হোশেয় 14:5 - Chakma Bible

⁵ মুই ইস্রায়েল ইধু শিরো পানি ধোক্ক্যেন ওম্; তে লিলি ফুলো ধোক্ক্যেন ফুদিবো। লেবানন এরস গাজ ধোক্ক্যেন তে তার্ শিঙোরানি তলেদি লামেই দিবো।

হোশেয় 14:5 ပူးပေါင်းရင်းမြစ်များ

২ শমূয়েল 23:4

তে বেন্যেমাদান্ মেঘনেইয়্যে বেলান্‌ পহর্‌ ধোক্ক্যেন্‌; ঝড় দিবার্‌ পরেন্দি বেলঅ পহরত্‌ মাদিত্তুন্‌ ঘাস উদে তে সিয়েনি ধোক্ক্যেন্‌।’

২ রাজাবলী 19:30

যিহূদা-গুট্টির যে মানুচ্চুনে সেক্কেয়ো বাঁজি থেবাক্‌ তারা আর একপল্লা ফোলিবো। তারা গাজঅ ধোক্ক্যেন তলেন্দি শিঙোর্‌ গারেবাক্‌ আর উগুরে ফল ফোলেবাক্‌।

ইয়োব 29:19

মনে গুরিদুং মঅ শিঙোরান্ পানিত্ যেইনে লুমিবো, মঅ ডেলাগুনো উগুরে সারা রেত্তো শিরো পানি পুরিবো;

গীতসংহিতা 133:3

মনে অয় সিয়েন হর্মোণ মুড়োবোত্ পোজ্যে শিরপানি যিয়েন ঝুরি পোজ্যে সিয়োন মুড়োবোত্; কিত্তে লগেপ্রভু সিয়েনত্ বর্ দিয়্যে, আর সেই বরান্ অলঅ উমরর্ জিংকানি।

গীতসংহিতা 72:16

দেজত্ বোউত্ খেত-খেত্তি ওক্, সিগুন মুড়োগুনোর্ মাদাবো সং ওক্। খেত-খেত্তিয়ে লেবানন ঝারর্ শন্‌শন্ রঅ গরে; শঅরত্তুন্ নিগিলি এচ্চ্যে মানুচ্চুনে যেন মাদ ঘাস ধোক্ক্যেন বোউত্ বাড়ন্।

গীতসংহিতা 72:6

ঘাস কাবি নেযেয়্যে ভূইয়ো উগুরে ঝড় পড়িলে যেধোক্ক্যেন অয় তে যেন সেধোক্ক্যেন অয়; তে যেন মাদি ভিস্যে ঝড়নাল ধোক্ক্যেন অয়।

গীতসংহিতা 80:9

তুই সিয়েনত্যে ভুই তেল্-তেল্যে গুরিলে; সিয়েনর শিঙোরান মাদিত্ বুজিনে সারা দেজত্ ছিদি গেলঅ।

গীতসংহিতা 92:12

গোজেন ভক্তগুনে খাজোর গাজ ধোক্ক্যেন্ ফুলে-গুলোগুলিয়ে ভুরি উদিবাক্; তে লেবাননর্ এরস গাজ ধোক্ক্যেন দাঙর্ অবাক্।

গীতসংহিতা 92:13

আমা গোজেন লগেপ্রভুর ঘরত্ যিগুনোর লাগা ওইয়্যে তারা তা উদোনত্ দাঙর্ অবাক্।

গম্ উপদেজ্ 19:12

রাজার রাগ্‌কান সিংহ গুজুরোনি ধোক্ক্যেন্, মাত্তর্ তা দোয়্যেগান যেন ঘাস উগুরে পোজ্যে শিরোপানি।

পরমগীত 2:16

মঅ পরাণ্যে মত্তে আর মুই তার্; তে লিলি ফুলোর্ ঝারত্ বেড়ায়।

পরমগীত 4:5

তর্ বুক্ দ্বিবে যেন লিলি ফুলোর্ ঝারত্ বেড়েয়্যে চুন্নু উরিঙোর্ জামা ছঅ।

যিশাইয় 12:1

সেদিন্যে তুই কবেদে, “ও লগেপ্রভু, মুই তরে বাঈনী গুরিম্, কিত্তে তুই মঅ উগুরে রাগ্‌কান ফগদাং গোজ্যস্;‌ মাত্তর্ ইক্কিনে তঅ রাগ্‌কান থামেয়্যে‌ আর তুই মরে বুঝোর্।

যিশাইয় 18:4

লগেপ্রভু মরে কোইয়্যেদে, “তেল্‌তেল্যে আগাজত্ রোদো তেজ ধোক্ক্যেন্, হরান্যেত্ খেত্-খেত্তি কাবিবার অক্তত্ খুয়ো মেঘ ধোক্ক্যেন্ মুই জুরো গুরিনে মঅ থেবার জাগানত্তুন্ চেই থেম্।”

যিশাইয় 26:19

মাত্তর্ তঅ মরা মানুচ্চুনে বাঁজিবাক্; তারার্ কিয়্যেনি জেদা অবঅ। তুমি যিগুনে ধূল্যেত্ বজত্তি গরর্, তুমি জাগি উদো আর হুজিয়ে রঅ ছাড়। বেন্যে শিরো পানিয়ে যেধোক্ক্যেন্ পিত্‌থিমীগানরে পোত্‌পোত্যে গরে সেধোক্ক্যেন্ গুরি তুই মরাগুনোরে জিংকানি দিবে।

যিশাইয় 27:6

এজেত্তে দিনুনোত্ যাকোবে শিঙোর্ বোজেব, ইস্রায়েলে বোল্ ধোরেইনে ফুল ফুদেব আর গুলো গুলিলোই পুরো সংসারান্ ভোরেই দিবো।”

