হোশেয় 4:15 - Chakma Bible

¹⁵ “ও ইস্রায়েল, তুই যুনিয়ো বেভিচের্ গরর্ তো যিহূদা যেন একই দুষে দুষী ন-অয়। তুমি গিল্‌‌‌‌গলত্ ন-যেইয়ো; বৈৎ-আবনে ইধু ন-যেয়ো; ‘জেদা লগেপ্রভুর নাঙে’ শমক্ ন-গোজ্য।

হোশেয় 4:15 ပူးပေါင်းရင်းမြစ်များ

২ বংশধর 21:11

তে যিহূদার মুড়োগুনো উগুরে পূজোর্‌ অজল্‌ জাগায়ান্‌ বানেল আর তাত্তে যিরূশালেম মানুচ্চুনে বানেয়্যে মূত্তি পূজোবোত্‌ নিজোরে দিলাক্‌ আর যিহূদার মানুচ্চুনে অন্য পধেদি গেলাক্‌।

যিশাইয় 48:1

ও যাকোবর্ বংশ, তুমি শুনো। তমারে দঅ ইস্রায়েল নাঙে ডাগা অয়, তুমি যিহূদার বংশত্তুন্ এচ্চ্য, তুমি লগেপ্রভুর নাঙে শমক্ খঅ আর ইস্রায়েলর গোজেন ইদু তবনা গুরি থাগঅ, মাত্তর্ সত্য বা গমেডালে সিয়েনি ন-গরঅ।

যিরমিয় 44:26

মাত্তর্ মিসরত্ বজত্তি গুরিয়্যে বেক্ যিহূদীগুন, তুমি লগেপ্রভুর কধানি শুনো। লগেপ্রভু কোইয়্যেদে, ‘মুই মঅ নাঙে শমক্ হেইনে কঙর্, মিসরর্ যে কনঅ জাগাত্ বজত্তি গুরিয়্যে যিহূদার কনঅ মানুচ্ মঅ নাঙে শমক্ হেইনে ন-হবাক্, জেদা লগেপ্রভুর নাঙে কঙর্।

যিরমিয় 5:2

যুনিয়ো তারা হবর্ কন, ‘জেদা লগেপ্রভুর নাঙে,’ তো তারা মিজে গুরিনে শমক্ হান্।”

যিহিষ্কেল 20:39

“‘ও ইস্রায়েলীয়গুন,মুই প্রভু লগেপ্রভু কঙর্, যঅ, তুমি পত্তিজনে যেইনে তমা মূত্তিগুনোরে সেবা গরঅ। মাত্তর্ পরেদি মঅ কধা তুমি হামাক্কায় শুনিবা আর সেক্কে তুমি তমার বক্‌‌‌‌‌শিজ্ আর মূত্তিলোই আর মর্ সুদ্ধো-সাংগ নাঙান অসিজি ন-গুরিবা।

হোশেয় 10:5

শমরিয়াত্ বজত্তিগুরিয়্যে মানুচ্চুনে বৈৎ-আবনর গোরু ছঅ-মূত্তিবোত্তে দোরেয়োন্। তা মানুচ্চুনে আবিলেচ্ গত্তন্ আর তার্ মূত্তিপূজো গুরিয়্যে ধর্মগুরুগুনে আবিলেচ্ গত্তন্, কিত্যে সেই মূত্তিবোর্ সয়-সাগোজ্যে তারাত্তুন্ দূর্ গরা ওইয়্যে।

হোশেয় 10:8

বৈৎ-আবনর পূজোর্ অজল্ জাগায়ানি, অত্তাৎ ইস্রায়েলর পাপর জাগায়ানি ভস্ত অবঅ। কাদাগাজ্ গোজেই উদিনে তারার্ পূজোগুন ঢাগি ফেলেব। সেক্কে তারা দাঙর্ দাঙর্ পাত্তরুনোরে কবাক্, “আমারে ঢাগি ফেলঅ” আর চিগোন্ চিগোন্ মুড়োগুনোরে কবাক্, “আমা উগুরে পড়অ।”

হোশেয় 11:12

লগেপ্রভু কত্তে, “ইফ্রয়িমর মিজে কধা, ইস্রায়েলর ছলনা মঅ চেরোকিত্তে রোইয়্যে। যিহূদা গোজেনর্, অত্তাৎ সেই বিশ্বেজি সুদ্ধো-সাংগ মানুচ্চোর্ অবাধ্য ওইয়্যে।

হোশেয় 12:1

ইফ্রয়িমে বোইয়্যের্ খায়; তে গোদাদিন্নো পূগো বোইয়্যেরানরে লড়াই আর মিজে কধা আহ্ অত্যেচার বাড়ায়। তে আসিরিয়া লগে আত্ মিলেয়্যে আর মিসররে জলপাইয়র তেল পাধেয়্যে।”

হোশেয় 12:11

গিলিয়দ ভান্ন্যেয় কামে ভরা, তা মানুচ্চুনে অপদাত্ত। তারা গিল্‌গলত্ বোউত বলদ উৎসর্ব গরন্। তারার্ পূজোগুন চাজ্ গোজ্যে ভূইয়োত্ পাত্তর কুড়ো ধোক্ক্যেন বোউত্।

