হোশেয় 9:1 - Chakma Bible

¹ ও ইস্রায়েল, অন্য জাদ্‌‌‌তুনো ধোক্ক্যেন তুই হুজির্ উৎসব ন-গুরিচ্। তুই দঅ তর্ গোজেনরে ছাড়িনে তা উগুরে অবিশ্বেজি ওইয়োচ্; পত্তি খামারত্ তুই বেশ্যের্ পাওনা পেইনে হুজি ওইয়োচ্।

হোশেয় 9:1 ပူးပေါင်းရင်းမြစ်များ

গীতসংহিতা 73:27

যিগুনে তত্তুন্ দূরোত্ সুরি যেইয়োন, তারা শেজ্ ওই যেবাক্; যিগুনে তঅ উগুরে অবিশ্বেজি তুই তারারে ভস্ত গুরি ফেলেবে।

যিশাইয় 17:11

আর সেদিন্যে তুই সিগুন দাঙর্ গরর্ আহ্ বেন্যে-বেল্যে সিগুনোত্ বোল্ ধরর্, তো পিড়ে আর অমকদ দুঘো দিনোত্ কাবিবাত্তে সেধোক্ক্যেন কনঅ খেত্-খেত্তি ন-থেবঅ।

যিরমিয় 2:19

তর্ পাজি কামানিয়ে তরে সাজা দিবো; তর্ ভান্ন্যেই পধেদি যানাগানে তরে দুষি গুরিবো। সালে এবেরা চিদে গর্ আর বুঝি চাহ্, তুই যেক্কে তর্ গোজেন লগেপ্রভুরে ছাড়ি যাচ্ আর তারে ন-দরাচ্ সেক্কে সিয়েন তত্তে কত্তমান বজং আর তিদে অয়। এ কধাগান মুই বেগত্তুন্ খেমতাবলা প্রভু লগেপ্রভু কঙর্।

যিরমিয় 2:20

ভালোক্ দিন আগে তুই তর্ জুঙোল্ ভাঙিনে বান্ন্যেগান ছিনি ফেল্যচ্; তুই কোইয়োচ্চ্যে, মুই তরে সেবা ন-গুরিম্। তুই পত্তি অজল্ মুড়োত্ আর ডেলা পাদায় ছিদি পোজ্যে পত্তি য়্যেল্ গাজর্ তলে বেশ্যে ধোক্ক্যেন ঘুম্ যেইয়োচ্।

যিরমিয় 44:17

আমি যিয়েনি কোইয়্যেই সিয়েনি বেক্কানি আমি হামাক্কায় গুরিবোং। যেবাবোত্যেগুরি আমি আমা পুরোণি মানুচ্চুনে, রাজাগুনে আর রাজার চাগরুনে যিহূদার শঅরত্ আর যিরূশালেমর পধে পধে আগাজ-রাণী নাঙে আগর্‌বাট্টি জ্বালেদং আর ঢাল্যে-উৎসর্বর অনুষ্ঠান গুরিদোং সেবাবোত্যেগুরি আমি গুরিবোং গুরিবোং। সে অক্তত্ আমার্ বোউত্ হানা এলঅ আর আমা অবস্থায়ো গম্ এলঅ আর আমি কনঅ দুঘ্ ন-পেই।

আবিলেচ্ 4:21

ঊষ দেজত্ বজত্তি গুরিয়্যে ও ইদোম-ঝিবো, তুই ফুত্তি গর্, হুজি অ; মাত্তর্ তরেয়ো সেই গলচ্‌সো দিয়্যে অবঅ; তুই মাত্তল্ আর লাংটা-বাংটা অবে।

যিহিষ্কেল 16:15

মাত্তর্ তুই তর্ দোলানর্ সুনাঙান বেশ্যে অবাত্তে বেবহার গোজ্যস্। যে কনজনে তঅ কায়-কুরেদি গেলে তা সমারে তুই সিনেলী গুরিদে আর তে তরে ভোগ্ গুরিদো।

যিহিষ্কেল 16:30

“‘মুই প্রভু লগেপ্রভু কঙর্, তুই কদক্ মন-মরা, কিত্তে তুই বেগেয়্যে বেশ্যে ধোক্ক্যেন্ এ কামানি গোজ্যস্।

যিহিষ্কেল 20:32

তুমি কোই থাগঅ, তুমি জগদর্ অন্য জাদর্ মানুচ্চুনো ধোক্ক্যেন অবাত্তে চঅ যিগুনে গাজ্ আর পাত্তর পূজো গরন্। মাত্তর্ তমা মনত্ যিয়েনি আঘে সিয়েনি কনদিন্‌অ ন-অবঅ।

