হোশেয় 12:2 - Chakma Bible

² যিহূদার বিরুদ্ধে লগেপ্রভুর এক্কান আবিত্তি আঘে; যাকোবর আচার-বেবহার মজিম্ তে তারে সাজা দিবো আর তার্ কাম মজিম্ ফল দিবো।

হোশেয় 12:2 ပူးပေါင်းရင်းမြစ်များ

২ রাজাবলী 17:4

মাত্তর্‌ আসিরিয়ার রাজা হবর্‌ পেলদে, হোশেয় এক্কো বেঈমান, কিত্তে তে মিসরর সো রাজা ইদু দূত পাদেয়্যে আর আসিরিয়ার রাজারে বজরকে বজর্‌ যে হাজানাগুন্‌ দি এজের্‌ সিগুন্‌ আর্‌ ন-দের্‌। সেনত্তে শল্‌মনেষর হোশেষরে ধুরিনে জেলোত্‌ দিলো।

ইয়োব 15:2

কনঅ জ্ঞানী মান্‌জ্যে কি এধোক্ক্যেন্ গুরিনে অনত্তক্ কধা কবঅ বা পূগো গরম বোইয়্যেরলোই পেত্‌ ভোরেব?

গীতসংহিতা 78:36

মাত্তর্ তারা সেক্কেনে মুয়োন্দি ছলনা গুরিলাক্, জিল্লোই তাইদু মিজে কধা কলাক্।

উপদেশক 5:15

মা পেদত্তুন্ মানুচ্ লাংটা-বাংটা এজন্; তে যেধোক্ক্যেন্ এজে সেধোক্ক্যেন্ গুরি যায়। তা কামানির্ কনঅ কিজু তে আঢত্ গুরি নেযেই ন-পারে।

যিশাইয় 10:12

প্রভু সিয়োন মুড়ো আর যিরূশালেম বিরুদ্ধে তার্ বেক কামানি থুম্ গুরিনে কবদে, “আসিরিয়া রাজার অহংকারী মনর্ কামানি আর তার বাড়্‌‌বো চোগ্‌‌কুনোত্তে মুই তারে সাজা দিম্,

যিশাইয় 10:6

মুই তারে গোজেন উগুরে ভোক্তিনেইয়্যে এক্কো জাদ বিরুদ্ধে পাদাঙর্ আর যিগুনে মঅ রাগ্‌‌কান তুলি দুয়োন্ তারা বিরুদ্ধে পাদাঙর্ যেন তে লুদেই পারে আর কাড়ি নেযেই পারে আর পদ কাদা ধোক্ক্যেন্ গুরি তারারে টেঙোই মাড়ি পারে।

যিশাইয় 24:21

সেদিন্যে লগেপ্রভু আগাজ উগুরে বেগত্তুন্ খেমতাবলাগুনোরে সাজা দিবো, আর পিত্‌থিমীত্ রাজাগুনোরে সাজা দিবো।‌‌

যিশাইয় 3:11

হায়! পাজিগুন্! তারা উগুরে দজা এবঅ। তারা যিয়েনি গোজ্যন্ তারা সিয়েনির পাওনাগান্ পেবাক্।

যিশাইয় 30:6

নেগেভ এ্যামানুনো পৌইদ্যেনে আগাম্ কধা ইয়েন: সেই দূত্‌তুনে দুঘ্ আর দুদ্দজাত্ পোজ্যে দেজ ভিদিরেদি আর সিংহ আর সিংহী, বিষ্‌বলা সাপ আর উড়্‌বো বিষ্‌বলা সাপ দেজ ভিদিরেদি যা‍‌ন্।

যিশাইয় 59:18

মানুচ্চুনে যিয়েনি গোজ্যন সিয়েনি তে তারারে ফিরেই দিবো; তা বিপক্ষগুনো উগুরে রাগ্ ঢালি দিবো আর শত্রুগুনোর ভান্ন্যেই কামর্ সাজা দিবো। দূর দেজ মানুচ্চুনোর যিয়েনি পাওনা সিয়েনি তে তারারে দিবো।

যিরমিয় 25:31

পিত্‌থিমীর শেজ্ ধুজি সং সেই রবো শুনো যেবঅ, কিত্তে লগেপ্রভু জাদ্‌তুনো বিরুদ্ধে আবিত্তি গুরিবো। তে বেক্ মানুচ্চুনোর বিচের্ গুরিবো আর তলোয়ার ইদু পাজিগুনোরে তুলি দিবো‌‌।’ ”

হোশেয় 2:13

যেদক্ দিন সং তে বাল দেবেদাগুনোর্ নাঙে আগর্‌বাট্টি জ্বালেয়্যে আর আন্দিক্ আর গহনা-গাটি দিইনে নিজোরে সাজেইনে তা লাঙুনে ইন্দি যেইনে মরে ভুলি যেয়্যেগোই সেদক্ দিনোত্তে মুই তারে সাজা দিম। মুই লগেপ্রভু এ কধাগান কঙর্।

