যিশাইয় 14:13 - Chakma Bible

¹³ তুই মনে মনে কোইয়োচ্চ্যে, মুই স্বর্গত্ উদিম্, গোজেন তারাগুনো উগুরে মঅ সিংহাসনান্ তুলিম্; যিয়েনত্ দেবেদাগুনে এগত্তর্ অন্ উত্তোরেদি সে মুড়োবো উগুরে মুই সিংহাসনত্ বুজিম্।

যিশাইয় 14:13 ပူးပေါင်းရင်းမြစ်များ

ইয়োব 20:6

তা সর্মানান্‌ যুনিয়ো আগাজ্‌ সং লুমেগোই আর মাধাবো আগাজত্‌ বাজে,

গীতসংহিতা 48:2

গোজেনর থেবার জাগায়ান সেই সিয়োন মুড়োবো, অজলত্ বানেয়্যে দাঙর্ রাজার সে শঅরান চাদে দোল্; গোদা দুনিয়াগানরে সিয়েনে হুজিয়ে রাগায়।

যিশাইয় 2:2

শেজ্‌কালত্ বেক মুড়োমুড়িগুনো ভিদিরেত্তুন্ সেই মুড়োবোরে বেগত্তুন্ অজলত্ তুলো অবঅ যিয়েনত্ লগেপ্রভুর্ ঘর্ আঘে। চিগোন চিগোন মুড়োগুনোত্তুন্ সিবেরে অজলত্ তুলো অবঅ, আর বেক্ জাদ্‌তুনে পানি গঙার ধোক্ক্যেন তান্দি যেবাক্।

যিরমিয় 49:16

ও পাত্তর ফাদামারাত্ বজত্তি গুরিয়্যে মুড়োমুড়ির অজল্ জাগানর গিরোজ্, তুই দর্‌‍‍‌গরেপারা বিলিনে তঅ মনর্ যে বাড়্‌বোগানে তরে ছলনা গোজ্যে। যুনিয়ো তুই ঈগল ধোক্ক্যেন অজল্ জাগাত্ তঅ ঘরান বানাচ্ তো সিয়েনত্তুন্ মুই তরে তলেদি লামেই অনিম।

যিহিষ্কেল 27:3

সাগরত্ সোমেবার মুয়োনত্ যে রোইয়্যে, সাগর পারর্ ভালোক্ জাদর্ যে বেবসায়িবো সেই সোররে তুই কঅ, প্রভু লগেপ্রভু কোইয়্যেদে, ও সোর, তুই কত্তে তুই অমকদ দোল্।

যিহিষ্কেল 28:2

ও মান্‌‌‌‌জ্যর পুয়োবো, তুই সোরর্ শাজন্‌গুরিয়্যেবোরে কঅ, প্রভু লগেপ্রভু কোইয়্যেদে, তর্ মনর্ অহংকারে কোইয়োচ্, তুই দেবেদা; তুই সাগর ভিদিরে দেবেদা সিংহাসনত্ বুয়োই আগচ্। মাত্তর্ তুই দঅ এক্কো মানুচ্, দেবেদা নয়, যুনিয়ো তুই নিজোরে দেবেদা ধোক্ক্যেন জ্ঞানী মনে গরর্।

যিহিষ্কেল 28:9

যিগুনে তরে শেজ্ গুরি দিবাক্ তারা মুজুঙোত্ সেক্কে তুই কি কবে, তুই দেবেদা? যিগুনে তরে মারে ফেলেবাক্ তারা ইধু তুই অবে এক্কো বানা মানুচ্, দেবেদা নয়।

যিহিষ্কেল 29:3

প্রভু লগেপ্রভু কোইয়্যেদে, ও মিসরর রাজা ফরৌণ, মুই তর্ বিপক্ষে। তুই নিজো গাঙ্ ভিদিরে পড়ি থেইয়্যে সেই দাঙর্ কুমোর্‌বো। তুই কোই থাচ্, নীল্ গাঙান্ তর্ আর তুই নিজোত্তে সিয়েন বানেয়োচ্।

