ তরে গাজর্ বাদ দিয়্যে ডেলা ধোক্ক্যেন্ গোর বারেদি ফেলেই দিয়্যে ওইয়্যে। তলোয়ার্‌লোই যিগুনোরে মারে ফেলেইনে গোরর্ বেগত্তুন্ তলে জাগানত্ পাদা ওইয়্যে তারা কিয়্যেগানিলোই তুই নাঢা যেইয়োচ্। তুই টেঙোই মাজ্যে মরাকিয়্যে ধোক্ক্যেন্ ওইয়োচ্।

যিশাইয় 22:16

তুই ইদু কি গরর্? আর ইদু নিজোর গোরান্ কুড়িবাত্তে, অজল্ জাগাত তঅ গোরান্ ঠিগ্ গুরিবাত্তে, মুড়ো কাবিনে জিরেবার-জাগায়ান্ বানেবাত্তে কন্না তরে অধিকার দিয়্যে?