যিশাইয় 1:1 - Chakma Bible

¹ যিহূদা দেজর্ রাজা উষিয়, যোথম, আহস আর হিষ্কিয়র রাজাগিরির্ সময়োত আমোসর পুয়ো যিশাইয় যিহূদা আর যিরূশালেম পৌইদ্যেনে যে দর্শনান্ পেইয়্যে সে পৌইদ্যেনে ইয়েনত্ লেগা আঘে।

যিশাইয় 1:1 ပူးပေါင်းရင်းမြစ်များ

২ রাজাবলী 15:1

ইস্রায়েলর রাজা যারবিয়ামর রাজাগিরির্‌ সাদেশ্‌ বজর্‌ বয়জত্‌ যিহূদার রাজা অমৎসিয়োর্‌ পুয়ো অসরিয় রাজাগিরি গরানা আরাম্ভ গুরিলো।

২ রাজাবলী 15:13

যিহূদার রাজা উষিয়ের, অত্তাৎ অসরিয়ের রাজাগিরির ঊনচোল্লিশ বজরত্‌ যাবেশের পুয়ো শল্লুম রাজা অলঅ আর শমরিয়াত্‌ এক মাস রাজাগিরি গুরিলো।

২ রাজাবলী 15:32

রমলিয়োর পুয়ো ইস্রায়েলর রাজা পেকহর রাজাগিরির দ্বিবজরত্‌ যিহূদার রাজা উষিয়োর পুয়ো যোথমে রাজাগিরি গরানা আরাম্ভ গুরিলো।

২ রাজাবলী 15:7

পরেন্দি অসরিয় তার পূরোণি মানুচ্চুনোর্‌ ইদু গেলগোই আর তারে দায়ূদ-শঅরত্‌ তা পূরোণি মানুচ্চুনোর লগে গোর্ দিয়্যে অলঅ। তা জাগানত্‌ তা পুয়ো যোথমে রাজা অলঅ।

২ রাজাবলী 18:1

এলার্ পুয়ো ইস্রায়েলর রাজা হোশেয়র রাজাগিরি তিন বজরত্‌ যিহূদার রাজা আহসর পুয়ো হিষ্কিয় রাজাগিরি গরানা আরাম্ভ গুরিলো।

২ রাজাবলী 19:2

তে রাজঘরর্‌ পরিচালক ইলিয়াকীম, রাজার লিগিয়্যে শিব্‌ন আর ধর্মগুরু-নেতাগুনোরে বস্তার্‌ সিলুম্‌ উজ্যে অবস্থায় আমোসর পুয়ো ভাববাদী যিশাইয়ো ইদু পাধেই দিলো।

২ বংশধর 26:1

সে পরেন্দি যিহূদার বেক্‌ মানুচ্চুনে উষিয়রে তা বাপ্পো অমৎসিয় জাগানত্‌ রাজা বানেলাক্‌। সেক্কে তা বয়জসান্‌ এলদে ষুলো বজর্‌।

২ বংশধর 26:22

উষিয়র অন্য বেক্‌ কামর্‌ কধানি পৌইল্যাত্তুন্‌ ধুরি থুম্‌ সং আমোসর পুয়ো ভাববাদী যিশাইয় লিগি রাগেয়্যে।

২ বংশধর 27:1

যোথমে পোশোজ্‌ বজর বয়জত্‌ রাজা ওইয়্যে আর যিরূশালেমত্‌ ষুলো বজর্‌ রাজাগিরি গোজ্যে। তা মাবোর্‌ নাঙান্‌ অলদে যিরূশা; তে অলদে সাদোকর ঝি।

২ বংশধর 28:1

আহসে কুড়ি বজর্‌ বয়সত্‌ রাজা ওইয়্যে আর যিরূশালেমত্‌ ষুলো বজর্‌ রাজাগিরি গোজ্যে। তার্‌ পূরোণি মানুচ্‌ দায়ূদে যেন্‌ লগেপ্রভুর চোগেন্দি যিয়েনি গম্‌ সিয়েনি গুরিদো তে সেধোক্ক্যেন ন-গুরিদো।

২ বংশধর 29:33

উৎসর্বত্তে যিদুক্কুন্‌ এ্যামান্ যুদো গুরি রাগা ওইয়্যে সিগুন্‌ অলাক্কে ছয়শঅ বলদ গোরু আর তিন আজার ছাগল-ভেড়া।

গীতসংহিতা 89:19

একপল্লা তুই দর্শন দিইনে তর্ ভক্তগুনোরে কোইয়োচ্, মুই এক্কো বীরোরে সাহায্য গোজ্যং; মানুচ্চুনো ভিদিরেত্তুন একজনরে বেঈ নেযেইনে অজলত্ তুল্যং।

