হোশেয় 13:15 - Chakma Bible

¹⁵ যুনিয়ো বা ইফ্রয়িমে তা ভেইয়ুনো ভিদিরে ফলায় তো লগেপ্রভুত্তুন্ এক্কান পূগো বোইয়্যের ধূল্যেচর-চাগালাত্তুন্ বেঈ এবঅ; তার্ পয়নালাবোত্ পানি ন-থেবঅ আর তার্ কুয়োবো শুগেই যেবঅ। তার্ ভান্ডালর্ বেক মংগা জিনিসচানি লুদো অবঅ।

হোশেয় 13:15 ပူးပေါင်းရင်းမြစ်များ

পত্থম 41:23

সে পরেদি সাত্তো শুগুনো, চ'বা শীজে নিগিলিলাক্। সিগুন্‌ পূগে বোইয়্যের গরমে শুগেই যেয়োন।

পত্থম 41:52

সে পরেদি তে তার দ্বিলম্বর পুয়োবোর নাঙান্‌ রাগেল ইফ্রয়িম (যিয়েনর্ ভেদ্‌তান্ “ফলবান”)। তে কলঅ, “যে দেজত্‌ মুই দুঘ্ পেইয়োং সে দেজত্‌ গোজেনে মরে ফলবান গোজ্যে।”

পত্থম 41:6

সে পরেদি নিগিলিলাক্ আরঅ সাত্তো চবা শিজে। ইগুন্‌ পূগে বোইয়্যেরর্ গরমে শুগেই যেইয়োন।

পত্থম 48:19

মাত্তর্‌ তা বাবে সেক্কে আবিত্তি জানেইনে কলঅ, “মুই সিয়েন্‌ হবর্‌ পাং বাবা, মুই দঅ হবর্‌ পাং। তেয়ো দাঙর্ অবঅ আর তা বংশ মানুচ্চুনে এক্কো জাদ্ ওইনে উদিবাক্। মাত্তর্‌ তা চিগোন্‌ ভেইবো তাত্তুন্‌ বেশ্‌ দাঙর্‌ অবঅ আর্‌ তা বংশ মানুচ্চুনো ভিদিরেত্তুন্‌ ভালোক্কুন্‌ জাদ্ উদিবাক্।”

পত্থম 49:22

যোষেফে যেন গুলো ভরা গাজঅ ধোক্ক্যেন, পানি পারত্‌ গুলোই ভোজ্যে গাজ; তা ডেলাগুন্‌ দেবাল ছিদি পোজ্যন।

ইয়োব 18:16

তলেদি তার্‌ শিঙোরান্ শুগেই যেবঅ আর উগুরে তার্‌ ডেলা-পাদানি মুরি যেবঅ।

গীতসংহিতা 1:4

মাত্তর্ পাজিগুনে সেবাবোত্যে নয়; তারা যেন বোইয়্যেরে উড়ি যেইয়্যে তুজো ধোক্ক্যেন্।

গীতসংহিতা 109:13

তারার গুট্টিগুনোরে মারে ফেলা ওক্; তারার পুয়ো ছাগুনোর্ নাঙানি বাদ দিয়া ওক্।

যিশাইয় 14:21

তারার্ পুরোণি মানুচ্চুনোর্ পাপত্তে তারার্ ঝি-পুয়োগুনোরে মারে ফেলেবাত্তে এক্কান জাগা ঠিগ্ গরঅ। দেজ্‌‌ছান গজক্ গুরিবাত্তে তারা আর্ ন-উদিবাক্; তারা পিত্‌থিমীগানরে আর তারার্ শঅরান্দোই পরিপুরোন্ গুরি ন-পারিবাক‌্।”

যিশাইয় 17:13

দর্‌‍‍গরেপারা বান পানি রঅ ধোক্ক্যেন যুনিয়ো মানুচ্চুনে গুজুরোদন্, তো তে ধমক্ দিলে তারা দূরোত্ ধেই যেবাক্। বোইয়্যের মুয়োত্ মুড়ো-মুড়ি উগুরেগান তুজো ধোক্ক্যেন, ঝড় মুয়োত্ ধূল্যে ধোক্ক্যেন তারারে ধাবেই দিয়্যে অবঅ।‍

যিশাইয় 27:8

তে বিচের্ গুরিনে তারে নিগিলেই দিয়্যে, মাত্তর্ সিয়েনত্ পাওনাত্তুন্ বেশ্ সাজা দিয়্যে ন-অয়; পুগো বোইয়্যের ধোক্ক্যেন্ গুরি তা অমকদ ঝাবুদোলোই তে তারে ধাবেইনে নিগিলেই দিয়্যে।

যিশাইয় 41:16

তুই সিগুনোরে ঝারিলে বোইয়্যেরানে তারারে তুলি নেযেব আর তুট্যেবোইয়্যেরানে তারারে ছিদি দিবো। মাত্তর্ তুই লগেপ্রভুরে নিইনে হুজি গুরিবে আর ইস্রায়েলর সেই সুদ্ধো-সাংগ মানুচ্চো তর্ বাঈনী গুরিবার জিনিস অবঅ।

যিরমিয় 20:5

মুই এ শঅরর্ বেক ধন-সোম্বোত্তিগানি, অত্তাৎ তারার খেদর্ শোজ্য আর মংগা মংগা জিনিস আর যিহূদার রাজাগুনোর বেক্ ধনভান্ডালুন্ তারার শত্রুগুনো আঢত্ তুলি দিম। তারা সিগুন লুদেইনে বাবিলোত্ নেযেবাক্।

