যিশাইয় 10:26 - Chakma Bible

²⁶ বেগত্তুন্ খেমতাবলা লগেপ্রভু ওয়েব মুড়োবোত্ মিদিয়নরে আঘাত্ গুরিবার সময়োত্ যেবাবোত্যে গোজ্যে সেবাবোত্যে গুরি তে চাবুক্কোই আসিরিয়গুনোরে মারিবো। মিসরত্ যেবাবোত্যে গোজ্যে সেবাবোত্যে গুরি তে পানি উগুরে তা লুদিক্কো তুলিবো।

যিশাইয় 10:26 ပူးပေါင်းရင်းမြစ်များ

২ রাজাবলী 19:35

সে রেদোত্‌ লগেপ্রভু দূত্তো নিগিলিনে আসিরিয়গুনো তাম্বুলোর্‌ এক লাখ্‌ পাজাশি আজার্‌ মান্‌জ্যরে মারে ফেলেল। তার্‌কেল্যে বেন্যে মানুচ্চুনে যেক্কে ঘুমোত্তুন উদিলাক্‌ সেক্কে দেগা গেলদে বেক্‌ জাগানিত্‌ বানা মরামানুচ্।

গীতসংহিতা 35:23

মর্ গোজেন, প্রভু মর্, তুই চেদন্ অ, মর্ পক্ষ অ, মর্ পক্ষেদি কধা কঅ।

গীতসংহিতা 83:11

তারার নেতাগুনোর দজা তুই ওরেব আর সেবের ধোক্ক্যেন গর্; তারার বেক শাজন্‌গুরিয়্যেগুনোর দজা সেবহ আর সল্ মুন্নের ধোক্ক্যেন গর্।

যাত্রা 14:16

তুই তর্‌ লুদিক্কো তুলি নেযা আর বড়গাঙ উগুরে তর্‌ আত্তান্‌ বাড়েই দিইনে বড়গাঙানরে দ্বিভাগ গর্‌। সেক্কে বড়গাঙ ভিদিরে শুগুনো জাগার্‌ উগুরেদি ইস্রায়েলীয়গুনে আঢি যেবাক্‌।

যিশাইয় 10:24

সেনত্তে বেগত্তুন্ খেমতাবলা প্রভু লগেপ্রভু কোইয়্যেদে, “ও মঅ মানুচ্চুন্, তুমি যিগুনে সিয়োনত্ থাগঅ, যুনিয়ো আসিরিয়গুনে মিসর দেজ ধোক্ক্যেন্ গুরি তমারে লুদিক্কোই পিদোন্ আর তমা বিরুদ্ধে গদা তুলোন্ তো তুমি তারারে ন-দোরেবা।

যিশাইয় 11:16

মিসরত্তুন্ নিগিলি এবার্ অক্তত্ যেবাবোত্যে ইস্রায়েলীয়গুনোত্তে এক্কান্ পথ ওইয়্যে সেবাবোত্যে তার্ বাঁজি থেইয়্যে মানুচ্চুনোত্তে আসিরিয়াত্তুন্ এক্কান রাজপথ অবঅ।

যিশাইয় 30:30

লগেপ্রভু জদবদে রাগ্, পুড়ি ফেলাইদ্যে আগুন, অমকদ ঝড় আর শিল পড়ানার্ মাধ্যমে তার্ খেমতাবলা রবো মানুচ্চুনোরে শুনেব আর তা সাজা দিবার্ আঢ্‌‍‌তান দেগেব।

যিশাইয় 30:31

লগেপ্রভুর্ রবোলোই আসিরিয়াগান্ ভাঙি পুরিবো; তা লুদিক্কোলোই তে আসিরিয়গুনোরে আঘাত্ গুরিবো।

যিশাইয় 30:32

লগেপ্রভু তারা লগে যুদ্ধো গুরিবার অক্তত্ যেক্কে তার্ নেযেয়্যে লুদিক্কো তারা উগুরে আঘাত্ গুরিবো সেক্কে ঝোন্‌জোনি আর বীণা বাঁজিবো।

যিশাইয় 9:3

তুই সেই জাদ্‌তোরে দাঙর্ গুরিবে‌ আর তারার্ হুজিগানি বাড়েই দিবে; খেত্-খেত্তি কাবিবার অক্তত্ মান্‌জ্যে যেধোক্ক্যেন্ ফুত্তি গরন্, লুদেয়্যে মাল ভাগ্ গুরিবার অক্তত্ যেধোক্ক্যেন্ ফুত্তি গরন্, সেধোক্ক্যেন্ গুরি তারা তঅ মুজুঙোত্ ফুত্তি গুরিবাক্।

যিশাইয় 9:4

মিদিয়নর্ উদি যেবার্ দিন্নোত্ যেধোক্ক্যেন্ তুই গোজ্যস্, সেধোক্ক্যেন্ গুরি তুই চুর্‌‌মার্ গুরি দিবে সেই জুঙোলান্, যিয়েন তারা উগুরে গুয়োর্ ওই আঘে, সেই লুদিক্কো, যিবে তারারে আঘাত্ গরে, সেই জাদ্‌তো, যে তারা উগুরে অত্যেচার্ গরে।

ফগদাং পেইয়্যে 11:18

বেক্‌ জাদ্‌তুনে রাগ গোজ্জ্যন্, আর তর্ রাগ ফগদাং গুরিবার সময় ওইয়্যে। মরাগুনোরে বিচের্ গুরিবার সময় এচ্চ্যে, আর তর্ চাগরুনোর্, অত্তাৎ ভাববাদীগুনোর আর তঅ মানুচ্চুনোর আর চিগোন-দাঙর্ যিগুনে তরে ভোক্তি গরন্ তারারে বক্‌শিজ্ দিবার সময় এচ্চ্যে। ইয়েনিবাদে যিগুনে পিত্‌থিমীর ক্ষোতি গোজ্জ্যন্, সিগুনোরে ভস্ত গুরিবার সময় এচ্চ্যে।”

ফগদাং পেইয়্যে 19:15

তে যেন বেক্‌ জাদ্‌‌তুনোরে আঘাত্ গুরি পারে সেনত্যে তা মুয়োত্তুন্ এক্কান ধারেয়্যে ছুরি নিগিলি এজের্। তে লুয়োর্ লুদিক্কোই বেক্‌ জাদ্‌‌তুনোরে শাসন গুরিবো আর আঙ্গুর মাড়িবার গাঢত্ তে আঙ্গুর টেঙোই মাড়িবো। এই আঙ্গুর মাড়িবার গাঢ্‌‌তো অলঅ বেগত্তুন্ খেমতাবলা গোজেনর্ দর্‌‌গরেপারা রাগ্‌‌কান।

বিচের গুরিয়্যেগুন 7:25

তারা ওরেব আর সেব নাঙে দ্বিজন মিদিয়নীয় নেতারে ধুরিলাক্‌ আর ওরেবরে শিলুনোর ইদু আর সেবকরে সেবর আংগুর মারিবার জাগায়ানত্‌ মারে ফেলেলাক্‌। তারা মিদিয়নীয়গুনোরে লোড়েই নেযেলাক্‌ আর ওরেব আর সেবর মাধাবো যর্দনর উইকুলোত্‌ গিদিয়োনর ইদু নেযেলাক্‌।