যিশাইয় 13:1

আমোস পুয়ো যিশাইয় বাবিল পৌইদ্যেনে দর্শন পেইয়্যে।

যিশাইয় 2:1

যিহূদা আর যিরূশালেম পৌইদ্যেনে আমোসর পুয়ো যিশাইয় যিয়েনি দেখ্যে সিয়েনি অলঅ:

যিশাইয় 20:2

যে বজর তে আক্রমন গোজ্যে সে বজরত্ লগেপ্রভু আমোসর পুয়ো যিশাইয়রে কোইয়্যেদে, “তঅ কিয়্যেগানত্তুন্ বস্তা পাদা আর টেঙত্তুন্ জদা খুলি ফেলা।” সেনে যিশায়ই লাংটা ওইনে সুদো টেঙোই ঘুরি বেড়া ধুরিলো।

যিশাইয় 21:2

এক্কান দর্‌গরেপারা দর্শন মরে দেগা ওইয়্যে-বেঈমান্নো বেঈমানি গোজ্যে, আর লুদেয়্যেবো লুদেয়্যে। ও এলম, আক্রমণ গর্; মাদিয়া, ঘিরি ফেলা। বাবিলে যেদক্কানি দুঘ্-কষ্ট ঘোদেয়্যে সিয়েন মুই বন্ধ গুরি দিম্।

যিশাইয় 37:2

তে রাজঘরর্ পরিচালক ইলিয়াকীম, রাজার লিগিয়্যে শিব্‌‌‍‍‍ন আর ধর্মগুরু-নেতাগুনোর বস্তাপাদা পিন্যে অবস্থায় আমোসর পুয়ো ভাববাদী যিশাইয় ইদু পাধেই দিলো।

যিশাইয় 38:1

সে অক্তত্ হিষ্কিয় অসুগ্ ওইনে মরেদে ধোক্ক্যেন্ ওইয়্যে। সেক্কে আমোসর পুয়ো ভাববাদী যিশাইয় তাইদু যেইনে কলঅ, “লগেপ্রভু কোইয়্যেদে, তুই যেন তঅ ঘরানর্ বেবস্থা গুরি রাগাজ্, কিত্তে তুই মুরি যেবে, গম্ ন-অবে।”

যিশাইয় 40:9

ও সিয়োন, গম্ হবর্ তুই যে আন্যস্, তুই অজল্ মুড়োবোত্ যেইনে উঠ্। ও যিরূশালেম, গম্ হবর্ যে তুই আন্যস্, তুই দাঙর্ দাঙর্ গুরি রঅ ছাড়্, রঅ ছাড়্, ন-দোরেচ্; যিহূদার শঅরানিরে কঅ, “এইদঅ তমার গোজেন!”

যিশাইয় 6:1

যে বজরত্ রাজা উষিয় মুরি গেলঅ সে বজরত্ মুই দেগিলুং প্রভু অমকদ অজল্ এক্কান সিংহাসনত্ বজি আঘে। তা রাজ্-পোজাগর্ তলে কট্টাগান্দোই উবোসনা-ঘরান্ ভর্‌পুনোং এলঅ।

যিশাইয় 7:1

উষিয়র্ নাদিন্, অত্তাৎ যোথম পুয়ো আহসে যেক্কে যিহূদা দেজর্ রাজা অলঅ সেক্কে অরামর্ রাজা রৎসীন ইস্রায়েলর রাজা রমলিয়র পুয়ো পেকহকরে লগে নেযেইনে যিরূশালেম বিরুদ্ধে যুদ্ধো গুরিবাত্তে গেলঅ, মাত্তর্ তারা সিয়েন জিদি ন-পারিলাক্।

যিরমিয় 23:16

বেগত্তুন খেমতাবলা লগেপ্রভু কোইয়্যেদে, “ভাববাদীগুনে যে কধা কদন সিয়েনি তুমি ন-শুন্য; তারা তমা মনত্ মিজে আশা জাগেয়োন। তারা লগেপ্রভুর মুয়োত্তুন শুনিনে কধা ন-কন বরং নিজোর মনেমনজক্কা দর্শনর কধা কন।

যিহিষ্কেল 1:1

ত্রিশ বজরর্ চের্ মাজর্ পাচ্ দিনোত্ মুই যেক্কে কবার গাঙ পারত্ বন্দীগুনো ভিদিরে এলুং সেক্কে আগাজ্‌‌‌চান খুলি গেলঅ আর মুই গোজেনর দর্শন পেলুং।

হোশেয় 1:1

যিহূদার রাজা উষিয়, যোথম, আহস আর হিষ্কিয়র রাজাগিরির্ সময়োত্ আর ইস্রায়েলর রাজা যোয়াশর পুয়ো যারবিয়ামর সময়োত্ বেরির পুয়ো হোশেয় ইধু লগেপ্রভুর কধানি ফগদাং অলঅ।

