হোশেয় 9:15 - Chakma Bible

¹⁵ লগেপ্রভু কত্তে, “গিল্‌গলে তারা তারার্ পাজিগানি আরাম্ভ গোজ্যন, আর সিদু মুই তারারে ঈচ্ গরা ধুরিলুং। তারার্ পাপত্তে মঅ মানুচ্চুনো ভিদিরেত্তুন্ মুই তারারে ধাবেইনে নিগিলে দিম। মুই তারারে আর কোচ্‌‌ ন-পেইম্; তারার্ নেতাগুন বেক্কুন্ উল্লোমী।

হোশেয় 9:15 ပူးပေါင်းရင်းမြစ်များ

গীতসংহিতা 78:60

শীলোত তার যে থেবার-তাম্বুলান এলঅ সিয়েন তে ছাড়ি দিলো; ইয়েন সে তাম্বুলান যিয়েন তে মান্‌জ্য ইদু থিদেবর্ গোজ্যে।

যিশাইয় 1:23

তর্ শাজন্‌গুরিয়্যেগুন্ উল্লোমী আর চুরুনোর্ সমাজ্যে; তারা বেক্কুনে ঘুষ্ আর বক্‌শিজ্ পেবাত্তে চান্। তারা মা-বাপ নেইয়্যেগুনোর্ তপ্পে ন-থান্ আর রানিমিলেগুনোর্ মগদ্দমাগানি তারা ইদু জাগা ন-পায়।

যিরমিয় 11:15

“মঅ ঘরত্ মর্ কোচ্‌‍‍‌পেইয়্যে মানুচ্চুনোর কি অধিকার আঘে? তারা দঅ বোউত্ ভান্ন্যেই কাম্ গোজ্যন, এন্ কি, তারা মঅ নাঙে উৎসর্ব গোজ্যে য়েরানি তারাত্তুন সোরেই ফেলান। ও অন্যেয়গুরিয়্যেগুন, যেক্কে দজা তমা উগুরে এবঅ সেক্কেয়ো কি তুমি ফুত্তি গুরিবা?”

যিরমিয় 12:8

মঅ সোম্বোত্তিগান মইধু ঝার সিংহ ধোক্ক্যেন ওইয়্যে। তে মরে দেগিনে গুজুরি উঠ্যে, সেনত্তে মুই তারে ঈচ্ গরং।

যিরমিয় 15:1

সেক্কে লগেপ্রভু মরে কলঅ, “মোশি আর শমূয়েলেয়ো যুনি মঅ মুজুঙোত্ এইনে থিয়্যেই তো মঅ মনান এ মানুচ্চুনোত্তে নরম ন-অবঅ। মঅ মুজুঙোত্তুন তুই ইগুনোরে বিদেয় গর্; তারা যাদোক্কোই।

যিরমিয় 3:8

ভান্ন্যেই পধেদি যেইয়্যে ইস্রায়েলরে মুই ছুড়্ কাগোজ্ দুয়োং আর তার বেক্ বেশ্যেমি কামানিত্তে তারে দূর্ গুরি দুয়োং। মাত্তর্ মুই দেগিলুং তার অবিশ্বেজি বোন যিহূদার কনঅ দর্ নেই; তেয়ো যেইনে বেশ্যেমি গুরিলো।

যিরমিয় 5:5

সেনত্তে মুই নেতাগুনো ইধু যেইনে তারা লগে কধা কোম্; হামাক্কায় তারা লগেপ্রভুর পথ্‌তান আর গোজেনর সুদোমানি হবর্ পান।” মাত্তর্ তারায়ো এক সমারে জুঙোল্ ভাঙিনে বান্ন্যেগান্ ছিনি ফেল্যন।

যিহিষ্কেল 22:27

হোক্ক্যে বাঘে যেবাবোত্যেগুরি শিগের্ গরন সেবাবোত্যেগুরি সিদুগোর্ রাজার চাগরুনে লো ঝরান্ আর অন্যেয় গুরি পেবাত্তে মানুচ্ খুন গরন্।

যিহিষ্কেল 23:18

তে খুলোমেলাগুরিনে যেক্কে তার বেশ্যেগিরি চালা ধুরিলো আর তার্ লাংটা-বাংটাগান ফগদাং গুরিলো সেক্কে মুই তারে ঈচ্ গুরিলুং, যেবাবোত্যে মুই তা বোন্নোরে ঈচ্ গোজ্যং।

