হোশেয় 2:18 - Chakma Bible

¹⁸ সেদিন্যে মুই তাত্তে য়েমান, পেগ্ আর বুগেদি আঢি বেড়েয়্যে প্রাণিগুনো লগে মিজেম। মুই দেজত্তুন্ ধনু, লাম্বাছুরি আর যুদ্ধো দূর্ গুরি দিম যেনে বেক্কুনে গমেডালে ঘুম যেই পারন্।

হোশেয় 2:18 ပူးပေါင်းရင်းမြစ်များ

ইয়োব 5:22

ভস্ত আর ভাদ রাদর্‌ সময় তুই আজিবে; ঝার্‌বো এ্যমানুনোরে তুই ন-দোরেবে।

ইয়োব 5:23

তঅ‌ ভূইয়োত্‌ কনঅ পাত্তর্‌ ন-থেবঅ‌; ঝার্‌বো এ্যমানুনে তরে আক্রমণ ন-গুরিবাক্‌।

গীতসংহিতা 148:10

ও ঝাড়্‌বো য়েমানুন্ আর বেক্ ঘোর্‌বো য়েমানুন্ আর বুক্কোই আঢি বেড়েয়্যে প্রাণী আহ্ ডুয়োবলা পরাণবলাগুন্, তারে নাঙ্ গিনো।

গীতসংহিতা 23:2

তে মরে খলার্ য়েল্ ঘাস উগুরে পড়ায়, মড়ং পানি কুরেয়ো মরে নেযায়।

গীতসংহিতা 46:9

তে পিত্‌থিমীর বেক্ যুদ্ধোগানি বন্ধ গরে, তে ধনুগানি ভাঙে, তে সেলুন্ কট্টা কট্টা গরে, তে রথ্‌তানি আগুনোত্ পুড়ে।

যিশাইয় 2:11

বাড়্‌বো গোজ্যে মান্‌জ্যর রিনি চানাগান্ তলে গরা অবঅ আর বার্‌বোগান্ তলে লামা অবঅ। সেদিন্যে বানা লগেপ্রভুরে সর্মান গরা অবঅ।

যিশাইয় 2:17

মান্‌জ্যর্ বাড়্ গরানাগানরে তলে লামেই দিয়্যে অবঅ আর অহংকারানরে ভস্ত গরা অবঅ। সেদিন্যে বানা লগেপ্রভুরে সর্মান গরা অবঅ,

যিশাইয় 2:4

তে জাদ্‌তুুনো ভিদিরে বিচের্ গুরি দিবো; ভালোক্ দেজর মানুচ্চুনো ভিদিরে মিলেমিলি অবাক্। তারা তারার্ তলোয়ারানি ভাঙিনে নাঙ্গল ফাল্ বানেবাক্ আর যাদিগুন্ ভাঙিনে ঢাল ছাজিবার ছুরি বানেবাক্। এক জাদে অন্য জাদর্ বিরুদ্ধে আর লাম্বাছুরি ন-তুলিবো; তারা আর যুদ্ধো গুরিবাত্তে ন-শিগিবাক্।

যিশাইয় 26:1

সেদিন্যে যিহূদা দেজত্ এ গান্নো গাহ্ অবঅ: আমার্ এক্কান দরমর শঅর্ আঘে; গোজেনর্ দিয়্যে উদ্ধোরান্দোই উদ্ধোর অবঅ তার দেবালান আর রোক্ক্যের্ বেবস্থাগান।

যিশাইয় 32:18

মঅ মানুচ্চুনে সুগে-শান্দিয়্যে থেবার জাগানত্, গমেডালে ঘর-বাড়ি আর যাগুলুক্ নেইয়্যে জিরেবার্ জাগানত্ বজত্তি গুরিবাক্।

যিশাইয় 54:5

তর্ গোজেনে তর্ নেক্, তা নাঙান্ বেগত্তুন্ খেমতাবলা লগেপ্রভু; ইস্রায়েলর সেই সুদ্ধো-সাংগ মানুচ্চো তর্ উদ্ধোরগুরিয়্যে। তারে বেক্ পিত্‌থিমীগানর গোজেন কুয়ো অয়।

যিশাইয় 65:25

হোক্ক্যে বাঘে আর ভেড়া ছঅ এক সমারে হেবাক্, সিংহ গোরু ধোক্ক্যেন ঘাস হেবঅ আর সাপর্ হানা অবঅ ধূল্যে। সিগুনে মর্ সুদ্ধো-সাংগ মুড়োবোত্ কনঅ জাগাত্ কনঅ খেতি ন-গুরিবাক্ বা ভস্ত ন-গুরিবাক্।”