যিরমিয় 4:11

সে অক্তত্ লগেপ্রভু এ মানুচ্চুনোরে আর যিরূশালেমরে কবদে, “ধূল্যেচর-চাগালার গাজ্ পাদা নেইয়্যে মুড়োগুনোত্তুন গরম বোইয়্যের মঅ মানুচ্চুনো ইন্দি এজের্, মাত্তর্ সিয়েন শোজ্য ঝাড়িবার বা কাজেবার বোইয়্যের নয়;

যিরমিয় 4:12

মর্ উগুমে এচ্চ্যে সে বোইয়্যেরানর জোর্ অমকদ বেশ্। এবাবোত্যেগুরি মুই ইক্কিনে তারা বিরুদ্ধে মর্ বিচেরর্ রায়য়ান দিম্।”

যিরমিয় 51:1

লগেপ্রভু কোইয়্যেদে, চাহ্, লেব্‌-কামাই, অত্তাৎ বাবিল আর তা মানুচ্চুনো বিরুদ্ধে ভস্তগুরিয়্যে বোইয়্যেরানরে মুই আনঙর্।

যিরমিয় 51:36

সেনত্তে লগেপ্রভু কত্তে, ও যিরূশালেম, মুই তর্ তপ্পে ওম্ আর তর্ ওইনে হেনা সুজিম্; মুই তা সাগরান শুগেই ফেলেম আর বেক্ পয়নালাগুন শুগুনো বানেম।

যিহিষ্কেল 17:10

যুনিয়ো তারে গমেডালে লাগা ওইয়্যে তো তে ন-বাঁজিবো। যে ভুইয়োত্ তে বাড়ি উঠ্যে সিয়েনত্ পূগো বোইয়্যেরে তে এক্কুবারে শুগেই যেবঅ।’”

যিহিষ্কেল 19:12

মাত্তর্ লগেপ্রভু তার রাগে সিবে উগুরেনে মাদিত্ ফেলেই দিলো। পূগে বোইয়্যেরে সিবে শুগেই গেলঅ, তা গুলোগুলিগুন ঝুরি পড়িলাক্; তার দরমর ডেলাগুন ভাঙিনে শুগেই গেলাক্, আর আগুনানে সিগুন পুড়ি ফেলেল।

দানিয়েল 11:8

তে তারার্ দেব-দেবেদা, ধাতুলোই বানেয়্যে বেক্ মূত্তিগুন আর রূবো, সনার্ মংগা মংগা জিনিস্ গজক্ গুরিনে মিসরত্ নেযেব। কয়েক বজর্ তে উত্তোর রাজা উগুরে কিচ্চু ন-গুরিবো।

হোশেয় 10:1

ইস্রায়েল এলদে এক্কান ছিদি যেইয়্যে লুদি; সিয়েনত্ বোউত্ গুলোগুলি ধোজ্যন্। সিয়েন ফলুন্ যেদক বাজ্যন্ সেদক্ বেশ্ সোংখ্যেদি তে পূজো বানেয়্যে; তা দেজত্ যেদক্ ভালেদি ওইয়্যে সেদক্ তে তার্ পূজোর পাত্তরুন দোলেডালে সাজেয়্যে।

হোশেয় 2:3

আঃ ন-অলে মুই তারে লাংটা-বাংটা গুরি দিম আর তে তার্ জর্ম দিনোত্ যেবাবোত্যে লাংটা-বাংটা এলঅ সেবাবোত্যে গুরিম। মুই তারে ধূল্যেচর-চাগালা ধোক্ক্যেন গুরিম, উগুজ্যে ভূইয়ো ধোক্ক্যেন গুরি দিম আর পানি তিরেজে তারে মারে ফেলেম।

হোশেয় 4:19

সাজাগানে বোইয়্যের ধোক্ক্যেন গুরি যেন তারারে উরেই নেযেব; তারার্ উৎসর্বর অনুষ্ঠানানিত্তে তারা লাজ্ পেবাক্।”

হোশেয় 9:11

ইফ্রয়িমর বাঈনী গোজ্যে পেগো ধোক্ক্যেন উড়ি যেবঅ; সেক্কে পুয়ো-ছার্ জর্ম ন-অবাক্, কনজনে পিদিলী ন-অবাক্ আর কনজনে পুয়ো-ছা পেদত্ ন-ধুরিবাক্।

যোনা 4:8

যেক্কে বেলান্ উদিলো সেক্কে গোজেনে গরম পূগো বোইয়্যের্ বেঈ দিলো; সেক্কে যোনা মাঢাবোত্ এমন রোদ বাঁজিলো যে, তে পেরায়্ অজ্ঞান অইদ্যে ধোক্ক্যেন অলঅ। সেক্কে তে মুরিবাত্তে চেইনে কলঅ, “মর্ বাঁজি থানাত্তুন মুরি যানা গম্।”

নহূম 2:9

তার রূবোগানি লুদো, সোনাগানি লুদো। ইয়েনি বেক্কানি ন-ফুরেইয়্যে; ইয়েনি তার বেক্কানি ধন ভান্ডালর্ ধন-সম্পদ।

দ্বি’লম্বর বিররণ 33:17

তার মহিমাগান পত্তমে জর্মেয়্যে বলদ গোরু ধোক্ক্যেন, তা মাদাত্‌ আঘেদে ঝার্‌বো বলদ গোরুর শিং। সিগুন্‌দোই তে গুদেব দুনিয়ের বেক জাদরে, এন্‌ কি, ইয়েনর শেজ্‌ দুযিগানর্ জাদ্‌তুনোরেয়ো। এবাবোত্যে অবঅ ইফ্রয়িমর লাখ্ লাখ্ আর মনঃশির আজার আজার মানুচ্‌।”