হোশেয় 2:10 - Chakma Bible

¹⁰ মুই ইক্কিনে তা লাঙেগুনো চোগো মুজুঙোত্ তার্ লাজেবার কামানি ফগদাং গুরিম; মঅ আঢত্তুন্ কনজনে তারে উদ্ধোর্ ন-গুরিবাক্।

হোশেয় 2:10 ပူးပေါင်းရင်းမြစ်များ

২ বংশধর 24:7

সে বজং মিলেবো অথলিয়ার পুয়োগুনে লগেপ্রভুর ঘরান্‌ ভাঙিনে চোম্মোন্‌ আর সুদ্ধো-সাংগ পযাপিরানিয়ো বাল দেবেদার পূজোত্‌ বেবহার্‌ গোজ্যন্‌।

গীতসংহিতা 50:22

“তুমি যিগুনে গোজেনরে ভুলি যেইয়ো কধাগান একপল্লা ভাবি চেইয়ো; সিয়েন ন-অলে মুই তমারে কট্টা কট্টা গুরি ফেলেম, তমারে বাজেবার কনজন ন-থেবাক্।

গম্ উপদেজ্ 11:21

তুমি হামাক্কায় হবর্ পঅ পাজিগুনে সাজা পেবাক্কে পেবাক্, মাত্তর্ গোজেন ভক্তগুনে কনঅ সাজা ন-পেবাক্।

যিশাইয় 3:17

সেনত্তে লগেপ্রভু সিয়োনর মিলেগুনো মাঢাত্ ঘা গুরি দিবো আর সিয়েনত্ টাক্ পুরিবো।”

যিরমিয় 13:22

যুনি তুই নিজোরে পুযোর্ গরচ্, মঅ উগুরে ইয়েন কি ঘুদিলো? মাত্তর্ ইয়েনর জোব্ অলঅ, তর্ বোউত্ পাপত্তে তঅ কাবড়ান ফাদি ফেলা ওইয়্যে আর কিয়্যে উগুরে অত্যেচার গরা ওইয়্যে।

যিরমিয় 13:26

মুই তঅ কাবড়ানি তঅ মুয়ো উগুরে তুলি দিম যেনে তর্ লাজ্‌চান দেগা যায়।

যিহিষ্কেল 16:16

তর্ কনঅ কনঅ কাবড়্‌লোই তুই পূজোর্ অজল্ জাগায়ান সাজেইনে সিয়েনত্ তর্ বেশ্যের্ কাম চালেয়োচ্। সেবাবোত্যে কাম গরানা তর্ কনদিন্‌অ উজিত্ ন-এলঅ।

যিহিষ্কেল 16:19

মুই তর্ হেবাত্তে তরে যে নিগুজ্ মোইদ্যে, জলপাই তেল আর মধু দুয়োং সিয়েনি তুই তারা মুজুঙোত্ তুম্বাজ্ ইজেবে থদে। মুই প্রভু লগেপ্রভু কঙর্, ইয়েনি বেক্কানি ঘোট্যে।

যিহিষ্কেল 23:29

তারা তরে ঈচ্ গুরিবাক্ আর তর্ দুঘোর্ ফলুন নেযেবাক্। তারা তরে লাংটা-বাংটা আর খালি গুরি থোই যেবাক্। তর্ বেশ্যেগিরির্ লাজানাগান সেক্কে ফগদাং অবঅ। তর্ বেভিচের্ আর বেশ্যেগিরির কারনে ইয়েনি তঅ উগুরে এবঅ, কিত্যে তুই জাদ্‌তুনো লগে বেভিচের্ গোজ্যস্, অত্তাৎ তারার্ মূত্তিগুন দিইনে নিজোরে অসিজি গোজ্যস্।

হোশেয় 10:1

ইস্রায়েল এলদে এক্কান ছিদি যেইয়্যে লুদি; সিয়েনত্ বোউত্ গুলোগুলি ধোজ্যন্। সিয়েন ফলুন্ যেদক বাজ্যন্ সেদক্ বেশ্ সোংখ্যেদি তে পূজো বানেয়্যে; তা দেজত্ যেদক্ ভালেদি ওইয়্যে সেদক্ তে তার্ পূজোর পাত্তরুন দোলেডালে সাজেয়্যে।

হোশেয় 13:1

ইফ্রয়িমে কধা কলে মান্‌‌‌‌জ্যে গির্‌‌‌‌গিরান; ইস্রায়েল গুট্টিগুনো ভিদিরে তে দাঙর্ ওইয়্যে। মাত্তর্ বাল দেবেদা পূজো গুরিবার দুষে দুষি ওইনে তে মোজ্যে।

হোশেয় 2:3

আঃ ন-অলে মুই তারে লাংটা-বাংটা গুরি দিম আর তে তার্ জর্ম দিনোত্ যেবাবোত্যে লাংটা-বাংটা এলঅ সেবাবোত্যে গুরিম। মুই তারে ধূল্যেচর-চাগালা ধোক্ক্যেন গুরিম, উগুজ্যে ভূইয়ো ধোক্ক্যেন গুরি দিম আর পানি তিরেজে তারে মারে ফেলেম।

হোশেয় 6:9

ডাগেত্তুনে যেবাবোত্যে মান্‌‌‌‌‌জ্যরে উৎ পাদিনে বাজ্জেই থান্, সেবাবোত্যেগুরি উৎ পাদিনে থান্ ধর্মগুরুগুনোর দলুন্; তারা শিখিমোত্ যেবার পদথ্ মানুচ্ খুন গরন আর অমকদ অন্যেয় কাম্ গরন।

মীখা 5:8

ভালোক্ জাদ ভিদিরে যাকোবর বাঁজি থেইয়্যে মানুচ্চুন অবাক্ ঝার্‌বো য়েমানুনো ভিদিরে সিংহ ধ‌‌োক্ক্যেন, ভেড়া পাল ভিদিরে বলা সিংহ ধোক্ক্যেন; সেই সিংহবো যেক্কে ভেড়াগুনোর সংমোধ্যেদি যায় সেক্কে তারারে ধুরিনে কট্টা কট্টা গুরি ছিড়ি ফেলায়; কনজনে তারারে উদ্ধোর্ গুরি ন-পারন।

১ করিন্হীয় 4:5

সেনত্তে প্রভু এবার্ আগেদি, অত্তাৎ সেই ঠিগ্ গোজ্জ্যে সময়ানর্ আগে তুমি কনঅ কিচ্চু দুষ্ ধুরিবাত্তে ন-যেয়ো। আন্ধারত্ যিয়েন লুগেইয়্যে আঘে তেয়ই সেক্কে সিয়েন পহ্‌রত্ আনিবো আর মান্‌জ্য মনর্ গুমুরো কধানি ফগদাং গুরিবো। সেই অক্তত্ গোজেনত্তুন্ যে যার্ পাওনার্ বাঈনী পেবাক্।