যিশাইয় 1:8 - Chakma Bible

⁸ সিয়োন-ঝিবোরে এমন গুরিনে ফেলেই রাগা ওইয়্যে যেনে তে আংগুর খেদর্ চুগিদার-ঘর, যেন খিরে খেদর্ বাজেই-ঘর, যেন শত্রুলোই ঘিজ্যে এক্কান্ শঅর।

যিশাইয় 1:8 ပူးပေါင်းရင်းမြစ်များ

ইয়োব 27:18

তারার বানেয়্যে ঘরানি পুগো চারা ধোক্ক্যেন, সিগুন যেন চুগিদারুনোর আলগ্-ঘর।

গীতসংহিতা 9:14

যেনে সিয়োন্ শহরর্ গেদ্‌‌তুনোত্ মুই তর্ বাঈনী ফগদাং গুরি পারং, তর্ দিয়্যে উদ্ধোরান্ পেইনে ফুত্তি গুরি পারং।

যিশাইয় 1:7

তমা দেজ্‌ছান ভস্ত ওইনে পড়ি রোইয়্যে, শঅরানি আগুন্দোই পুড়ি দিয়্যে ওইয়্যে। তমার্ বেক্ খেত-খেত্তিগানি তমা চোগো মুজুঙোত্ বিদেশিগুনে লুদেয়োন্; বিদেশিগুনে দেজ্‌ছান ভস্ত ওইয়্যে জাগা গুরি রাগেয়োন।

যিশাইয় 1:9

বেগত্তুন্ খেমতাবলা লগেপ্রভু আমাত্তে যুনি কয়েক জনরে জেদা ন-রাগেদ সালে আমা অবস্থা সদোম আর ঘমোরা শঅর ধোক্ক্যেন্ অদঅ।

যিশাইয় 10:32

এচ্চ্যে আসিরিয়গুনে নোবত্ যেইনে থামেবাক্; তারা সিয়োন-ঝিবোর মুড়োবো ইদু, অত্তাৎ যিরূশালেম মুড়োবো ইন্দি ঘুষি বাগাদন্।

যিশাইয় 29:3

মুই তঅ চেরোকিত্তে তঅ বিরুদ্ধে তাম্বুল ফেলেম্, তাম্বুল ঘর্ তুলিনে তরে ঘিরিম্, আর তঅ বিরুদ্ধে অজল্ গুরি বিদে বানেম্।

যিশাইয় 30:17

একজন দরে তমাত্তুন্ আজার্ জন ধেই যেবাক্ আর পাচজন দরে তুমি বেক্কুনে ধেই যেবা; সেক্কে তমা সৈন্যদলত্ মুড়োবো উগুরে বাবতা খুদোবো বাদে আর কিচ্ছু ন-থেবঅ।

যিশাইয় 37:22

ইয়েনত্তে তা বিরুদ্ধে লগেপ্রভু এ কধাগান কোইয়্যে, গাবুজ্যে মিলে সিয়োনে তরে ঈচ্ গুরিবো আর ঠাট্টা-মশ্‌‌কারী গুরিবো। যিরূশালেমর মানুচ্চুনে তঅ পিজেন্দিত্তুন্ মাঢাবো লাড়েবাক্।

যিশাইয় 37:4

আসিরিয়ার্ রাজা জেদা গোজেনরে ঠাট্টা-মশ্‌‌‌কারি গুরিবাত্তে রব্‌শাকিরে পাদেয়্যে, মাত্তর্ তর্ গোজেন লগেপ্রভু অয়ত সে কধানি শুনিনে তারে সাজা দিবো। সেনত্তে যিগুনে এজঅ বাঁজি আগন্ তারাত্তে তুই তবনা গর্।”

যিশাইয় 4:4

প্রভু তা আত্মালোই আগুন্ দিইনে দোল্ বিচের গুরিনে সিয়োন মিলেগুনোর্ কজরাগানি কাজেব আর যিরূশালেমত্তুন্ লো ঝরানার্ দাগ্‌কানি দূর্ গুরি দিবো।