যিহিষ্কেল 31:10

ইক্কিনে মুই প্রভু লগেপ্রভু কঙর্, তে অজল্ ওইয়্যে, তার মাঢাবো যেন আগাজত্ লুম্মেগোই, আর তে লাম্বা বিলিনে তার অহংকার ওইয়্যে।

যিহিষ্কেল 40:2

গোজেনর দিয়্যে দর্শনানর ভিদিরেদি তে মরে ইস্রায়েল দেজত্ নেযেইনে এক্কান অমকদ অজল্ মুড়ো উগুরে রাগেল। সেই মুড়োবোর্ দোগিণেদি কয়েক্কান বিল্ডং এলঅ যিগুন চাদে শঅর ধোক্ক্যেন্।

দানিয়েল 11:36

উত্তরেদি রাজাবো নিজো আওজ্ মজিম কাম্ গুরিবো। বেক্ দেবেদাগুনোত্তুন্ তে নিজোরে দাঙর্ গুরি দেগিবো আর যিবে দেবেদগুনোর গোজেন তা বিরুদ্ধেয়ো দাঙর্ দাঙর্ কধা কবঅ। গোজেনর রাগ্‌‌কান পুরোপুরিগুরি ঢালি ন-দেনা সং তে সফল অবঅ, কিত্যে যিয়েন থির্ গরা ওইয়্যে সিয়েন ‌‌হামাক্কায় ঘুদিবো।‌‌

দানিয়েল 5:20

মাত্তর্ যেক্কে তা মনান্ বাড়্‌বো আর অহংকারে দরমর ওই উদিলো সেক্কে তারে তা সিংহাসনত্তুন্ লামেই দিয়্যে অলঅ আর তা সর্মানান নেযা অলঅ।

ওবদিয় 1:3

তুই পাত্তরর্ মুড়ো ফাদা সেরে বজত্তি গর্ আর অজল্ অজল্ জাগাত্ থাগ্ আর মনে মনে কঅ, কন্না মরে মাদিত্ লামেই পারিবো? মাত্তর্ তঅ মনর্ অহংকারানে তরে ঠোগেয়্যে।

সফনিয় 2:15

ইয়েনই সেই নিচিদে থেইয়্যে শঅর্ যিয়েন গমেডালে আঘে। তে মনে মনে কইদ্যে, “মুয়ই আগং, মুই বাদে আর কনজন নেই।” তে কিবাবোত্যেগুরি ভস্ত ওই গেলঅ, ঝার্‌বো য়েমানুনোর আশ্রয়র জাগা অলঅ! যিগুনে তা কায়কুরেদি যেবাক্ তারা ঠাট্টা-মশ্‌‌‌‌কারি গুরিবাক আর তারার্ বুজ্যে আঙুল্ দেগেবাক্।‌‌

মথি লেখ্যে গম্ হবর্ 11:23

আর তুই কফরনাহূম! তুই নাকি স্বর্গয়ান সং অজলত্ উদিবে? কনদিন্অ নয়, তরে তলেদি নরগত্ ফেলেই দিয়্যে অবঅ। যেদক্কানি আমক্ অবার্ কাম্ তঅ ভিদিরে গরা ওইয়্যে সিয়েনি যুনি সদোম শঅরত্ গরা অদঅ সালে সদোমান্ এজঅ ঠিগি থেদঅ।

লূকে লেখ্যে গম্ হবর্ 10:15

আর তুই, কফরনাহূম, তুই নাহি স্বর্গয়ান সং অজলত্ উদিবে? কনদিন্অ নয়, তরে তলেদি নরগত্ ফেলেই দিয়্যে অবঅ।”

২ থিষলনীকীয় 2:4

গোজেন বিলিনে যিয়েনি আঘে সিয়েনি বেক্কানির্ বিরুদ্ধে আর উবোসনা গরেদে ধোক্ক্যেন বেক্কানির্ বিরুদ্ধে থিয়্যেইনে তে নিজোরে দাঙর্ গুরি দেগেব; এমন্‌ কি, তে গোজেনর্ উবোসনা-ঘরত্ বৈইনে নিজোরে গোজেন বিলিনে দাবী গুরিবো।