হোশেয় 7:12 - Chakma Bible

¹² তারা যেক্কে যেবাক্ সেক্কে মুই তারা উগুরে মঅ জালান্ ফেলেম; আগাজ পেগ্‌‌‌‌‌‌‌‌‌কুনো ধোক্ক্যেন গুরি মুই তারারে টানিনে লামেম্। ইস্রায়েলীয়গুনো ইধু যেবাবোত্যে কুয়ো ওইয়্যে সেবাবোত্যেগুরি মুই তারারে সাজা দিম।

হোশেয় 7:12 ပူးပေါင်းရင်းမြစ်များ

ইয়োব 19:6

সালে জানি লঅ, গোজেনে মঅ উগুরে অন্ন্যেই গোজ্যে; নিজো জাল্লোই তে মরে ঘিজ্যে।

উপদেশক 9:12

কনজনে হবর্ ন-পান্ তার্ মরণর্ অক্তবো কক্কে এবঅ। যেধোক্ক্যেন্ গুরিনে মাছে জালত্ ধরা পড়ন্ আর পেগ্‌কুনে ফালত্ পড়ন্ সেধোক্ক্যেন্ গুরিনে দজা অদাতৎ মান্‌জ্য উগুরে এজে আর তারে ফালত্ ফেলায়।

যিরমিয় 16:16

“মাত্তর্ ইক্কিনে মুই বোউত্ জাল্যেরে ডাগিনে পাদেম্ আর তারা তারার মাছ ধোক্ক্যেন ধুরিবাক্। সে পরেদি মুই বোউত্ শিগেরিরে ডাগিনে পাদেম্ আর তারা পত্তিজনে দাঙর্ আর চিগোন মুড়ো আর পাত্তর ফাদাত্তুন্ তারা শিগের্ গুরি আনিবাক্।

যিরমিয় 44:4

মুই বার্ বার্ মঅ চাগরুনোরে, অত্তাৎ ভাববাদীগুনোরে পাদেয়োং; তারা কোইয়োন্দে যে, তারা যেন সেই জঘন্য কামানি ন-গরন্ যিয়েনি মুই ঘিনাং।

যিহিষ্কেল 12:13

মুই তাত্তে জাল্ পাদিম্ আর তে মঅ ফালত্ পড়িবো। মুই তারে বাবিলীয়গুনোর দেজত্ বাবিলোত্ নেযেম, মাত্তর্ তে সিয়েন রিনি ন-চেবঅ; সিয়োদোই তে মুরি যেবঅ।

যিহিষ্কেল 17:20

মুই তাত্তে মঅ জালান্ পাদিম্ আর তে মঅ ফালত্ ধরা পড়িবো। তে মঅ উগুরে অবিশ্বেজি ওইয়্যে বিলিনে মুই তারে বাবিলোত্ নেযেম আর সিদু তারে সাজা দিম।

যিহিষ্কেল 32:3

মুই প্রভু লগেপ্রভু কঙর্, মানুচ্চুনোর এক্কো দাঙর্ দল নিইনে মুই তঅ উগুরে মঅ জালান্ ফেলেম; তারা মঅ জালান্দোই তরে টানি তুলিবাক্।

হোশেয় 5:9

সাজা দিবার দিনোত্ ইফ্রয়িম মানুচ্ নেইয়্যে ওইনে পড়ি থেবঅ। যিয়েন অবঅ ওক্ সিয়েন মুই ইস্রায়েলর গুট্টিগুনো ভিদিরে ফগদাং গরঙর্।

ফগদাং পেইয়্যে 3:19

মুই যিগুনোরে কোচ্‌পাং সিগুনোরে দুষ্ দেগেই দুয়োং আর শাসন গরং। সেনত্যে এ অবস্থাত্তুন্ মনানি ফিরেবাত্যে আওজি অং।