যিশাইয় 13:4 - Chakma Bible

⁴ শুনো, মুড়ো-মুড়ি উগুরে বোউত্ মান্‌জ্যর রঅ অর্। শুনো, বেগ্ জাদ্‌তুনোর্ আর রেজ্যর মানুচ্চুনে এক সমারে এগত্তর্ ওইনে যাগুলুক্ গত্তন্। বেগত্তুন্ খেমতাবলা লগেপ্রভু যুদ্ধোত্তে এক্কো সৈন্যদল সাজাদন্।

যিশাইয় 13:4 ပူးပေါင်းရင်းမြစ်များ

যিশাইয় 17:12

হায় হায়, বোউত্ মান্‌জ্যর রঅ শুনো যার্! গুজুরি উঠ্যে সাগর ধোক্ক্যেন জাদ্‌‍‍তুনে গুজুরোদন্। জাদ্‌তুনোর জদবদে রঅ ছাড়ানাগানি শুনো যার্। দর্‌‍‍‍‍গরেপারা বান পানির গুজুরোনি ধোক্ক্যেন তারা রঅ ছাড়দন্।‍

যিশাইয় 48:14

তুমি বেক্কুনে এগত্তর্ ওইনে শুনো। মূত্তিগুনো ভিদিরে কুবো ইয়েনি পৌইদ্যেনে আগে কোইয়্যে? বাবিলো বিরুদ্ধে লগেপ্রভুর বেঈ লোইয়্যে মানুচ্চো তা নিজোর আওজ্‌‌চান পুরেব; লগেপ্রভুর আঢ্‌তানি বাবিলিয়গুনোর বিরুদ্ধে উদিবো।‌

যিশাইয় 5:26

তে দূরো জাদ্‌তুনোত্তে এক্কান বাবতা উড়েব আর পিত্‌থিমীর শেজ্ দুযিত্ সেই মানুচ্চুনোরে ডাগিবো। দেগিবা, তারা যাদিমাদি গুরি দাবা দাবা এবাক্।‌

যিশাইয় 5:30

সেদিন্যে তারা সাগর গুজুরোনি ধোক্ক্যেন্ গুরি লগেপ্রভু মানুচ্চুনো উগুরে গুজুরি উদিবাক্। কনজনে যুনি সেক্কে দেজ ইন্দি রিনি চায় সালে তে দেগিবোদে আন্ধার আর দুঘ্; এমন কি, পহ্‌রান্অ মেঘে ঢাগিনে আন্ধার্ ওই যেবঅ।

যিরমিয় 21:4

ইস্রায়েলর গোজেন লগেপ্রভু এ কধাগান কোইয়্যেদে, ‘বাবিল রাজা আর যে বাবিলীয়গুনে দেবাল বারেত্তুন্ তরে আক্রমন গত্তন্ সিগুনো বিরুদ্ধে যুদ্ধোত্তে তঅ আঢত্ যে আত্যেরানি আঘে সিগুনোর মুয়োনি মুই ঘুরেই দিম আর শঅর ভিদিরে সিগুনোরে এগত্তর্ গুরিম।

যিরমিয় 25:14

বাবিলীয়গুনে বোউত্ জাদর্ আর দাঙর্ দাঙর্ রাজার চাগর্ অবাক্; তারার বেক কামানি অনুসারে মুই তারারে ফল দিম।’ ”

যোয়েল 2:25

লগেপ্রভু কত্তে, মর্ বিরেট্ সৈন্যদল যিবে মুই তমা ইধু পাধেয়োং তারা, অত্তাৎ ঝাক্-বোত্যে পুগ্-যুগো পাল, ভস্তগুরিয়্যে পুগ্-যুগ্, ফাল্যে-যেইয়্যে পুগ্-যুগো পাল আর কামেড়্যেয়ে পুগ্-যুগো যেদক্ বজর ধুরিনে তমা ফসলানি হেইয়োন সিয়েনি মুই সুজি দিম।

যোয়েল 3:14

সাজা দিবার কলগ্‌কানত্ বোউত্ মান্‌‌‌জ্য ভিড়্, বোউত্ মান্‌জ্যর ভিড়্,‌‌ কিত্যে সাজা দিবার কলগ্‌কানত্ লগেপ্রভুর দিনুন্ কায়কুরে লুম্মেগি।

ফগদাং পেইয়্যে 18:8

সেনত্যে এক দিনে বেক্‌ আঘাত্‌তানি তা উগুরে পড়িবো; সিয়েনি অলঅ মরণান্, দুঘ্ আর ভাদরাদ্। আগুন্দোই তারে পুড়ি ফেলা অবঅ, কিয়া যিবে তার্ বিচের্ গুরিবো সেই প্রভু গোজেনে খেমতাবলা।”