হোশেয় 8:14 - Chakma Bible

¹⁴ ইস্রায়েলর মানুচ্চুনে নিজো গোজেনরে ভুলি যেইনে দাঙর্ দাঙর্ ঘর বানেয়োন; যিহূদার মানুচ্চুনে ভালোক্কানি শঅর্ দেবাল্লোই ঘিজ্যন্। মাত্তর্ মুই তারার্ শঅরানি উগুরে আগুন পাদেম্ যিয়েনে তারার্ বেক ঘরানিরে পুড়ি ফেলেব।”

হোশেয় 8:14 ပူးပေါင်းရင်းမြစ်များ

১ রাজাবলী 12:31

যারবিয়ামে পূজোর অজল্‌ জাগায়ানিত্‌ মন্দির্‌ বানা ধুরিলো আর এমন্‌ মানুচ্চুনোত্তুন্‌ ধর্মগুরু নেযেল যিগুনে লেবির বংশর মানুচ্‌ ন-এলাক্‌।

১ রাজাবলী 16:31

নবাটর পূঅবো যারবিয়ামে যেদক্কানি পাপ গোজ্যে সিয়েনিরে তে সামান্য বেপার্‌ বিলিনে মনে গুরিদো। বানা সিয়েনি নয়, তে সীদোনীয়গুনোর রাজা ইৎবালর ঝি ঈষেবলরে লল আর বাল দেবেদার সেবা আর পূজো গরা ধুরিলো।

২ রাজাবলী 18:13

রাজা হিষ্কিয়োর রাজাগিরির চৌদ্দো বজরত্‌ আসিরিয়ার রাজা সন্‌হেরীব যিহূদার বেক্‌ দেবাল-ঘিজ্যে শঅরানি আক্রমণ গুরিনে সিয়েনি গজক গুরি নেযেল।

২ বংশধর 26:10

তলেন্দি মুড়ো চাগালাত্‌ আর সংজাগাত্‌ তার্‌ ভালোক্কুন্‌ এ্যামানপাল এলাক্‌; সেনত্তে তে ধূল্যেচর-চাগালাত্‌ অজল্‌ অজল চুগিদার-ঘর বানেল আর ভালোক্কুন্‌ কূয়ো খুড়িলো। তা মানুচ্চুনে বোল্‌বোল্যে ভূইয়োত্‌ চাজ্‌ গুরিদাক্‌ আর মুড়োমুড়ি ইদু আংগুর ক্ষেত্‌ গুরিদাক্‌, কিত্তে তে চাজ্‌বাজ কাম্‌ কোচ্‌পেদঅ।

২ বংশধর 27:4

তে যিহূদার মুড়োমুড়িগুনোত্‌ দেবাল-ঘিজ্যে আদাম বানেল আর ঝাড় চাগালাত্‌ তাম্বুল আর অজল্‌ চুগিদার-ঘর বানেল।

গীতসংহিতা 106:21

তারার্ উদ্ধোর গুরিয়্যে গোজেনরে তারা ভুলি গেলাক্ যিবে মিসরত্ ভালোক্কানি দাঙর্ কাম গোজ্যে।

গীতসংহিতা 95:6

এজঅ, আমা মাঢাগুন্ নিগিরিনে তারে শ্রদ্ধা জানেই; আমা সিরিষ্টি গুরিয়্যে লগেপ্রভুর মুজুঙোত্ মাঢা নিগিরিই।

যিশাইয় 17:10

তর্ উদ্ধোরগুরিয়্যে গোজেনরে তুই ভুলি যেইয়োচ্; সেই আশ্রয়-মুড়োবোরে তুই ইদোত্ ন-রাগাচ্। সেনত্তে যুনিয়ো তুই দোল্ দোল্ চারা আর বিদেশত্তুন্ আন্যে আংগুর লুদি লাগর্,

যিশাইয় 29:23

যেক্কে তারা তারা ভিদিরে মঅ আঢ কামানি, অত্তাৎ তারার্ ঝি-পুয়োগুনোরে দেগিবাক্ সেক্কে তারা মরে পবিত্র বিলিনে মানিবাক্। যাকোবর্ সেই পবিত্র মানুচ্চোরে তারা পবিত্র বিলি স্বিগের্ গুরিবাক্ আর ইস্রায়েলর্ গোজেনরে ভোক্তিগুরিনে দোরেবাক্।

