যিশাইয় 10:17 - Chakma Bible

¹⁷ ইস্রায়েল পহ্‌রান অবঅ আগুনো ধোক্ক্যেন্; তারার্ পবিত্র মানুচ্চো অবঅ এক্কান্ জিলো ধোক্ক্যেন্। সেই আগুনানে একদিনে তার বেক্ কাদা ঝুব্‌‌‌‌‌পুন আর কাদাগাজ্‌‌‌‌‌চুন পুড়ি ফেলেব।‌

যিশাইয় 10:17 ပူးပေါင်းရင်းမြစ်များ

গীতসংহিতা 18:8

তা নাগত্তুন্ ধূমোগান উগুরে উদিলো, তা মুয়োনত্তুন্ ভস্তগুরিয়্যে আগুনান্ নিগিলি এলঅ, তা মুয়ো আগুনান্ আঙারালোই জুলি উদিলো।

গীতসংহিতা 21:9

তর্ ফগদাং অবার্ অক্তত্ তুই তারারে তুলিবে ছুলোর্ ধোক্‌‌ধোক্যে আঙারা ধোক্ক্যেন। লগেপ্রভু রাগে তারারে গিলি ফেলেব, তা আগুনানে তারারে পুড়ি ফেলেব।

গীতসংহিতা 27:1

লগেপ্রভুই মর্ পহ্‌র্ আর মর্ উদ্ধোর গুরিয়্যে, মুই কারে দোরেম্? লগেপ্রভু মরে রোক্ষ্যে গুরিবো বেক্ দযানিত্তুন, মুই কনমতে ন দোরেম্।

গীতসংহিতা 50:3

আমা গোজেনে এজের্, তে মুয়োন খুলিবো; আগুনানে তার্ আগে আগে বেক্কানি জ্বালেইনে পুড়িনে দি দিবো; আর তার্ চেরোকিত্তে অমকদ ঝড় বেবঅ।

গীতসংহিতা 84:11

ঘেচ্চেক্‌গুরি গোজেন লগেপ্রভু বেলান আর ঢাল ধোক্ক্যেন; তে দোয়্যে আর বাঈনী দান গরে। যিগুনে গমেডালে চলন্ তারারে কনঅ গম জিনিস দেদে তে অস্বিগের ন-গরে।

গীতসংহিতা 97:3

তা আগ্‌মলিম আগুনানে যার্; সেই আগুনানে তা চেরোকিত্যে বেক শত্রুগুনোরে পুড়ি ফেলেয়্যে।

যিশাইয় 26:11

ও লগেপ্রভু, তঅ আঢ্‌‌তান তুই অজলত্ তুল্যচ্, মাত্তর্ তারা সিয়েন ন-দেগন্। তঅ মানুচ্চুনোত্তে তঅ আওজ্‌চান্ তারা দেগোদোক্ আর লাজাদোক্; আগুনানে তঅ শত্রুগুনোরে পুড়ি ফেলোক্।

যিশাইয় 27:4

তা উগুরে মর্ রাগ নেই। আহ্, কাদা ঝুব্‌পুনে আর কাদা ঝারানিয়ে যেন মঅ বিরুদ্ধে থিয়েইয়্যে!‍‍‍ সালে মুই তারারে টেঙোই উরিম্ আর সিয়েনি বেক্কানি পুড়ি ফেলেই দিম্।

যিশাইয় 27:7

ইস্রায়েলর্ আঘাত গুরিয়্যেগুনোরে যেধোক্ক্যেন্ গুরি লগেপ্রভু আঘাত গোজ্যে সেধোক্ক্যেন্ গুরি তে ইস্রায়েলরে আঘাত ন-গরে; যিগুনে তারে মারে ফেল্যন্ তারা ধোক্ক্যেন্ গুরি তে তারে মারে ন-ফেলায়।

যিশাইয় 30:33

তোফত ধোক্ক্যেন্ পুড়িবার জাগা বোউত্ আগেত্তুন্ ধুরি সাজেই রাগা ওইয়্যে; সিবে রাজাবোত্তে যুক্কোল্ গরা ওইয়্যে। সে জাগায়ান্ গভীন্ আর পাদাজ্যে গরা ওইয়্যে, আর সিয়েনত্ আগুনোত্তে বোউত্ দার্‌বো আঘে। লগেপ্রভুর্ নিজেচ্চো জোল্‌জোল্যে গন্ধগর্ গঙার ধোক্ক্যেন ওইনে সিয়েনত আগুন ধোরেই দিবো।‍‌‍‌

