হোশেয় 2:5 - Chakma Bible

⁵ তারার্ মাবো বেভিচের্ গোজ্যে; যে তারারে পেদত্ ধোজ্যে তে লাজ্ গরেপারা কাম্ গোজ্যে। তে কদঅ, মুই মঅ লাঙেগুনো পিজেদি যেইম্; তারা মরে হানা, পানি, পশম, মসীনা, তেল আর পানীয় দি থান্।

হোশেয় 2:5 ပူးပေါင်းရင်းမြစ်များ

যিশাইয় 1:21

হায়, সতী শঅরান্ কিবাবোত্যে বেশ্যে ধোক্ক্যেন্ ওই যেইয়্যে! সিয়েন এক সময়োত্ ন্যায়বিচেরে ভরা এলঅ; গম্ জিনিস্‌ছান সে ভিদিরে বজত্তি গুরিদো; মাত্তর্ ইক্কিনে বজত্তি গত্তন্ খুনিগুনে।

যিশাইয় 50:1

লগেপ্রভু কত্তে, “মুই যে ছুড়্ কাবোজ্‌চান দিইনে তমা মাবোরে দূর্ গুরি দুয়োং সিয়েন কুদু? মর্ লোনদিয়্যেগুনোর ভিদিরেত্তুন্ কাইদু মুই তমারে বিজি দুয়োং? তমা পাপত্তে তুমি বেজা যেইয়ো; তমা অন্যেয়ত্তে তমা মাবোরে দূর্ গরা ওইয়্যে।

যিরমিয় 11:13

যিহূদার যেদক্কানি শঅর্ আর আদাম আঘে সিদুক্কুন দেব-দেবেদায়ো আঘে, আর যিরূশালেমর যেদক্কানি পথ আঘে সেই লাজ্‌গরেপারা বাল দেবেদার নাঙে আগর্‌বাট্টি জ্বালেবাত্তে সিদুক্কুন পূজোয়ো বানা ওইয়্যে।‍‍

যিরমিয় 13:22

যুনি তুই নিজোরে পুযোর্ গরচ্, মঅ উগুরে ইয়েন কি ঘুদিলো? মাত্তর্ ইয়েনর জোব্ অলঅ, তর্ বোউত্ পাপত্তে তঅ কাবড়ান ফাদি ফেলা ওইয়্যে আর কিয়্যে উগুরে অত্যেচার গরা ওইয়্যে।

যিরমিয় 2:20

ভালোক্ দিন আগে তুই তর্ জুঙোল্ ভাঙিনে বান্ন্যেগান ছিনি ফেল্যচ্; তুই কোইয়োচ্চ্যে, মুই তরে সেবা ন-গুরিম্। তুই পত্তি অজল্ মুড়োত্ আর ডেলা পাদায় ছিদি পোজ্যে পত্তি য়্যেল্ গাজর্ তলে বেশ্যে ধোক্ক্যেন ঘুম্ যেইয়োচ্।

যিরমিয় 6:8

ও যিরূশালেম, উজিয়ার কধা শুন, সিয়েন ন-অলে মুই তমাত্তুন্ ফিরি যেইনে তঅ দেজ্‌‌‌‌‌চান ভস্ত আর মানুচ্ নেইয়্যে গুরিম।”

যিহিষ্কেল 16:35

ও বেশ্যে, লগেপ্রভুর কধানি শুন্।

যিহিষ্কেল 16:39

সে পরেদি মুই তরে তর্ লাঙুনো আঢত্ তুলি দিম; তারা তর্ মূত্তির আসনানি ভস্ত গুরি দিবাক্। তারা তর্ কাবড়-চুগোড়ানি খুলি ফেলেবাক্ আর তর্ দোল্ গয়নানি নেযেবাক্ আর তরে এক্কুবারে লাংটা-বাংটা গুরি থোই যেবাক্।

যিহিষ্কেল 16:4

যেদিন্যে তুই জোর্মেয়োচ্ সেদিন্যে তঅ নেইবো কাবা ন-অয়, তরে পানিলোই ধোইনে সাব্ গরা ন-অয়, তঅ কিয়্যেত্ নুন গুলি দেনা ন-অয় বা তরে কাবড়্‌লোই বেড়েইনে লুয়ো ন-অয়।