যিশাইয় 42:13

এক্কো খেমতাবলা মান্‌জ্য ধোক্ক্যেন গুরি লগেপ্রভু নিগিলি এবঅ, তে যোদ্ধা ধোক্ক্যেন তা আওজ্‌‌ছানরে বাড়েই দিবো; তে রঅ ছাড়িনে যুদ্ধোর্ ডাগ্ দিবো আর শত্রুগুনো উগুরে জিদিবো।

যিশাইয় 42:25

সেনত্তে তে তার জোল্‌‌‌‌জোল্যে রাগ্‌কান আর যুদ্ধোর দর্‌‌‌‌গরেপারাগান্ ইস্রায়েল উগুরে ঢালি দিয়্যে। সেক্কে সেই আগুনানে সিয়েনর্ চেরোকিত্তে জ্বুলি উদিলো, তো তে বুঝি ন-পারিলো; আগুনান্ তা কিয়্যেত্ বাঁজিলো, মাত্তর্ সিয়েনত্ তে মনান্ ন-দিলো।

যিশাইয় 43:21

সেই মানুচ্চুনোরে মুই নিজোত্তে বানেয়োং যেন তারা মরে বাঈনী গুরি পারন্।

যিশাইয় 9:10

“ইট্‌তুন পড়ি যেইয়োন, মাত্তর্ আমি সিগুন আরঅ দোল্ গুরি কাপ্যে সিল্লোই তুলিবোং; বেক্ ডোমোর্ গাজ্‌চুন্ কাবি ফেলা ওইয়্যে, মাত্তর্ আমি সিগুনোর্ বদলে লাগেবং এরস গাজ‌।”

যিশাইয় 9:9

ইফ্রয়িম আর শমরিয়ার বেক্ আদাম্মেগুনে সিয়েন হবর্ পেবাক্। তারা বাড়্‌‌বো গুরিনে আর মনেদি বাড়্‌বো গুরি কন্,

যিরমিয় 17:27

মাত্তর্ যুনি তুমি মঅ কধা ন-শুনো আর জিরেবার দিন্নোরে মঅ নাঙে যুদো গুরি ন-রাগঅ আর সে দিনোত্ বুধিলোই যিরূশালেমর গেদো ভিদিরেদি চমঅ, মাত্তর্ যিরূশালেমর বেক্ গেট্‌তুনোদি মুই আগুন জ্বালেম আর সিয়েনে তার ঘরানি পুড়ি ফেলেব। সে আগুনান কনজনে মারেই ন-পারিবো।’ ”

যিরমিয় 2:32

কনঅ মিলে কি তার অষ্‌‍‍ট অলংকার পৌইদ্যেনে ভুলি যেই পারে? কনঅ নূয়ো বৌ কি তার মেলার সনা-রুবো পৌইদ্যেনে ভুলি যেই পারে? মাত্তর্ মঅ মানুচ্চুনে ভালোক্ দিন ধুরিনে মরে ভুলি রোইয়োন।

যিরমিয় 23:27

তারা মনে গরন যেবাবোত্যেগুরি তারার পুরোণি মানুচ্চুনে বাল দেবেদার পূজো গুরিনে মঅ নাঙান ভুলি যেইয়োন সেবাবোত্যে গুরিনে তারার যেদক্কানি স্ববনর কধা তারা বেক্কুনো কন্ সিয়েনিলোই তারা মঅ মানুচ্চুনোরে মঅ নাঙান ভুলেই দিবাক্।

যিরমিয় 3:21

এড়েইয়্যে মুড়োগুনো উগুরে ইস্রায়েলীয়গুনোর কানানি আর কোজোলি গরানার রঅ শুনো যার্, কিত্তে তারা পথ্‌তান তারা বেঙা গোজ্যন আর তারার গোজেন লগেপ্রভুরে তারা ভুলি যেইয়োন।‌‍