যিহিষ্কেল 21:10

কাবি ফেলেবাত্তে সিয়েন ধারা ওইয়্যে, সিয়েন পালিশ্ গরা ওইয়্যে আর সিয়েন কারেন ধোক্ক্যেন ঝক্‌‌‌‌‌‌‌‌ঝক্ গরের্।’ ” ইস্রায়েলীয়গুনে কদন্, “যিহূদার রাজলুদিক্কো নিইনে আমি ফুত্তি গুরিবোং; সেই রাজলুদিক্কো বেক্ লুদিক্কুনোরে ঈচ্ গরের্।”

হোশেয় 10:5

শমরিয়াত্ বজত্তিগুরিয়্যে মানুচ্চুনে বৈৎ-আবনর গোরু ছঅ-মূত্তিবোত্তে দোরেয়োন্। তা মানুচ্চুনে আবিলেচ্ গত্তন্ আর তার্ মূত্তিপূজো গুরিয়্যে ধর্মগুরুগুনে আবিলেচ্ গত্তন্, কিত্যে সেই মূত্তিবোর্ সয়-সাগোজ্যে তারাত্তুন্ দূর্ গরা ওইয়্যে।

হোশেয় 2:12

যেদক্কানি আংগুর-লুদি আর ডোমোর্ গাজ পৌইদ্যেনে তে কোইয়্যে, তার পাওনা ইজেবে তা লাঙুনে দুয়োন, সিয়েনি মুই বর্‌‌বাত্ লাগেম; সিয়েনি মুই ঝারত্ ফেলেই দিম্বোই আর য়েমানুনে সিয়েনি হেই ফেলেবাক্।

হোশেয় 4:12

তারা গাজ মূত্তিগুনো ইধু সল্লা চান্ আর গাজ লুদিক্কুনে তারারে উগুম দে, কিয়া বেভিচার মনানে তারারে ভান্ন্যেই পধেদি নেযেয়্যে; তারা তারার্ গোজেন ইধু অবিশ্বেজি ওইয়োন্।

হোশেয় 5:4

তারার্ কামানিয়ে তারারে গোজেন ইন্দি ফিরি যেবাত্তে ন-দে। তারা ভিদিরে আঘে বেভিচেরর্ মন। তারা লগেপ্রভুরে সত্য গুরি হবর্ ন-পান।

হোশেয় 5:7

তারা লগেপ্রভু ইধু অবিশ্বেজি ওইয়োন; তারা জার্‌‌গো পুয়োগুনোরে জর্ম দুয়োন। সেনত্তে ইক্কিনে তারার্ আঙোস্যে পরব্‌‌পুনে তারারে গিলি ফেলেব আর তারার্ খেত্‌‌তানিয়ো তারারে গিলি ফেলেব।

আমোষ 3:2

“পিত্‌থিমীর্ বেক জাদ্‌‌‌‌‌‌‌‌‌তুনো ভিদিরেত্তুন্ মুই বানা তমারে বেঈ লোইয়োং; সেনত্তে তমার্ বেক পাপ্‌‌‌‌‌পানিত্তে মুই তমারে সাজা দিম।”

আমোষ 4:5

তুমি ভালেদির্ উৎসর্ব ইজেবে সদা দিয়্যে রুটি দুয়ো আর তমা নিজো আওজে দিয়্যে উৎসর্বর জিনিস্‌‌চানিলোই বাড়্‌বো গরঅ, কিত্যে ও ইস্রায়েলীয়গুন, তুমি দঅ সিয়েন গুরিবাত্তে গম্‌‌ পঅ। মুই প্রভু লগেপ্রভু এ কধাগান কঙর্।

আমোষ 6:13

তুমি লো-দবার (যিয়েনর্ ভেদ্‌তান্ কিচ্ছু নয়) জয় গোজ্য বিলিনে ফুত্তি গুরি থাগঅ, আরঅ কোই থাগঅ, “আমি কি নিজো বল্লোই কর্ণয়িম (যিয়েনর্ ভেদ্‌তান্ ‘বোলী শিং’) অধিকার ন-গুরিই?”

আমোষ 8:10

মুই তমার্ পরব্‌‌পুন দুঘে আর বেক্ গানুন্ আবিলেচ্ গরে পারা বুদুলি দিম। মুই তমারে বেক্কুনোরে বস্তা ফাদা পিনেম্ আর মাঢাগুনোত্ টাক্ গুরি দিম। মুই সেই সময়ানরে বানা এক্কো গুরি পুয়োর্ মরণর্ আবিলেজর্ সময় ধোক্ক্যেন গুরিম আর সিয়েন থুম্ সং চলিবো অমকদ দুঘে।”

যাকোব 4:16

সিয়েনর্ বদলে দেগা যাত্তে, তুমি ভারী দেমাগী আর বার্‌বোলোই ভরা। এবাবোত্যে বেক্‌ দেমাগ্‌কানি ভান্ন্যেই।

যাকোব 5:1

তাগোয়্যে মানুচ্চুন্, তুমি শুনো। তমা উগুরে যে দুঘ্‌কানি এজের্ সিয়েনিত্যে কানঅ আর আবিলেচ্ গরঅ।