হোশেয় 12:12

যাকোবে অরাম দেজত্ ধেই যেইয়্যে; মোক্ পেবাত্তে ইস্রায়েলে গাবুরো কাম্ আর ভেড়া চোড়েবার কাম গোজ্যে।

হোশেয় 4:12

তারা গাজ মূত্তিগুনো ইধু সল্লা চান্ আর গাজ লুদিক্কুনে তারারে উগুম দে, কিয়া বেভিচার মনানে তারারে ভান্ন্যেই পধেদি নেযেয়্যে; তারা তারার্ গোজেন ইধু অবিশ্বেজি ওইয়োন্।

হোশেয় 5:8

তুমি গিবিয়াত তূরী বাজ আর রামাত শিংগা বাজ। বৈৎ-আবনত্ রঅ ছাড়িনে কঅ, ও বিন্যামীন, যুদ্ধোত্ আমারে পরিচালনা গর্।

হোশেয় 9:15

লগেপ্রভু কত্তে, “গিল্‌গলে তারা তারার্ পাজিগানি আরাম্ভ গোজ্যন, আর সিদু মুই তারারে ঈচ্ গরা ধুরিলুং। তারার্ পাপত্তে মঅ মানুচ্চুনো ভিদিরেত্তুন্ মুই তারারে ধাবেইনে নিগিলে দিম। মুই তারারে আর কোচ্‌‌ ন-পেইম্; তারার্ নেতাগুন বেক্কুন্ উল্লোমী।

আমোষ 4:4

তুমি যেক্কে বৈথেলত্ যেইনে পাপ গুরিবাত্তে চর্ সেক্কে যঅ, পাপ গরঅ; গিল্‌‌‌গলত্ যেইনে আরঅ বেশ্ গুরি গরঅ। পত্তিদিন বেন্যেমাদান্ তমা উৎসর্বর জিনস্‌চানি আর পত্তি তিন দিনোর্ দিন তমা দশ ভাগর্ এক ভাগ জিনিস নেযঅ।‌‌‌‌

আমোষ 5:5

তুমি বৈথেলত্ বা গিল্‌‌গলত্ বা বের্-শেবাত্ ন-যেয়ো, কিত্যে গিল্‌‌গল মানুচ্চুনে হামাক্কায় বন্দী ওইনে অন্য দেজত্ যেবাক্ আর বৈথেলর্ সর্বনাশ অবঅ।”

আমোষ 6:10

সে পরেদি কনঅ কুদুম্মোর্ মরাকিয়্যেনি পুড়িবাত্তে সিয়েনি ঘরত্তুন্ নিগিলিনে নিবাত্তে এবাক্। ঘর ভিদিরে আর কনজন আগন্ কিনা সিয়েনি হবর্ পেবাত্তে তে পুযোর্ গুরিবো, “তুই বাদে আর কনজন আগন্ কি?” সেক্কে সেই ঘর মানুচ্চো কবঅ, “না, নেই।” ইয়োত্ সেই কুদুম্মোবো কবঅ, “জুরো গুরি থাগ্। এন্ কি, লগেপ্রভুর নাঙান্‌অ ন-নিচ্।”

আমোষ 8:14

যিগুনে শমরিয়ার মূত্তিবো নাঙে শমক্ হেইনে কন্, ‘ও দান, তর্ জেদা দেবেদাবোর নাঙে,’ বা কন্, ‘বের্‌-শেবার জেদা দেবেদাবোর নাঙে,’ তারা পড়ি যেবাক্, আর কনদিন্‌অ ন-উদিবাক্।”

ইফিষীয় 5:11

আন্ধারর্ নিষ্ফল কামর্ লগে তমার যোগ ন-থোক্; তুমি বরং সিয়েনির দুচ্‌ দেগেই দুয়ো,

যিহোশূয় 5:9

ইয়েনর্ পরেন্দি লগেপ্রভু যিহোশূয়রে কলঅ‌, “মিসরত্‌ তমার যে অসর্মানান্‌ এলঅ‌ সিয়েন এচ্ছ্যে তমা ইত্তুন্‌ দূর গুরি দিলুং।” সেনত্তেই এজঅ‌ সে জাগায়ানরে গিল্‌গল বিলিনে কন্‌।

যিহোশূয় 7:2

যিহোশূয় যিরীহোত্তুন অয় শঅ‌রত্‌ মানুচ্‌ পাদেল। সে শঅ‌রান এলদে বৈথেল শঅরর্‌ পূগেন্দি বৈৎ-আবন শঅরর্‌ কায়। সেই মানুচ্চুনোরে পাদেবার অক্তত্‌ তে তারারে কোই দিলো্‌, “তুমি যেইনে দেজ্‌চান গমেডালে চেই এজঅ‌।” সেনত্তেই মানুচ্চুনে যেইনে গুমুরোত্ অয় শঅরর্‌ হবর্ নিলাক্‌।