হোশেয় 4:8 - Chakma Bible

⁸ মঅ মানুচ্চুনোর পাপর কারনে তারা লাভবান অন্ বিলিনে তারা মঅ মানুচ্চুনোরে পাপ গুরিবাত্তে উচ্চোমি দুয়োন্।

হোশেয় 4:8 ပူးပေါင်းရင်းမြစ်များ

২ রাজাবলী 12:16

দুষ-উৎসর্বর আর পাপ-উৎসর্বর টেঙাগুন্‌ লগেপ্রভুর ঘর বাক্‌সুবোত্‌ ন-রাগেদাক; সিগুন্‌ অদঅ ধর্মগুরুগুনোর ভাগ।

গীতসংহিতা 24:4

বানা তেয়ই যগাজ্যে, যিবের্ আঢ্‌‌তান্ নিদ্দুজি, মনান্ দোল্, মনান্ মিজে কধা ইন্দি নয়, আর মুয়োদি নেই মিজে শমক্।

গীতসংহিতা 25:1

ও লগেপ্রভু, মঅ মনান্ মুই তইন্দি তুলি দুয়োঙর্।

যিশাইয় 56:11

তারা এমন কুগুরো ধোক্ক্যেন যিগুনোর পেট্ পরা বেশ্; তারার কনদিন্অ ঈল্ ন-অয়। তারা বুদ্ধি নেইয়্যে গরক্; তারা বেক্কুনে যার্ যার্ পধেদি ফিজ্যন্ আর নিজোর লাভর্ চেট্ট্যা গত্তন্। ‌

যিহিষ্কেল 14:3

ও মান্‌জ্যর্ পুয়োবো, এ মানুচ্চুনে তারার্ মন ভিদিরে মূত্তি থিদেবর্ গুরিনে পাপত্ পড়েদে ধোক্ক্যেন জিনিস তারা মুজুঙোত্ রাগেয়্যে। সেনত্তে মইধু যুনি তারা কনঅ কিজু পুযোর্ গরন সালে মুই তারারে জোব্ ন-দিম।

যিহিষ্কেল 14:7

কনঅ ইস্রায়েলীয় বা ইস্রায়েল দেজত্ বজত্তি গুরিয়্যে কনঅ বিদেশী যুনি মত্তুন্ ফারগ্ ওই যান আর তা মনত্ মূত্তি থিদেবর্ গুরিনে পাপত্ পড়েদে ধোক্ক্যেন জিনিস তা মুজুঙোত্ রাগায় আর সে পরেদি মইধু পুযোর্ গুরিবাত্তে কনঅ ভাববাদী ইধু এজন্, সালে মুই লগেপ্রভু নিজেই তারে জোব্ দিম।

হোশেয় 10:13

মাত্তর্ তুমি দঅ পাজিগানি লাগেয়ো, ভান্ন্যেয়র্ খেত্ কাপ্প্য আর ছলনার্ গুলোগুলি হেইয়ো। তুমি নিজোর্ বল্ আর ভালোক্কুন যোদ্ধা উগুরে নির্ভর গোজ্য;

হোশেয় 12:8

তে কয়, ‘মুই অমকদ তাগোয়্যে ওইয়োং, ভালোক্কানি ধন-সোম্বোত্তি থুবেয়োং। মর্ বেক কামানি ভিদিরে মান্‌‌‌জ্যে মর্ কনঅ দুষ বা পাপ তোগেইনে ন-পেবাক্।’

হোশেয় 14:1

ও ইস্রায়েল মানুচ্চুন, তমা গোজেন লগেপ্রভু ইধু তুমি ফিরি এজঅ। তমার পাপত্তে তুমি ফেলা যেইয়্যে ওইয়ো।

লেবীয় 6:22

হারোণর্‌ পরেদি তার্‌ যে পূঅবোরে দাঙর্‌ ধর্মগুরু-ইজেবে খেমতা দিয়্যে অবঅ তাত্তুনো এ উৎসর্বর্‌ অনুষ্ঠানান্ গরা পুরিবো। ইবে লগেপ্রভুর্ অক্ত মজিম্ পাওনা, আর তার্‌ বেক্কানি পুড়ি ফেলা পুরিবো।

লেবীয় 6:26

যে ধর্মগুরুবো এই উৎসর্ববোর্ অনুষ্ঠানান্‌ গুরিবো তে এ য়েরাগান্‌ হেবঅ। কনঅ পবিত্র জাগাত্‌, অত্তাৎ মিলন-তাম্বুলর্‌ উদোনত্‌ সিয়েন্‌ হা পুরিবো।

মীখা 3:11

সিদুগোর্ নেতাগুনে ঘুষ হেইনে বিচের্ গরন, ধর্মগুরুগুনে বেতন নিইনে শিক্ষ্যে দৈন্ আর ভাববাদীগুনে টেঙা নিইনে ভাগ্যগান গণান্। আর তো তারা লগেপ্রভুর সাহায্যর্ আজা গুরিনে কন্, “লগেপ্রভু কি আমা ভিদিরে নেই? আমা উগুরে কনঅ দযা ন-এবঅ।”

মালাখি 1:10

“হায়! যুনি তমা ভিদিরে একজনেয়ো উবোসনা-ঘরর দোরানি নাঢি দিদাক্ আর তুমি মঅ ডালি পূজোবো উগুরে অনত্তক্ আগুন ন-জ্বালেদা সালে মুই হুজি অদুং। মুই তমা উগুরে হুজি নয় আর কনঅ উৎসর্বর জিনিস মুই তমা আঢত্তুন্ গুজি ন-লোম্।

রোমীয় 16:18

কিয়া এবাবোত্যে মানুচ্চুনে আমা প্রভু খ্রীষ্টরে সেবা ন-গুরিনে বরং নিজো পেদর্ সেবা গত্তন্। মিধে মিধে আর বিগিদি কধা কোইনে তারা মাদিঘিলে মানুচ্চুনোরে ঠগাদন্।

তীত 1:11

এ মানুচ্চুনোর মুয়োনি নাঢি দেনা দরকার, কিয়া অন্যেয় লাভত্যে তারা এন্‌ শিক্ষ্যে দুয়োন যিয়েনি তারার্ দেনা উজিত নয়; আর এবাবোত্যে গুরি তারা কয়েক্কো ঘোর্‌‌‌‌‌বোরে ভস্ত গুরি ফেলেয়োন।

২ পিতর 2:3

লুভে পড়িনে ছলনার্ কধা কোইনে তারা নিজো লাভত্যে তমারে কামত্ লাগেবাক্। তারার্ সাজাগান ভালোক দিন ধুরিনে তারা উগুরে দুলের্, আর তারার্ ভস্ত অনাগান জুরো গুরিনে বোইদ্যে নেই।

১ শমূয়েল 2:29

সালে মর্‌ ঘরত্‌ যেদক্কানি উৎসর্ব গুরিবাত্তে মুই উগুম দুয়োং তুমি কিত্তে সিদুক্কুন য়েমান-উৎসর্ব আর অন্য উৎসর্বগুনোর অসর্মান গরর্‌? মর্‌ মানুচ্ ইস্রায়েলীয়গুনোর উৎসর্বগুনোর বেগত্তুন গম্‌ ভাক্কুন দিইনে নিজোরে পক্তামক্তা গুরিনে কিত্তে তুই মত্তুন্‌ বেশ্‌ তর্‌ পূঅগুনোরে দাঙর্‌ গুরি দেগর্‌?