হোশেয় 7:15 - Chakma Bible

¹⁵ মুই তারারে যুদ্ধোর্ শিক্ষ্যে দুয়োং আর বোলী গোজ্যং, মাত্তর্ তারা মঅ বিরুদ্ধে ভান্ন্যেয়র্ কুজুরোমি গরন।

হোশেয় 7:15 ပူးပေါင်းရင်းမြစ်များ

২ রাজাবলী 13:23

মাত্তর্‌ লগেপ্রভু অব্রাহাম, ইস্‌হাক আর যাকোবত্তে যে সুদোমান্‌ থিদেবর্ গোজ্যে সেনত্তেই তে ইস্রায়েলীয়গুনো উগুরে দোয়্যে বা মেয়্যে গুরিলো আর তারান্দি মন্‌ দিলো। এজঅ সং তারারে ভস্ত গুরি ফেলাদে বা নিজো মুজুঙেত্তুন্‌ দূর্‌ গুরি দিবাত্তে তে নঅ-চায়।

২ রাজাবলী 13:5

সেক্কে লগেপ্রভু ইস্রায়েলরে এক্কো উদ্ধোরগুরিয়্যে দিলো। সেনে ইস্রায়েলীয়গুনে অরাম আঢত্তুন্‌ বাঁজিলাক্‌। সেনত্তে তারা আগঅ ধোক্ক্যেন আরঅ গমেডালে বজত্তি গরা ধুরিলাক্‌।

ইয়োব 5:17

বর্‌ পেইয়্যে সেই মানুচ্চো, যিবেরে গোজেনে বুদুলি ফেলায়। সেনত্তেই গোজেনর শাজনানরে ঈচ্ ন-গোজ্য,

গীতসংহিতা 140:2

তারা মনে মনে কুজুরো ফন্দি গরন্ আর পত্তিদিন যুদ্ধ বাজান্।

গীতসংহিতা 2:1

কিত্তে থির্ নেইয়্যে গুরি বেক্ জাদর মানুচ্চুনে কিজিক্ কাজাক্ গত্তন্? কিত্তে মানুচ্চুনে এনেবাদে কুজুরোমি গত্তন্?

গীতসংহিতা 62:3

আর কয়দিন এক্কো মান্‌জ্য উগুরে তমার এ আক্রমণানি চলিবো, যেনে আলেই-পোজ্যে দেবাল আর পড়েত্তে এমন্ বেড়া ধোক্ক্যেন গুরি তুমি বেক্কুনে তারে শেজ্ গুরি দি পার?

গীতসংহিতা 94:12

ও লগেপ্রভু, সেই মানুচ্চো বর্‌ পেইয়্যে যিবেরে তুই শাজনত্ রাগাচ্ আর তর্ সুদোমানি শিক্ষ্যে দে,

গম্ উপদেজ্ 3:11

মঅ পুয়োবো, লগেপ্রভুর শাজনান্ এলাফেলা ন-গুরিচ্, তে গেইল্ দিলে সিয়েন ঈচ্ ন-গুরিচ্;

যিরমিয় 17:9

মনান্ বেগত্তুন্ বেশ ঠগ্, তারে কনঅ বাবদে গম্ গরা ন-যায়। কনজনে মান্‌‍‌‍‍জ্যর্ মনানি বুঝি ন-পারে।

হোশেয় 13:9

ও ইস্রায়েল, তুই মর্ বিপক্ষে, অত্তাৎ তর্ সাহায্যগুরিয়্যের্ বিপক্ষে আগচ্ বিলি মুই তরে ভস্ত গুরিম।

নহূম 1:9

ও নীনবী মানুচ্চুন, লগেপ্রভুর বিরুদ্ধে তুমি যে কুজুরোমী গুরিদা সাৎ সিয়েন তে বিফল গুরি দিবো; তুমি কাররে আর্ দুঘ্ দি ন-পারিবা।

প্রেরিত্‌ 4:25

তুই পবিত্র আত্মালোই তঅ চাগর্ আমা পূরোণি মানুচ্ দায়ূদো মুয়োদি কোইয়োচ্, কিত্ত্যেই থিদেবর্ নেইয়্যে গুরি কিজিগ্-কাজাগ্ গরর্ বেক্ মানুচ্চুন? কিত্ত্যেই মানুচ্চুনে মিজে গুরিনে কুজুরোমি গত্তন্?

রোমীয় 1:21

মান্‌জ্যে তা পৌইদ্যেনে জানিবার্ পরেদিয়ো গোজেন ইজেবে তারে বাঈনীয়ো ন-গরন, আর ভালেদিয়ো ন-জানান্। তারার্ চিন্তেগানি বাজে ওই যেইয়্যে আর তারার্ বুদ্ধি-নেইয়্যে মনানি আন্ধারে ভুরি যেইয়্যে।

২ করিন্হীয় 10:5

আমি মান্‌জ্যর্ মিজে যুক্তিগানি বর্‌‌বাদ গুরিই আর গোজেনরে জানিবার পধত্ মানা ইজেবে যেদক্কানি চিন্তে দেমাগ্ গুরিনে ভস্ত গুরিই; আর মনর্ পত্তি চিন্তেরে বন্দী গুরিনে খ্রীষ্টর্ বাধ্য গুরিই।

ইব্রীয় 12:5

গোজেনে তার্ পুয়ো ইজেবে তমারে উচ্চোমি দিইনে যে কধানি কোইয়্যে সিয়েনি তুমি ভুলি যেইয়ো। তে কোইয়্যেদে, মর্ পুয়োবো, প্রভুর্ শাজনান্ ঈচ্ ন-গুরিচ্, আর তে যেক্কে গেইল্ দে সেক্কে আজা ন-আরেচ্;

ফগদাং পেইয়্যে 3:19

মুই যিগুনোরে কোচ্‌পাং সিগুনোরে দুষ্ দেগেই দুয়োং আর শাসন গরং। সেনত্যে এ অবস্থাত্তুন্ মনানি ফিরেবাত্যে আওজি অং।