যিরমিয় 5:17

তারা তমা খেদ্‌তানি আর হানাগানি গজক্ গুরিবাক্, গজক্ গুরিবাক তমা ঝি-পুয়োগুনোরে; তারা তমার গোরু-ভেড়ার পালুন গজক্ গুরিবাক, গজক্ গুরিবাক তমার বেক্ আংগুর আর ডোমোর্ গাজ্‌চুন। যে দেবাল্-ঘিজ্যে শঅর উগুরে তুমি বিশ্বেজ্ গোজ্য সিয়েন তারা যুদ্ধো গুরিনে ভস্ত গুরি দিবাক্।” ‌

যিহিষ্কেল 23:35

তুই মরে ভুলি যেইয়োচ্ আর তঅ পিজেদি মরে ঠিলি দুয়োচ্ বিলিনে তত্তুন্ তর্ বেভিচের্ আর বেশ্যেগিরির ফল ভুগো পুরিবো। মুই প্রভু লগেপ্রভু এ কধাগান কঙর্।”

হোশেয় 13:6

মুই তঅ মানুচ্চুনোরে হাবানার্ পরেদি তারার্ ঈল্ অলঅ; ঈল্ ওইনে তারা বাড়্‌‌‌‌‌বো অলাক্, আর সে পরেদি তারা মরে ভুলি গেলাক্।

হোশেয় 2:13

যেদক্ দিন সং তে বাল দেবেদাগুনোর্ নাঙে আগর্‌বাট্টি জ্বালেয়্যে আর আন্দিক্ আর গহনা-গাটি দিইনে নিজোরে সাজেইনে তা লাঙুনে ইন্দি যেইনে মরে ভুলি যেয়্যেগোই সেদক্ দিনোত্তে মুই তারে সাজা দিম। মুই লগেপ্রভু এ কধাগান কঙর্।

হোশেয় 4:6

গোজেন পৌইদ্যেনে জ্ঞানর্ অভাবে মঅ মানুচ্চুন ভস্ত ওই যাদন্। তুমি সেই জ্ঞানানরে এলাফেলা গোজ্য বিলি মুইয়ো মর্ ধর্মগুরু ইজেবে তমারে এলাফেলা গুরিলুং। তুমি তমার্ গোজেনর রীদি-সুদোম্ ভুলি যেইয়ো, সেনত্তে মুইয়ো তমা ঝি-পুয়োগুনোরে ভুলি যেইম্।

আমোষ 1:10

সেনত্তে মুই সোর দেবাল উগুরে আগুন পাধেই দিম; সিয়েনে তার্ ঘরানি পুড়ি ফেলেব।”

আমোষ 1:12

সেনত্তে মুই তৈমন উগুরে আগুন পাদেম; সিয়েনে বস্রার ঘরানিরে পুড়ি ফেলেব।”

আমোষ 1:14

সেনত্তে যুদ্ধো দিনোত্ যুদ্ধোর্ রঅত্, দর্‌‌‌‌গরেপারা ঝড় ধোক্ক্যেন যুদ্ধোত্ মুই রব্বার দেবালত্ আগুন বাজেই দিম; সিয়েনে তার্ ঘরানি পুড়ি ফেলেব।

আমোষ 1:4

সেনত্তে মুই হসায়েলর রাজঘরান উগুরে আগুন পাদেম; সিয়েনে বিন্‌‌হদদর্ ঘরানিরে পুড়ি ফেলেব।

আমোষ 2:5

সেনত্তে যিহূদা উগুরে মুই আগুন পাধেই দিম; সিয়েনে যিরূশালেমর্ ঘরানিরে পুড়ি ফেলেব।”

ইফিষীয় 2:10

আমি গোজেনর্ আঢ্‌তোই বানেইয়্যে। গোজেনে খ্রীষ্ট যীশুর্ সমারে এগত্তর্ গুরিনে আমারে নুয়ো গুরিনে বানেয়্যে যেনে আমি গম কাম্ গুরিই। এ গম্ কামানি তে আগে ঠিগ্ গুরি থোইয়্যে, যেন আমি সিয়েনি গুরিনে জিংকানি কাদেই।

দ্বি’লম্বর বিররণ 32:18

সে জিরেবার-মুড়োবো তুমি এলাফেলা গোজ্য যে তমার বাপ; সেই গোজেনরে তুমি ভুলি যেয়োগোই যিবে মা-ধোক্ক্যেন দুঘ্ পেইনে তমারে পিত্‌থিমীত্‌ আন্যে।