যিশাইয় 31:1

অভিশাব্ পোড়োক্ যিগুনে সাহায্যত্তে মিসরত্ যান! তারা দঅ ঘোড়া উগুরে নির্ভর গরন্ আর তারার্ ভালোক্কানি রথ উগুরে আর ঘোড়া মাউত্তুনোর্ খেমতা উগুরে বিশ্বেজ্ রাগান্, মাত্তর্ তারা ইস্রায়েলর সেই পবিত্র মানুচ্চো ইন্দি রিনি ন-চান বা লগেপ্রভু ইত্তুন্ সাহায্য ন-চান।

যিশাইয় 31:9

তারার্ রাজাবো দরে ধেই যেবঅ; তার সেনাপতিগুনে বাবতাগান্ দেগিনে অমকদ দোরেবাক্।” সিয়োনত্ যিবের আগুন আঘে, আর যিরূশালেমত্ আগেদে চুলো, সেই লগেপ্রভু এ কধাগান কোইয়্যে।

যিশাইয় 33:12

মানুচ্চুন অবাক্ পুড়ি ফেল্যে চিবিদি পাত্তর ধোক্ক্যেন আর কাবি ফেল্যে আগুন দিয়্যে কাদা ঝুবো ধোক্ক্যেন্।”

যিশাইয় 33:14

সিয়োনর পাপী মানুচ্চুনে অমকদ দোরেয়োন্; গোজেন উগুরে ভোক্তিনেইয়্যে মানুচ্চুনোর গির্‌গিরেনি ধোজ্যে। তারা কদন্, “আমা ভিদিরেত্তুন্ কন্না পুড়ি ফেলেয়্যে আগুনো সমারে থেই পারে? কন্না জনম্ ভরা জোল্যে আগুনো সমারে বজত্তি গুরি পারে?” ‌‌

যিশাইয় 37:23

তুই কারে অসর্মান্ গোজ্যস্? কা বিরুদ্ধে তুই অগমানর্ কধা কোইয়োচ্? তুই কা বিরুদ্ধে রঅ চাজ্যস্ আর বাড়্‌বো গুরিনে চোগেদি রিনি চেইয়োচ্? ইস্রায়েলর সেই পবিত্র মানুচ্চোর্ বিরুদ্ধে তুই ইয়েনি গোজ্যস্।

যিশাইয় 37:36

সে পরেদি লগেপ্রভুর দূত্‌তো নিগিলিনে আসিরিয়গুনোর্ তাম্বুলোর্ এক লাখ্ পাচাশি আজার্ মান্‌‌‌জ্যরে মারে ফেলেল। তার্ কেল্যে বেন্যে অক্তত্ মানুচ্চুনে যেক্কে উদিলাক্ সেক্কে দেগা গেলদে বেক জাগানিত্ বানা মরা মানুচ্।‌‍‌

যিশাইয় 47:14

তারা নাড়া ধোক্ক্যেন; আগুনানে সিয়েনিরে পুড়ি ফেলেব। তারা আগুনো খেমতার আঢত্তুন্ নিজোরে রোক্ষ্যে গুরি ন-পারন্। এ আগুনান এমন আঙারার্ আগুন নয় যিয়েনর মুজুঙোত্ বোইনে কনজনে আগুন পুয়োই পারন্ বা যিয়েনত্তুন্ পহ্‌র পেই পারন্। ‌‌‍

যিশাইয় 60:19

দিনো অক্তত্ বেলান পহ্‌র আর দরকার ন-অবঅ,‌‌‌‌‌‌‍‍ চানানর্ জোল্‌জোল্যে পহ্‌রান তর্ ন-লাগিবো,‌‌‌‌‌‌‍‍‌‌‌‌‌‌‍‍ কিত্তে লগেপ্রভুই অবঅ তর্ জিংকানিবরর্ পহ্‌‌‌‌‌‌‌‍র,‍ আর তর্ গোজেনে অবঅ তর্ সয়সাগোজ্যে।

যিশাইয় 66:24

তারা নিগিলিনে সেই বেক্ মানুচ্চুনোর মরা কিয়্যেগানি দেগিবাক্ যিগুনে মঅ বিরুদ্ধে উল্লোমী গোজ্যন। যিদুক্কুন পুগে তারার্ মরা কিয়্যেনি হান্ সিগুনে ন-মুরিবাক্ আর যে আগুনানে তারারে পুড়ে সিয়েন ন-মুরিবো, আর তারা বেক্ মানুচ্চুনোর ঈচ্ গরেদে মানুচ্ অবাক্।”

যিশাইয় 9:18

ঘেচ্চেক্‌গুরি পাজি কামানি আগুনো ধোক্ক্যেন্ জ্বলে, সিয়েনে কাদাঝুপ আর কাদাগাজ্ পুড়ি ফেলায়। সিয়েনে ঝারর্ বেক ঘন ঝুব্‌পুন জ্বালেই দে আর সেক্কে ধূমোগানে পাক্ হেই হেই উগুরে উদে।‌‌