যিরমিয় 23:6

তা সময়োত্ যিহূদা রোক্ষ্যে পেবঅ আর ইস্রায়েলে গমেডালে বজত্তি গুরি পারিবো। তারে লগেপ্রভু আমার উদ্ধোর্ গুরিয়্যে বিলিনে ডাকা অবঅ।

যিরমিয় 30:10

“সেনত্তে ও মর্ চাগর্ যাকোব, ন-দোরেচ্; ও ইস্রায়েল, উচ্চোমি নেইয়্যে ন-ওচ্। মুই দূরো জাগাত্তুন্ তরে আর বন্দী থেইয়্যে দেজত্তুন্ তঅ পুয়ো-ছাগুনোরে হামাক্কায় উদ্ধোর গুরিম। যাকোবে আরঅ শান্তি আহ্ নিরাপদ মনে গুরিবো আর কনজনে তারে দর্ ন-দেগেবাক্।

যিরমিয় 33:16

সে অক্তত্ যিহূদার মানুচ্চুনে উদ্ধোর্ পেবাক্ আর যিরূশালেমর মানুচ্চুনে গমেডালে বজত্তি গুরিবাক্। তারে এ নাঙে ডাগা অবঅ-লগেপ্রভু আমার্ নিদ্দুষিতা।

যিহিষ্কেল 34:25

“‘মুই তারাত্তে ভালেদির্ এক্কান বেবস্থা থিদেবর্ গুরিম আর দেজত্তুন্ চিৎনপুজ্যে য়েমানুনোরে শেজ্ গুরিম যেনে তারা গমেডালে ধূল্যেচর-চাগালাত্ বজত্তি গত্তে আর ঝার-জংগলত্ ঘুমেই পারন্।

যিহিষ্কেল 39:1

ও মান্‌‌‌জ্যর পুয়োবো‌, গোগর বিরুদ্ধে তুই এই আগাম্ কধানি কঅ, প্রভু লগেপ্রভু কোইয়্যেদে, ও মেশক আর তূবলর আজল্ শাজন্‌গুরিয়্যে গোগ, মুই তর্ বিপক্ষে।

সখরিয় 14:4

সেদিন্যে তে এইনে যিরূশালেমর পূগেদি জৈতুন মুড়োবো উগুরে থিয়্যেব; সেক্কে জৈতুন মুড়োবো পূগেন্দিত্তুন্ পোজিমেদি ফাদি যেবঅ আর অদ্দেক্ উত্তোরে আহ্ অদ্দেক্ দোগিণে সুরি যেইনে এক্কান দাঙর্ কলগর্ সিরিস্‌টি গুরিবো।

সখরিয় 14:9

লগেপ্রভুই অবঅ গোদা পিত্‌থিমীগানর্ রাজা। সেদিন্যে মান্‌জ্যে লগেপ্রভুরে এক্কো বানা গোজেন বিলিনে স্বিগের্ গুরিবাক। বানা তা নাঙে উবোসনা গুরিবাক্।

সখরিয় 2:11

সেদিন্যে ভালোক্ জাদে মঅ সমারে মিজেইনে মঅ মানুচ্ অবাক্। মুই তমা ইধু বজত্তি গুরিম।” যেক্কে সিয়েন ঘুদিবো সেক্কে তুমি হবর্ পেবা যে, বেগত্তুন্ খেমতাবলা লগেপ্রভু মরে তমা ইধু পাদেয়্যে।

সখরিয় 3:10

সেদিন্যে তুমি পত্তিজনে তমার্ আংগুর লুদি আর ডোমোর্ গাজ তলাত্ বুজিবাত্তে তমা পাড়াল্যেগুনোরে ভাত্ত্যেবা। মুই বেগত্তুন খেমতাবলা লগেপ্রভু এ কধাগান কঙর্।’ ”

সখরিয় 9:10

মুই ইফ্রয়িমর রথ আর যিরূশালেমর যুদ্ধোর্ ঘোড়া বেক্কুন্ ভস্ত গুরিম আর যুদ্ধোর্ ধনুগানি ভাঙি ফেলা অবঅ। তে জাদ্‌‌‌‌‌‌‌তুনো ইধু শান্তি ফগদাং গুরিবো। তার শাজন সাগরত্তুন্ সাগর্ সং, ইউফ্রেটিস গাঙত্তুন্ পিত্‌‌‌‌থিমীর শেজ্ দুযি সং চলিবো।