হোশেয় 9:13 - Chakma Bible

¹³ ইফ্রয়িমরে মুই সোর ধোক্ক্যেন দোল্ জাগাত্ লাগেয়্যে দেখ্যং। মাত্তর্ ইফ্রয়িমে তা পুয়ো-ছাগুনোরে নিগিলেনে নেযেব তাইদু যে তারারে মারে ফেলেব।”

হোশেয় 9:13 ပူးပေါင်းရင်းမြစ်များ

২ রাজাবলী 15:16

যেরেন্দি মনহেমে তির্সাত্তুন্‌ নিগিলিনে তিপ্‌সহ শঅর্‌ আর সিদুগোর্‌ আদাম্মেগুনোরে আর তা চেরোকিত্তে চাগালার্‌ বেক্কুনোরে আক্রমণ গুরিলো, কিত্তে তারা তারার্‌ শঅর্‌-গেট্টো খুলি দিবাত্তে রাজী ন-অন্‌। সেনত্তে তে তিপ্‌সহ ভস্ত গুরিলো আর বেক্‌ পিদিলী মিলেগুনো পেট্টুন্‌ ফাদি দিলো।

ইয়োব 27:14

তারার ঝি-পুয়োগুন ভালোক্কুন অলেয়ো তারাত্তে ঠিগ্ ওই আঘে দর্‌গরেপারা মরণ; তারার পুয়ো-ছাগুনে কনদিন্‌অ যোগাজ্য গুরি হানা ন-পেবাগ্।

যিরমিয় 7:15

মুই তমা ভেইয়ুনো উগুরে, অত্তাৎ ইফ্রয়িমর মানুচ্চুনো উগুরে যেবাবোত্যে গোজ্যং সেবাবোত্যে মঅ মুজুঙোত্তুন তমারে ঠিলিনে ফেলেই দিম।”

যিরমিয় 9:21

মরণানে আমা জানালাদি উদিনে আমা তাম্বুলানি ভিদিরে চোম্বেগি; সিয়েনে পধে পধে ঝি-পুয়োগুনোরে শেজ্ গুরি দিয়্যে আর শঅর চক্কর্‌‌বোত্তুন শেজ্ গুরি দিয়্যে গাবুজ্যেগুনোরে।

আবিলেচ্ 2:22

পরব দিনোত্ যেবাবোত্যে তুই মানুচ্চুনোরে এগত্তর্ গরচ্ সেবাবোত্যেগুরি মর্ চেরোকিত্তে তুই নানান্ বাবোত্যে অমকদ দর্ তুবেয়োচ্। লগেপ্রভুর রাগ দিনোত্ কনজনে রেহাই ন-পান্ বা বাঁজি ন-তান্; যিগুনোরে মুই পালেয়োং আর যত্তন্ গুরিদুং মর্ শত্রুগুনে তারারে ভস্ত গুরি দুয়োন্।

যিহিষ্কেল 27:3

সাগরত্ সোমেবার মুয়োনত্ যে রোইয়্যে, সাগর পারর্ ভালোক্ জাদর্ যে বেবসায়িবো সেই সোররে তুই কঅ, প্রভু লগেপ্রভু কোইয়্যেদে, ও সোর, তুই কত্তে তুই অমকদ দোল্।

হোশেয় 10:14

সেনত্তে তমা বিরুদ্ধে যুদ্ধোর্ কিজেক্ ছাড়ি উদিবো আর তমার্ বেক ঘরানি ভস্ত ওই যেবঅ, যেবাবোত্যেগুরি শল্‌‌‌‌‌‌মনে যুদ্ধোর্ দিনোত্ বৈৎ-অর্বেলান ভস্ত গোজ্যে। সেদিন্যে পুয়ো-ঝিগুনো সমারে মা গুনোরে মাদিত্ আছাড়্ মারা ওইয়্যে।

হোশেয় 13:16

শমরিয়ার মানুচ্চুনে তারার্ গোজেন বিরুদ্ধে উল্লোমী গোজ্যন বিলি দায়ী অবাক্। তারা যুদ্ধোত্ মুরি যেবাক্; তারার্ পুয়ো-ঝিগুনোরে মাদিত্ আছাড় মারিনে নিগুজ্ গরা অবঅ আর তারার্ পিদিলী মিলেগুনোর্ পেটতুন্ ফাদি ফেলা অবঅ।”

হোশেয় 13:8

ছঅ চুর্ ওই যেইয়্যে ভাল্লুগো ধোক্ক্যেন মুই তারারে আক্রমণ গুরিনে তারা বুগ্‌‌‌‌‌কুন ছিনি ফেলেম। সিংহ ধোক্ক্যেন মুই তারারে গিলি ফেলেম; ঝার্‌‌‌‌‌বো য়েমান ধোক্ক্যেন মুই তারারে কট্টা কট্টা গুরি ছিনি ফেলেম।

হোশেয় 14:1

ও ইস্রায়েল মানুচ্চুন, তমা গোজেন লগেপ্রভু ইধু তুমি ফিরি এজঅ। তমার পাপত্তে তুমি ফেলা যেইয়্যে ওইয়ো।

হোশেয় 9:16

ইফ্রয়িমে ক্ষয় ওই যার্, তা শিঙোরান্ শুগেই যেইয়্যে, সিয়েনত্ ফল ন-ধরন্। যুনি বা তা মানুচ্চুনে পুয়ো-ছার্ জন্ম দুয়োন তো মুই তারার্ কোচ্‌পেইয়্যে পুয়ো-ছাগুনোরে মারে ফেলেম।”

আমোষ 7:17

সেনত্তে লগেপ্রভু কত্তে, ‘তঅ মোক্কো শঅর ভিদিরে বেশ্যে অবঅ, আর তঅ পুয়ো-ঝিগুনে যুদ্ধোত্ মুরি যেবাক্। তঅ ভূইয়ানি মাবি মাবি অন্যরে ভাগ্ গুরি দিয়্যে অবঅ আর তুই নিজে এক্কান অসিজি দেজত্ মুরি যেবে। ইস্রায়েল মানুচ্চুন হামাক্কায় তারা দেজত্তুন্ বন্দী ওইনে অন্য দেজত্ যাহ্ পুরিবো।’ ”