যিশাইয় 10:7 - Chakma Bible

⁷ মাত্তর্ আসিরিয়ার উদ্দেশ্য সিয়েন নয়, তা পরিকল্পানাগান অন্য বাবোত্যে; তা উদ্দেশ্যগান্ ভস্ত গরানা আর ভালোক্ জাদরে শেজ্ গুরি দেনা।

যিশাইয় 10:7 ပူးပေါင်းရင်းမြစ်များ

পত্থম 50:20

তুমি মর্ অমংগল চেইয়ো, মাত্তর্‌ গোজেনে সিয়েনর্ ভিদিরেদি মংগল গুরিবার সল্লা গোজ্যে যেন ভালোক্কুন মান্‌জোর্ পরাণ রোক্ষ্যে পায়; আর এচ্চ্যে সিয়েনোই অর্‌।

যিশাইয় 10:8

তে কইদ্যে, “মঅ সেনাপতিগুনে কি বেক্কুনে রাজা ধোক্ক্যেন্ নয়?

যিশাইয় 23:13

বাবিল দেজ্‌ছান ইন্দি রিনি ছঅ‍; এক সময়োত্ তা মানুচ্চুনো পৌইদ্যেনে কনজনে হবর্ ন-পেদাক্। আসিরিয়গুনে বাবিলানরে ধূল্যেচর-চাগালার পরাণবলাগুনোর জাগা বানেয়োন, মাত্তর্ বাবিলীয়গুনে সোররে আক্রমণ গুরিবাত্তে চুগিদার-ঘর ধোক্ক্যেন অজল্ অজল্ রথ বানেয়োন, তার দাঙর্ দাঙর্ ঘরানি লুদেয়োন আর তারে এক্কান ভস্তর্ কুড়্ বানেয়োন।

যিহিষ্কেল 29:20

তার কামর্ পাওনা ইজেবে মুই তারে মিসর দেজ্‌‌‌‌‌‌‌চান দুয়োং, কিত্তে তে মত্তে কাম্ গোজ্যে। মুই প্রভু লগেপ্রভু এ কধাগান কঙর্।

দানিয়েল 11:12

দোগিণো রাজা সৈন্যগুনোরে বন্দী গুরিনে নেযেবার পরেদি অহংকারে ভরা অবঅ আর আজার্ আজার্ মান্‌‌‌‌জ্যরে মারে ফেলেব, তো তে শেজদি ন-জিদিবো।

নহূম 1:11

তমা ভিদিরেত্তুন্ এমন এক্কো নিগিলি এজের্ যে লগেপ্রভু বিরুদ্ধে কুজুরোমি গরের্ আর ভান্ন্যেই সল্লা দের্।

প্রেরিত্‌ 2:23

গোজেন, যিবে আগে-বাগে বেক্কানি কোই পারে, যীশুরে তমা আঢত্ দিয়্যে অবঅ। আর তুমিয়ো দঅ পাজি মানুচ্চুনোরে দিইনে তারে ক্রুশোত্ দিইনে মারে ফেলেয়ো।

প্রেরিত্‌ 2:24

মাত্তর্ গোজেনে মরণ যন্ত্রণাত্তুন্ উদ্ধোর্ গুরিনে তারে জেদা গুরি তুল্ল্যে, কিয়া তারে ধুরি থবার্ সাধ্য মরণানর্ ন-এলঅ।