হোশেয় 4:7 - Chakma Bible

⁷ ধর্মগুরুগুন জনেদি যেদক্ বাড়দন্ সেদক্ তারা মঅ বিরুদ্ধে পাপ গত্তন্, সেনত্তে মুই সর্মানর্ বদলে তারারে অসর্মানিত গুরিম।

হোশেয় 4:7 ပူးပေါင်းရင်းမြစ်များ

ইষ্রা 9:7

আমা পূরোণিমানুচ্চুনোর্ সময়োত্তুন্ ধুরি আরাম্ভ গুরিনে এচ্চ্যে সং আমি বোউত্ পাপ গোজ্যেই। আমা পাপত্যেই আমার আর আমা রাজাগুনোর্ আহ্ আমা ধর্মগুরুগুনোর অন্য রাজাগুনোর্ আঢত্ মোজ্যন্, বন্দীদযা, লুদো খানা আর অসর্মান ওইয়োন, আর এজঅ সেই অবস্থাগান রোইয়্যে।

হোশেয় 10:1

ইস্রায়েল এলদে এক্কান ছিদি যেইয়্যে লুদি; সিয়েনত্ বোউত্ গুলোগুলি ধোজ্যন্। সিয়েন ফলুন্ যেদক বাজ্যন্ সেদক্ বেশ্ সোংখ্যেদি তে পূজো বানেয়্যে; তা দেজত্ যেদক্ ভালেদি ওইয়্যে সেদক্ তে তার্ পূজোর পাত্তরুন দোলেডালে সাজেয়্যে।

হোশেয় 10:6

সিবে আসিরিয়াত্ নেযা ওইয়্যে আর মহারাজার কর্ ইজেবে দিয়্যে ওইয়্যে। সেনত্তে ইফ্রয়িমে অসর্মানিত্ অবঅ, ইস্রায়েলে তার্ নিজোর্ পরিকল্পনাত্তে লাজেব।

হোশেয় 13:14

“মরণ জাগানর্ খেমতাত্তুন্ মুই মূল্য দিইনে তারে ছাড়েই আনিম। মরণত্তুন্ মুই তারে উদ্ধোর্ গুরিম। ও মরণান্, মর্ ভানাগানি বেক্কানি কুত্তুন্? ও মরণ জাগায়ান, কুদু তর্ ভস্ত? মুই কনঅ মেয়্যে ন-গুরিম। ‌ ‌

হোশেয় 13:6

মুই তঅ মানুচ্চুনোরে হাবানার্ পরেদি তারার্ ঈল্ অলঅ; ঈল্ ওইনে তারা বাড়্‌‌‌‌‌বো অলাক্, আর সে পরেদি তারা মরে ভুলি গেলাক্।

হোশেয় 4:10

তারা হেবাক্ মাত্তর্ ঈল্ ন-অবঅ; তারা বেভিচের্ গুরিবাক্ মাত্তর্ জনেদি ন-বাড়িবাক্, কিয়া তারা মূত্তি পূজোর্ কারনে লগেপ্রভুরে ছাড়ি যেইয়োন।

হোশেয় 5:1

লগেপ্রভু কত্তে, ও ধর্মগুরুগুন, তুমি এ কধানি শুনো। ও ইস্রায়েল মানুচ্চুন, মনযোগ দুয়ো। ও রাজবংশ, কান্ পাদঅ। এ রায়য়ান্ তমা বিরুদ্ধে দিয়্যে অর্, কিত্যে তুমি মিসপাত্ ফাল ধোক্ক্যেন আর তাবোরত্ মিলি দিয়্যে জাল ধোক্ক্যেন ওইয়ো।

হোশেয় 6:9

ডাগেত্তুনে যেবাবোত্যে মান্‌‌‌‌‌জ্যরে উৎ পাদিনে বাজ্জেই থান্, সেবাবোত্যেগুরি উৎ পাদিনে থান্ ধর্মগুরুগুনোর দলুন্; তারা শিখিমোত্ যেবার পদথ্ মানুচ্ খুন গরন আর অমকদ অন্যেয় কাম্ গরন।

হোশেয় 9:11

ইফ্রয়িমর বাঈনী গোজ্যে পেগো ধোক্ক্যেন উড়ি যেবঅ; সেক্কে পুয়ো-ছার্ জর্ম ন-অবাক্, কনজনে পিদিলী ন-অবাক্ আর কনজনে পুয়ো-ছা পেদত্ ন-ধুরিবাক্।

হবক্‌‌‌‌কূক 2:16

তুই সর্মানর্ বদলে লাজে পরিপূরোণ অবে। এবেরা তর্ পালা। তুই মদ হেইনে লাংটা-বাংটা অ। লগেপ্রভুর ডেন্ আঢর্ রাগর্ গলস্‌‌‌‌‌ছো তন্দি এজের্; অসর্মানে তঅ সর্মানান্ ঢাগা যেবঅ।

মালাখি 2:9

তুমি মঅ পধেদি ন-চলঅ বরং রীদি-সুদোম পৌইদ্যেনে মানুচ্চুনো সমারে তুমি এক মোক্ক্যে ওইয়ো। সেনত্তে বেক্ মানুচ্চুনো মুজুঙোত্ মুই তমারে ঈচ্ গরে পারা আর অসর্মান অই পারা গুরিম।”

দ্বি’লম্বর বিররণ 32:15

মাত্তর্‌ পক্তা ওই যিশুরূণে লাদি মারিলো। ও যিশুরূণ, তুই অমকদ হেইনে গুয়োর্ আর পক্তা ওইয়োচ্‌। সে পরেন্দি তে তার সৃট্টিগুরিয়্যে গোজেনরে ফেলেই গেলঅ, আর চিগোন গুরি দেগিলো তার জিরেবার-মুড়োবোরে।

ফিলিপীয় 3:19

তারার্ ভাগ্যত্ আঘেদে ভস্ত অনা; পেট্টো অলঅ তারার্ গোজেন; যিয়েন লাজেবার্ বেপার সিয়েন্দোই তারা দেমাগ্ গরন্; আর বানা জাগতিগ পৌইদ্যেনে তারার্ মনানি পড়ি আঘে।

১ শমূয়েল 2:30

“সেনত্তেই ইস্রায়েলীয়গুনোর গোজেন লগেপ্রভু কত্তে, ‘মুই হামাক্কায় কোইয়োঙে, তর্‌ আর তর্‌ পুরোণি মানুচ্চুনোর বংশর মানুচ্চুনে সারা জিংকানিবর্‌ মর্‌ সেবা কাম গুরিবাক্’; মাত্তর্‌ ইক্কিনে লগেপ্রভু কত্তে, ‘সিয়েন আর ন-চলিবো। যিগুনে মরে সর্মান গুরিবাক্ মুই তারারে সর্মান গুরিম আর যিগুনে মরে ঈচ্ গুরিবাক্ তারারে ঈচ্ গরা অবঅ।