যিরমিয় 4:4

ও যিহূদা আর যিরূশালেমর মানুচ্চুন, লগেপ্রভুর বাধ্য অবাত্তে তমার চুনুগুলোবোর্ মাঢাবোর্ চামান কাবঅ , অত্তাৎ তমা মন ভিদিরে কজরাগানি দূর্ গরঅ; সিয়েন ন-গুরিলে তমা ভান্ন্যেই কামানিত্তে মঅ রাগ্‌কান নিগিলিনে আগুনো ধোক্ক্যেন জুলি উদিবো, কনজনে সিয়েন মারেই ন-পারিবো।‍‌‍

যিরমিয় 7:20

সেনত্তে প্রভু লগেপ্রভু কোইয়্যেদে, “মর্ বেজার্ অনা আর রাগ এ জাগায়ান উগুরে, মানুচ্ আর এ্যামানুনো উগুরে, মাদর্ গাজপালা আর মাদি উগুরে গুলোগুলি উগুরে ঢালা অবঅ, আর সেই রাগ্‌কান জুলিবো, ন-মুরিবো।”

নহূম 1:10

তুমি মাদি ফেগঅ ভিদিরে দলামজা ওই যেবা আর মদ হেইনে মাত্তল্ অবা; তুমি নাড়া ধোক্ক্যেন পুড়ি যেবা।

সফনিয় 1:18

লগেপ্রভুর রাগর্ দিন্নোত্ তারার সনা-রূবোনিয়ো তারারে বাঁজেই ন-পারিবো। তা রিবেঙর্ জ্বালার্ আগুনে বেক্ দুনিয়েগান পুড়ি যেবঅ, কিত্যে পিত্‌‌‌‌‌থিমীত্ বজত্তি গুরিয়্যে বেক্কুনোরে তে ঝিমিদোত্ শেজ্ গুরি দিবো, অয়, জদবদে শেজ্ গুরি দিবো।

সখরিয় 12:6

সেদিন্যে যিহূদার নেতাগুনোরে মুই দার্‌‌‌‌‌‌বো কুড়ো ভিদিরে জ্বোল্‌‌‌‌‌‌‌জোল্যে আঙারা ধোক্ক্যেন আর শোজ্য বনা ভিদিরে জ্বোল্‌‌‌‌‌‌‌জোল্যে বম্বা ধোক্ক্যেন গুরিম। তারা ডেনে-বাঙে কায়কুরে বেক্ জাগায়ানি গজক্ গুরিবাক্, মাত্তর্ যিরূশালেম মানুচ্চুনে আরঅ তারার নিজো জাগানত্ বজত্তি গুরিবাক্।

গণাণা 16:35

ইন্দি যে দিশঅ পঞ্চাশজন মান্‌জ্যে পৌইরেগ্ উৎসর্ব গোজ্যন্‌ লগেপ্রভু ইত্তুন্‌ আগুন্‌ নিগিলি এইনে তারারে পুড়ি ফেলেল।

মথি লেখ্যে গম্ হবর্ 3:12

কুলোগান্ তা আঢত্ আঘে আর তার খেত্-খেত্তিগানি মাড়িবার জাগা তে গমে ডালে সাব্ গুরিবো। তে তার শোজ্যগানি তা গোলাঘরত্ থুবেব, মাত্তর্ যে আগুনান্ কনদিন্অ ন-মরে সে আগুনোত্ তুষ পুড়ি ফেলেব।”

দ্বি’লম্বর বিররণ 4:24

কিত্যে তমা গোজেন লগেপ্রভু অলদে বেক্কানি পুড়ি ফেলেই দিয়্যে আগুন; তার্‌ পাওনা ভোক্তি পৌইদ্যেনে তে অমকদ খুজি।

ইব্রীয় 12:29

আমা গোজেনে ভস্ত গুরিয়্যে আগুনো ধোক্ক্যেন।

ফগদাং পেইয়্যে 21:23

সেই শঅরানরে পহ্‌র দিবাত্যে বেলান্ বা চানানর্ কনঅ দরকার নেই, কিয়া গোজেনর্ মহিমাই সিয়েনত্ পহ্‌র দে আর ভেড়া-ছবো সিয়েনত্ চেরাগ;

ফগদাং পেইয়্যে 22:5

রেত্ আর ন-থেবঅ আর তারার্ আর চেরাগ পহ্‌র বা বেল পহ্‌রর্ দরকার ন-অবঅ, কিয়া প্রভু গোজেনে নিজেই তারার পহ্‌র অবঅ। তারা উমর্ সং রাজাগিরি গুরিবাক্।