হোশেয় 1:2

হোশেয়র্ মাধ্যমে পত্তমবার্ কধা কবার সময়োত্ লগেপ্রভু তারে কলঅ, “তুই যেইনে এক্কো বেশ্যে মিলেরে লঅ। তার বেশ্যেমি গরানার পুয়ো-ছাগুনোরেয়ো মানি লবে, কিত্যে এ দেজ্‌‌চান লগেপ্রভুত্তুন্ সুরি যেইনে বেগত্তুন্ জঘন্য বেশ্যের্ দুষে দুষী ওইয়্যে।”

হোশেয় 2:2

তমা মাবোরে গেইল্ দুয়ো, গেইল্ দুয়ো তারে, কিত্যে তে মর্ মোগ্ নয় আর মুইয়ো তার নেক্ নয়। তে তার্ চোগো টার্ মারানাত্তুন্ বেশ্যেগিরি আর তা বুগোত্তুন্ বেভিচের্ দূর গোরোক্।

হোশেয় 2:8

তে স্বীগের্ ন-গুরিদো যে, মুয়ই তারে সেই শোজ্য, নূয়ো আংগুর-রস আর তেল দিদুং, তারে বোউত্ সনা আর রূবো দিদুং, যিয়েনি তে বাল দেবেদাত্তে বেবহার গোজ্যে।

হোশেয় 3:1

লগেপ্রভু মরে কোইয়্যেদে, “যুনিয়ো তঅ মোক্কো অন্য মান্‌জ্য লগে বেভিচের্ গোজ্যে তো তুই যেইনে তারে আরঅ কোচ্‌‌‌‌‌‌‌‌পেচ্‌‌‌‌। ইস্রায়েলীয়গুনে যুনিয়ো দেব-দেবেদা ইন্দি ফিজ্যন্ আর পূজোর্ কিশমিশর পিদে গম্ পান তো লগেপ্রভু যেবাবোত্যে তারারে কোচ্‌‌‌‌‌‌‌পায়, ঠিগ্ সেবাবোত্যেগুরি তুই তঅ মোক্কোরে কোচ্‌‌‌‌‌‌‌পেচ্।”

হোশেয় 4:5

ধর্মগুরুগুন, তুমি দিনোত্ আর রেদোত্ উজোত্ খর্ আর তমা লগে উজোত্ খাদন্ ভাববাদীগুনে। সেনত্তেই মুই তমা মাবো ইস্রায়েলরে ভস্ত গুরি দিম।

হোশেয় 8:9

গায় গায় ঘুরি বেড়েয়্যে ঝার্‌‌বো গাধা ধোক্ক্যেন তারা আসিরিয়া সং যেইয়োন। ইফ্রয়িমে টেঙা দিইনে লাঙেগুনোরে আন্যে।

হোশেয় 9:10

লগেপ্রভু কত্তে, “ধূল্যেচর-চাগালাত্ আংগুর ফল পাইদ্যে ধোক্ক্যেন গুরি ইস্রায়েলরে মুই তোগেইনে পেইয়োং; পত্তমবার ফল দিয়্যে ডোমোর্ গাজর্ আগাম ফল ধোক্ক্যেন তমা পুরোণি মানুচ্চুনোরে দেখ্যং। মাত্তর্ তারা বাল-পিয়োর ইধু যেইনে সেই লাজ্ গরেপারা মূত্তিবো ইধু নিজোরে দি দুয়োন্ আর তারার্ কোচ্‌‌পেইয়্যে মূত্তি ধোক্ক্যেন তারা জঘন্য ওই পোজ্যন্।

আমোষ 8:13

সেদিন্যে দোল্ দোল্ গাবুজ্যে মিলেগুনে আর বোলী গাবুজ্যেগুনে সেই কধানির্ তিরেজে জ্ঞান আরেবাক্।

বিচের গুরিয়্যেগুন 16:23

ইয়েনর্ পরেন্দি পলেষ্টীয়গুনোর শাজন্‌গুরিয়্যেগুনে তারার্‌ দেবেদা দাগোনর্ ইদু এক্কো দাঙর্‌ উৎসর্বর পরব্‌ গুরিনে ফুত্তি গুরিবাত্তে এক্কান জাগাত্‌ এগত্তর্‌ অলাক্‌। তারা কলাক্কে, “আমা দেবেদাবো আমার শত্রু শিম্‌শোনরে আমা আঢত্‌ তুলি দিলো।”