যিশাইয় 44:3

কিত্তে মুই মাদি ফাদি যেইয়্যে ভূইয়ো উগুরে পানি ঢালিম আর শুগুনো জাগা উগুরেদি পানি গঙার্ বুয়োই দিম। মুই তঅ পুয়ো-ছাগুনো উগুরে মঅ আত্মাগান ঢালি দিম আর তঅ বংশর মানুচ্চুনোরে বর্ দিম।

যিশাইয় 45:8

ও আগাজ্‌‌‌ছান, তুই ভালেদি গুরিবাত্তে ঝড় ফেলাচ্; মেঘ্‌কানে ভালেদি ঢালি দোক্। পিত্‌‌‌‌‌থিমীর বুগ্‌‌‌‌‌কান খুলি যেইনে উদ্ধোরান ভাজি উদোক্ আর সিয়েন সমারে বাড়ি উদোক্ গম্ জিনিস্‌‌‌‌‌চান। মুই লগেপ্রভু ইয়েনর্ বেবস্থা গোজ্যং।

যিশাইয় 57:18

মুই মান্‌জ্যর্ বেক্ বেবহারানি দেখ্যং, তো মুই তারারে গম্ গুরিম। মুই তারারে পরিচালনা গুরিম আর যিগুনে আবিলেচ্ গরন তারারে বুঝেম্।

যিশাইয় 57:19

সেক্কে তারা কবাক্, ‘কায়কুরে আর দূরো বেক্কুনোর ভালেদি ওক্।’ মুই লগেপ্রভু কঙত্তে, মুই তারারে গম্ গুরিম।”

যিরমিয় 3:22

লগেপ্রভু কোইয়্যেদে, “ও ভান্ন্যেই পধেদি যেইয়্যে পুয়োছাগুন, ফিরি এজঅ; তমার্ ভান্ন্যেই পধেদি যেইয়্যে পিড়েনি মুই গম্ গুরি দিম।” সেক্কে ইস্রায়েলীয়গুনে কবাক্, “অয়, আমি তইধু এবং, কিত্তে তুয়ই আমার গোজেন লগেপ্রভু।

যিরমিয় 32:41

মুই হুজি মনে তারারে ভালেদি গুরিম আর মর্ বেক মনান্-পরানান্ দিইনে এ দেজত্ হামাক্কায় তারারে চারা ধোক্ক্যেন লাগেই দিম।

হোশেয় 6:3

আঢঅ, আমি লগেপ্রভুরে স্বীগের্ গুরি নেযেই; তারে হবর্ পেবাত্তে তা পিজেদি যেই। বেলান্ উধেদে ধোক্ক্যেন তে হামাক্কায় ফগদাং অবঅ; ঝড় ধোক্ক্যেন গুরি, বসন্তকালত্ মাদি ভিজেদে ঝড় ধোক্ক্যেন গুরি তে এবঅ।

মীখা 5:7

ভালোক্ জাদ ভিদিরে যাকোবর্ বাঁজি থেইয়্যে মানুচ্চুন অবাক্ লগেপ্রভুত্তুন্ এচ্চ্যে শিরো পানি ধোক্ক্যেন, ঘাস উগুরে ঝড় পড়েদে ধোক্ক্যেন যিয়েনি মান্‌‌‌জ্যর উগুম ন-পড়ে বা সিয়েনি উগুরে নির্ভর ন-গরে।

মীখা 7:18

তঅ ধোক্ক্যেন গোজেন আর কনজন নেই যিবে তার বাঁজি থেইয়্যে মানুচ্চুনোর পাপ আর অন্যেয়ানি খেমা গুরি দে। তুই জিংকানিবর্ রাগ্‌কান পুষি ন-রাগেচ্ বরং তর্ গভীন কোচ্‌পানা দেগাদে হুজি ওচ্।

মথি লেখ্যে গম্ হবর্ 6:28

কাবড়-চুগোড়ত্তে কিত্তে চিন্তে গরঅ? মাদ ফুলুনোর্ কধা ভাবি চঅ সিগুন্ কেধোক্ক্যেন্ গুরি দাঙর্ অন্। তারা কাম্‌অ ন-গরন্, সুদোয়ো ন-কাবন্।

লূকে লেখ্যে গম্ হবর্ 12:27

চিদে গুরি চঅ, ফুলুন্ কিবাবোত্যে গুরি দাঙর্ অন্। সিগুনে কাম্অ ন-গরন্ সূদোয়ো ন-কাবন্। মাত্তর্ মুই তমারে কঙর্, শলোমন রাজা এদক্ সয়-সাগোজ্যে ভিদিরে থেইনেয়ো ইগুনোর্ এক্কানর্‌‌‌অ নিজোরে সাজেই ন-পারে।

ইফিষীয় 3:17

আর বিশ্বেজর্ মাধ্যমে খ্রীষ্ট তমা মনানি পুরোপুরি গুরিনে অধিকার গরে। মুই আরঅ তবনা গরং যেন খ্রীষ্টর্ কোচ্‌পানার মাধ্যমে তুমি গভীন গুরিনে ডুবিইনে থির্ অ,

দ্বি’লম্বর বিররণ 32:2

মর্‌ শিখ্যে পেইয়্যেগানি ঝড় ধোক্ক্যেন গুরি ঝুড়ি পোড়োক্, মর্‌ কধানি শিরোপানি ধোক্ক্যেন গুরি লামি এজোক্‌। আল্‌গা এক ফুদো ঝড় ধোক্ক্যেন গুরি সিয়েন নুয়ো ঘাস উগুরে ঝুড়ি পোড়োক্‌, আর গাজ-বাজঅ উগুরে জদবদে ঝড় ওইনে সিয়েন পোড়োক্‌।