আমোষ 1:1

তকোয়র গরগ্‌‌কুনো ভিদিরে আমোষে অলদে এক্কো। সেক্কে যিহূদার রাজা এলদে উষিয় আর ইস্রায়েলর রাজা এলদে যিহোয়াশর পুয়ো যারবিয়াম। ভূজোলর্ দ্বিবজর্ আগে ইস্রায়েল পৌইদ্যেনে গোজেন আমোষরে যিয়েনি দেগেয়্যে সিয়েনি তে কোইয়্যে।

আমোষ 4:5

তুমি ভালেদির্ উৎসর্ব ইজেবে সদা দিয়্যে রুটি দুয়ো আর তমা নিজো আওজে দিয়্যে উৎসর্বর জিনিস্‌‌চানিলোই বাড়্‌বো গরঅ, কিত্যে ও ইস্রায়েলীয়গুন, তুমি দঅ সিয়েন গুরিবাত্তে গম্‌‌ পঅ। মুই প্রভু লগেপ্রভু এ কধাগান কঙর্।

মীখা 1:1

যিহূদার রাজা যোথম, আহস আর হিষ্কিয়র রাজাগিরির সময়োত্ মোরেষৎ আদামর মীখা ইধু শমরিয়া আর যিরূশালেম পৌইদ্যেনে লগেপ্রভুর কধানি দর্শনর মাধ্যমে ফগদাং অলঅ।

নহূম 1:1

নীনবী পৌইদ্যেনে লগেপ্রভুর কধা। ইল্‌কোশ আদামর নহূমে যে দর্শনান্ পেইয়্যে সিয়েন ইয়েনত্ লেগা আঘে।

হবক্‌‌‌‌কূক 2:2

সেক্কে জোবত্ লগেপ্রভু কলঅ, এ দর্শনানর কধাগান লেগ্ আর পাত্তর ফলগ উগুরে খুনিনেই গমেডালে গর্ যেনে সিয়েন সহজে পড়া যায়,‌

গণাণা 24:16

যে মানুচ্চো গোজেনর্‌ কধানি শুন্যে আর দাঙর্‌ গোজেনর্‌ ইত্তুন্‌ জ্ঞান পার্‌, যে বেগত্তুন্ খেমতাবলা গোজেনর্‌ দিয়্যে জ্ঞানান্ দেখ্যে, যে মাদি উগুরে আদু পাড়িনে পোজ্যে, আর যিবের্‌ চোগো পাদা খুলি যেইয়্যে, তে এই কধাগান কত্তে:

গণাণা 24:4

যে মানুচ্চো গোজেনর্‌ কধা শুন্যে আর গোজেনর্‌ দিয়্যে জ্ঞ্যানান্ দেখ্যে, যে মাদি উগুরে আদু পাড়িনে পোজ্যে আর যিবের্‌ চোগো পাদাগান মেলা যেইয়্যে,

মথি লেখ্যে গম্ হবর্ 17:9

যেক্কে তারা সেই মুড়োবোত্তুন্ লামি এত্তন্ সেক্কে যীশু তারারে এ উগুমান দিলো, “তুমি যিয়েন্ দেগিলে, মান্‌জ্যপুয়োবো মরণত্তুন্ জেঈ ন-উদোনা সং সিয়েন কাররে ন-কোইয়ো।”

প্রেরিত্‌ 10:17

যে দর্শন পিতরে পেইয়্যে সিয়েনর্ অত্ত কি ওই পারে সিয়েন তে সেক্কেয়ো চিন্তে গরের্; এমন্ সময় কর্ণীলিয়র্ পাধেয়্যে মানুচ্চুনে শিমোন ঘরান্ তোগেই পেইনে গেদো মুজুঙোত্ এইনে থিয়েলাক্।

প্রেরিত্‌ 26:19

রাজা আগ্রিপ্প, ইয়েনত্যে স্বর্গত্তুন্ এ দর্শনর্ মাধ্যমে মরে যিয়েনি কুয়ো ওইয়্যে সিয়েনির অবাধ্য মুই ন-অং।

২ করিন্হীয় 12:1

মত্তুন্ আরঅ এক্কেনা দেমাগ্ দেগা পরের্। যুনিয়ো সিয়েনত্ কনঅ লাভ নেই তো প্রভু যেদক্কানি দর্শন মরে দেগেয়্যে আর যিয়েনি মইধু ফগদাং গোজ্জ্যে সে পৌইদ্যেনে মুই ইক্কিনে কোম্।

২ পিতর 1:21

কিয়া ভাববাদীগুনে তারার্ আওজ্ মজিম কনঅ কধা ন-কন্; পবিত্র আত্মালোই পরিচালিত ওইনে তারা গোজেনর্ দিয়্যে কধানি কোইয়োন।