যিশাইয় 49:21

সেক্কে তুই মনে মনে কবে, ‘ইগুনোরে কন্না মত্তে জর্ম দিয়্যে? মুই পুয়ো-ছাগুনোরে আরেইনে ভাজ ধোক্ক্যেন ওইয়োং; মরে যেন দূর গুরি দিয়্যে ওইয়্যে, মুই যেন ধেই ধেই বেড়াঙর্। সালে কন্না ইগুনোরে পালেয়্যে? মাত্তর্ ইগুনে? ইগুনে কুত্তুন এচ্চোন্?’ ”

যিশাইয় 62:11

লগেপ্রভু পিত্‌থিমীর শেজ্ দুযি সং ফগদাং গোজ্যে, “সিয়োন-মিলেবোরে কঅ, ‘চাহ্, তঅ উদ্ধোর্ গুরিয়্যেবো এজের্। চাহ্, তে যে বক্‌‌শিজ্‌‌চান পেইয়্যে সিয়েন তা সমারে আঘে; তার পাওনাগান তা ইদু আঘে।’ ”

যিশাইয় 8:8

আর সিয়েন যিহূদা দেজ ভিদিরে জোড়ে এইনে পুরিবো আর উদুরে উদিনে গত্তনা সং বাড়িবো। ও ইম্মানূয়েল, আসিরিয়ার রাজা তা মেল্যে ডুয়োগানিলোই তঅ পুরো দেজ্‌ছান নাঢি ফেলেব।

যিরমিয় 4:17

খেদ চুগিদার ধোক্ক্যেন তারা যিরূশালেমরে ঘিরি রাগেবাক্, কিত্তে তে মঅ বিরুদ্ধে উল্লোমি গোজ্যে। মুই লগেপ্রভু এ কধাগান কঙর্।

যিরমিয় 6:2

দোল্ আর আরামে থেইয়্যে সিয়োন-ঝিবোরে মুই ভস্ত গুরিম।

আবিলেচ্ 2:1

হায়, লগেপ্রভু কিবাবোত্যেগুরি তার্ রাগে সিয়োন-ঝিবোরে আন্ধারত্ ঢাগি ফেলেয়্যে! ইস্রায়েলর সয়সাগোজ্যেগানি তে আগাজত্তুন্ পিত্‌‌থিমীত্ ফেলেই দিয়্যে। তার্ রাগ্ উঠ্যেদে দিন্নোত্ তা টেঙানি রাগেবার জাগায়ানরে তে ইদোত্ ন-রাগায়।

আবিলেচ্ 2:6

তে বাগান গাজ ধোক্ক্যেন্‌গুরি তার থেবার জাগায়ানরে উগুরে ফেলেয়্যে; ভস্ত গুরি দিয়্যে তার নিদ্দিষ্ট এগত্তর্ অইদ্যে জাগায়ানরে। লগেপ্রভু সিয়োনরে তার বেক্ পরব্ আর জিরেবার দিন্নো কধানি ভুলেই দিয়্যে; দর্‌গরেপারা রাগে রাজারে আর ধর্মগুরুবোরে তে এলাফেলা গোজ্যে।

সখরিয় 2:10

লগেপ্রভু কত্তে, “ও সিয়োন-ঝিবো, ফুত্তি গুরিনে গান গাহ্ আর হুজি অ, কিত্যে মুই এজঙর্, আর মুই তমাইদু বজত্তি গুরিম।

সখরিয় 9:9

“ও সিয়োন-ঝিবো, অমকদ ফুত্তি গর্। ও যিরূশালেম, তুই জয় ধুনি দে। চাহ্, তঅ রাজাবো তইদু এজের্; তে ন্যায়বলা আর তাইদু উদ্বোর্ আঘে; তে নম্র, তে গাধা উগুরে, গাধী ছঅ উগুরে চড়িনে এজের্।

যোহন 12:15

ও সিয়োন-ঝিবো, ন-দোরেচ্। রিনি চাহ্, তর্ রাজাবো গাধা ছঅ উগুরে চরিনে এজের্।