হোশেয় 1:6

পরেদি গোমরে আরঅ পিদিলী অলঅ সেক্কে তার এক্কো ঝি অলঅ। সেক্কে লগেপ্রভু হোশেয়রে কলঅ, “তুই ঝিবোর্ নাঙান্ লো-রুহামা রাগা (যিয়্যেনর ভেদ্‌তান্ ‘দোয়্যে ন-পেইয়্যে’), কিত্যে ইস্রায়েল মানুচ্চুনোরে আর মুই দোয়্যে ন-গুরিম, কনঅ বাবদে তারারে খেমা ন-গুরিম।

হোশেয় 1:9

সেক্কে লগেপ্রভু কলঅ, তুই তা নাঙান্ লো-অম্মি রাগা (যিয়েনর্ ভেদ্‌তান্ মঅ মানুচ্ নয়), কিয়া তুমি মঅ মানুচ্ নয় আর মুইয়ো তমার গোজেন নয়।

হোশেয় 12:11

গিলিয়দ ভান্ন্যেয় কামে ভরা, তা মানুচ্চুনে অপদাত্ত। তারা গিল্‌গলত্ বোউত বলদ উৎসর্ব গরন্। তারার্ পূজোগুন চাজ্ গোজ্যে ভূইয়োত্ পাত্তর কুড়ো ধোক্ক্যেন বোউত্।

হোশেয় 12:2

যিহূদার বিরুদ্ধে লগেপ্রভুর এক্কান আবিত্তি আঘে; যাকোবর আচার-বেবহার মজিম্ তে তারে সাজা দিবো আর তার্ কাম মজিম্ ফল দিবো।

হোশেয় 3:4

ঠিগ্ এবাবোত্যেগুরি ইস্রায়েলীয়গুনে ভালোক্ দিন সং রাজা, নেতা, উৎসর্বর অনুষ্ঠান, পূজোর্ পাত্তর্, এফোদ আর মূত্তি ছাড়া থেবাক্।

হোশেয় 4:15

“ও ইস্রায়েল, তুই যুনিয়ো বেভিচের্ গরর্ তো যিহূদা যেন একই দুষে দুষী ন-অয়। তুমি গিল্‌‌‌‌গলত্ ন-যেইয়ো; বৈৎ-আবনে ইধু ন-যেয়ো; ‘জেদা লগেপ্রভুর নাঙে’ শমক্ ন-গোজ্য।

হোশেয় 4:9

যেবাবোত্যেগুরি মানুচ্চুনোরে সেবাবোত্যে ধর্মগুরুগুনোরেয়ো সাজা দিয়্যে অবঅ; তারার্ আচার-বেবহারত্তে তারারে বেক্কুনোরে মুই সাজা দিম আর তারার্ কাম মজিম্ ফল দিম।

হোশেয় 7:2

মাত্তর্ তারা ন-বুঝোন্, তারার্ বেক অন্যেয় কামানি মুই ইদোত্ রাগাং। তারার পাপ্‌‌‌‌‌‌পানিয়ে পুরোপুরি গুরিনে তারারে ঘিরি রাগেয়্যে; সিয়েনি নিত্য মঅ মুজুঙোত্ রোইয়্যে।

হোশেয় 9:17

মর্ গোজেনে তারারে এলাফেলা গুরিবো, কিত্যে তারা তার্ বাধ্য ন-অন্; তারা নানান্ জাদ ভিদিরে ঘুরি বেড়েবাক্।

হোশেয় 9:3

তারা লগেপ্রভুর দেজত্ ন-থেবাক্; ইফ্রয়িমে মিসরত্ ফিরি যেবঅ আর আসিরিয়ার অসিজি হানা হেবঅ।

লেবীয় 26:30

মুই তমার পূজোর উজু জাগায়ানি শেজ্ গুরি দিম, পৌইরেক-পূজো ভাঙি ফেলেম আর তমার পরাণ নেইয়্যে দেব-দেবীগুনো উগুরে তমার মরাকিয়্যেগানি ফেলেই দিম, আর মুই তমারে অমকদ ঘিনাইদে চোগোন্দি চেইম্‌।

