হোশেয় 6:2 - Chakma Bible

² কয়েকদিন পরে তেয়ই আরঅ আমারে বাজেব, আর আমারে আগ অবস্থাত্ ফিরেই আনিবো যেনে আমি তা মুজুঙোত্ বজত্তি গুরি পারিই।

হোশেয় 6:2 ပူးပေါင်းရင်းမြစ်များ

পত্থম 17:18

পরে অব্রাহাম গোজেনরে কলঅ, “আহ্‌, ইশ্মায়েলে যেনে তর্‌ দোয়েলোই বাঁজি থায়!”

২ রাজাবলী 20:5

“তুই ফিরি যেইনে মঅ মানুচ্চুনোর্‌ নেতা হিষ্কিয়রে কঅ, তা পূরোণি মানুচ্‌ দায়ূদো গোজেন্‌ লগেপ্রভু এ কধাগান্‌ কোইয়্যেদে, ‘মুই তর্‌ তবনাগান্‌ শুন্যং আর তর্‌ চোগো পানিগান দেখ্যং। মুই তরে গম্‌ গুরিম্‌। ইক্কিনেত্তুন্‌ ধুরি তিন দিন পরেন্দি তুই লগেপ্রভুর ঘরত্‌ যেবে।

গীতসংহিতা 61:7

তে জিংকানিবর গোজেনর মুজুঙোত্ বজত্তি গুরিবো; তারে রোক্ক্যে গুরিবাত্তে তর্ অমকদ কোচ্‌পানা আর বিশ্বেজ্‌ছানরে তুই কামত্ লাগা।

গীতসংহিতা 71:20

যুনিয়ো তুই মঅ উগুরে বোউত্ দুঘ্ আর দযা আন্যচ্, তো তুই আরঅ মঅ পরাণান জেদা গুরি দিবে; মাদি তলেত্তুন্ তুলি আনেদে ধোক্ক্যেন গুরি আরঅ তুই মরে তুলি আনিবে।

উপদেশক 3:3

মারে ফেলেবার্ সময় আর গম্ গুরিবার সময়, ভাঙি ফেলেবার্ সময় আর বানেবার্ সময়,

যিশাইয় 26:19

মাত্তর্ তঅ মরা মানুচ্চুনে বাঁজিবাক্; তারার্ কিয়্যেনি জেদা অবঅ। তুমি যিগুনে ধূল্যেত্ বজত্তি গরর্, তুমি জাগি উদো আর হুজিয়ে রঅ ছাড়। বেন্যে শিরো পানিয়ে যেধোক্ক্যেন্ পিত্‌থিমীগানরে পোত্‌পোত্যে গরে সেধোক্ক্যেন্ গুরি তুই মরাগুনোরে জিংকানি দিবে।

যিশাইয় 30:26

যেদিন্যে লগেপ্রভু তা মানুচ্চুনোর্ আঘাত পেইয়্যে জাগানি বানি দিবো আর তার গোজ্যে ঘা গানি গম্ গুরি দিবো সেদিন্যে চানানে পহর্ দিবো বেলান ধোক্ক্যেন্, আর বেলান পহ্‌রান অবঅ পুরো সাত দিনোর পহ্‌‍‌‍‌র ধোক্ক্যেন সাতগুন বেশ্।

হোশেয় 13:14

“মরণ জাগানর্ খেমতাত্তুন্ মুই মূল্য দিইনে তারে ছাড়েই আনিম। মরণত্তুন্ মুই তারে উদ্ধোর্ গুরিম। ও মরণান্, মর্ ভানাগানি বেক্কানি কুত্তুন্? ও মরণ জাগায়ান, কুদু তর্ ভস্ত? মুই কনঅ মেয়্যে ন-গুরিম। ‌ ‌

হোশেয় 7:2

মাত্তর্ তারা ন-বুঝোন্, তারার্ বেক অন্যেয় কামানি মুই ইদোত্ রাগাং। তারার পাপ্‌‌‌‌‌‌পানিয়ে পুরোপুরি গুরিনে তারারে ঘিরি রাগেয়্যে; সিয়েনি নিত্য মঅ মুজুঙোত্ রোইয়্যে।

যোহন 14:19

খানক্কন্ পরেদি জগদ মানুচ্চুনে আর মরে ন-দেগিবাক্, মাত্তর্ তুমি দেগিবা। মুই জেদা আঘং কিনেই তুমিয়ো জেদা থেবা।

রোমীয় 14:8

আমি যুনি বাঁজিই সালে প্রভুত্যে বাঁজি থেই, আর যুনি মুরিই সালে প্রভুত্যে মুরিই। সালে আমি বাঁজিই কি মুরিই আমি প্রভুর্।

১ করিন্হীয় 15:4

তারে গোর্ দিয়্যে ওইয়্যে, পবিত্র বোইবোর্ কধা মজিম তিন দিনোত্ তারে মরাত্তুন্ জেদা গরা ওইয়্যে,