আমোষ 4:4

তুমি যেক্কে বৈথেলত্ যেইনে পাপ গুরিবাত্তে চর্ সেক্কে যঅ, পাপ গরঅ; গিল্‌‌‌গলত্ যেইনে আরঅ বেশ্ গুরি গরঅ। পত্তিদিন বেন্যেমাদান্ তমা উৎসর্বর জিনস্‌চানি আর পত্তি তিন দিনোর্ দিন তমা দশ ভাগর্ এক ভাগ জিনিস নেযঅ।‌‌‌‌

আমোষ 5:27

সেনত্তে মুই দামেস্কর উই পারত্ বন্দী ইজেবে তমারে পাধেই দিম। মুই বেগত্তুন্ খেমতাবলা গোজেন লগেপ্রভু এ কধাগান কঙর্।”

আমোষ 5:5

তুমি বৈথেলত্ বা গিল্‌‌গলত্ বা বের্-শেবাত্ ন-যেয়ো, কিত্যে গিল্‌‌গল মানুচ্চুনে হামাক্কায় বন্দী ওইনে অন্য দেজত্ যেবাক্ আর বৈথেলর্ সর্বনাশ অবঅ।”

মীখা 3:11

সিদুগোর্ নেতাগুনে ঘুষ হেইনে বিচের্ গরন, ধর্মগুরুগুনে বেতন নিইনে শিক্ষ্যে দৈন্ আর ভাববাদীগুনে টেঙা নিইনে ভাগ্যগান গণান্। আর তো তারা লগেপ্রভুর সাহায্যর্ আজা গুরিনে কন্, “লগেপ্রভু কি আমা ভিদিরে নেই? আমা উগুরে কনঅ দযা ন-এবঅ।”

মীখা 6:5

ও মঅ মানুচ্চুন, মোয়াবর রাজা বালাক যে সল্লাগান গোজ্যে আর বিয়োরর পুয়ো বিলিয়মে কি জোব্ দিয়্যে সিয়েন ইদোত্ তুলি চঅ। শিটীমত্তুন্ গিল্‌‌‌‌‌‌‌‌‌‌‌‌গল সং তমার্ যানার্ কধা ইদোত্ তুলো যেনে তুমি মর্ উদ্ধোর্ গোজ্যে কামানি হবর্ পঅ।”

সফনিয় 3:3

তার রাজার্ কামগুরিয়্যেগুনে যেন গুজুরেদে সিংহ আর শাজন্‌গুরিয়্যেগুন সাজোন্যে অক্তত্ হোক্যে বাঘ; তারা বেন্যে মাদানত্তে কিচ্ছু ফেলেই ন-রাগান্।

সখরিয় 11:8

এক মাস ভিদিরে মুই তিনজন গরগরে দূর্ গুরি দিলুং। পরেদি সেই পাল্লো মরে ঈস্ গরা ধুরিলো আর মুইয়ো তারারে নিইনে বল্‌পোজ্যে ওই পুড়িলুং।

প্রেরিত্‌ 4:27

“তর্ পবিত্র চাগর্ যীশু, যিবেরে তুই মশীহ ইজেবে বেঈ লোইয়োচ্, রাজা হেরোদ আর পন্তীয় পীলাতে এ শঅরত্ তা বিরুদ্ধে অযিহূদীগুনো সমারে আর ইস্রায়েলীগুনো সমারে ঘেচ্চ্যেক্ গুরি আঢ্ মিলেয়োন।

প্রেরিত্‌ 5:21

তারা সেই কধা মজিম বেন্যে-পোত্যে উবোসনা-ঘরত্ সুমিনে মানুচ্চুনোরে শিক্ষ্যে দিয়্যে ধুরিলাক্। ইন্দি দাঙর্ ধর্মগুরু আর তা লগে সদ্দূকীগুনে বড়সভা ডাগিলাক্, অত্তাৎ ইস্রায়েলীয় বুড়ো নেতাগুনোর বেক্ দল্লোরে ডাগিলাক্। সে পরেদি তারা দিপাধেয়্যে প্রচারক্কুনোরে আনিবাত্যে কয়েক্কো চাগররে পাধেলাক্,

যিহোশূয় 10:43

ইয়েনর পরেন্দি যিহোশূয় বেক্‌ ইস্রায়েলীয়গুনোরে নিইনে গিল্‌গলর তাম্বুলোত্‌ ফিরি গেলঅ‌।

১ শমূয়েল 7:16

তে পত্তি বজর্‌ বৈথেল, গিল্‌গল আর মিস্পাতদ্‌ যেইনে ইস্রায়েলীয়গুনোরে শাজন্ গুরিদো।