হোশেয় 4:1

ও ইস্রায়েলীয়গুন, তুমি লগেপ্রভুর কধানি শুনো, কিত্যে যিগুনে দেজত্ বজত্তি গরন্ তারা বিরুদ্ধে লগেপ্রভুর এক্কান আবিত্তি আঘে। সিয়েন অলঅ, দেজত্ বিশ্বেজ্ আর গভীন্ কোচ্‌পানা নেই আর গোজেনরে কনজনে সত্য গুরি ন-জানন্;

হোশেয় 4:9

যেবাবোত্যেগুরি মানুচ্চুনোরে সেবাবোত্যে ধর্মগুরুগুনোরেয়ো সাজা দিয়্যে অবঅ; তারার্ আচার-বেবহারত্তে তারারে বেক্কুনোরে মুই সাজা দিম আর তারার্ কাম মজিম্ ফল দিম।

হোশেয় 7:1

যেক্কে মুই মঅ মানুচ্চুনোর্ অবস্থা ফিরেবাত্তে চাং, যেক্কে ইস্রায়েলরে গম্ গুরিবাত্তে চাং, সেক্কে ইফ্রয়িমর পাপ দেগা যায় আর শমরিয়ার অন্যেয়ানি ফগদাং অয়। তারা ছলনা গরন্, ঘরত্ চুর্ সমন্ আর বারেদি ডাগেত্তুনে লুদোন্;

হোশেয় 7:11

ইফ্রয়িমে যেন এক্কো অঘা কোদোর্; তে এক্কুবারে বুদ্ধি নেইয়্যে। একবার তে মিসররে ডাগে আর একবার যায় আসিরিয়া ইধু।

হোশেয় 7:2

মাত্তর্ তারা ন-বুঝোন্, তারার্ বেক অন্যেয় কামানি মুই ইদোত্ রাগাং। তারার পাপ্‌‌‌‌‌‌পানিয়ে পুরোপুরি গুরিনে তারারে ঘিরি রাগেয়্যে; সিয়েনি নিত্য মঅ মুজুঙোত্ রোইয়্যে।

হোশেয় 8:10

যুনিয়ো তারা নানান্ জাদ লগে টেঙা দিইনে দাংগুত্ব গোজ্যন্ তো ইক্কিনে মুই তারারে একলগে এগত্তর্ গুরিনে সাজা দিম। তারা শাজন্‌গুরিয়্যেগুনোর্ রাজার অত্যেচারে ক্ষয় ওই যেবাক্।

হোশেয় 8:13

তারা মঅ নাঙে য়েমান-উৎসর্ব গুরিনে সিগুনোর য়েরানি হান্ মাত্তর্ মুই লগেপ্রভু তারা উগুরে হুজি নয়। ইক্কিনে মুই তারার্ পাজিগানির্ কধা ইদোত্ তুলিনে পাপর্ সাজা দিম; তারা মিসরত্ ফিরি যেবাক্।

হোশেয় 8:9

গায় গায় ঘুরি বেড়েয়্যে ঝার্‌‌বো গাধা ধোক্ক্যেন তারা আসিরিয়া সং যেইয়োন। ইফ্রয়িমে টেঙা দিইনে লাঙেগুনোরে আন্যে।

হোশেয় 9:15

লগেপ্রভু কত্তে, “গিল্‌গলে তারা তারার্ পাজিগানি আরাম্ভ গোজ্যন, আর সিদু মুই তারারে ঈচ্ গরা ধুরিলুং। তারার্ পাপত্তে মঅ মানুচ্চুনো ভিদিরেত্তুন্ মুই তারারে ধাবেইনে নিগিলে দিম। মুই তারারে আর কোচ্‌‌ ন-পেইম্; তারার্ নেতাগুন বেক্কুন্ উল্লোমী।

হোশেয় 9:9

গিবিয়ার সময়োত্ যেবাবোত্যে এলঅ সেবাবোত্যে ইস্রায়েলীয়গুনে অন্যেয় ইধু ডুবি যেইয়োন। গোজেনে তারার্ পাজির্ কধানি ইদোত্ তুলিবো আর তারার্ পাপত্তে সাজা দিবো।

আমোষ 2:4

লগেপ্রভু কত্তে, “যিহূদার তিনেন্ পাপ, এন্ কি, চেরান পাপর্ কারনে মুই হামাক্কায় তারে সাজা দিম, কিত্যে তা মানুচ্চুনে লগেপ্রভুর্ রীদি-সুদোমানি এলাফেলা গোজ্যন্, আর তার্ সুদোমানি ন-পালান। তারার্ পুরোণি মানুচ্চুনে যে মিজে দেব-দেবেদার্ পিজেদি যেইয়োন তারায়ো সে পধেদি যেইয়োন্।

মীখা 6:2

ও মুড়ো-মুড়িগুন, তুমি লগেপ্রভুর আবিত্তিগানি শুনো; ও পিত্‌‌‌‌‌‌‌‌‌‌থিমীর উমর খুদোগুন, তুমিয়ো শুনো। ইয়েনর কারনান্ তা মানুচ্চুনো বিরুদ্ধে লগেপ্রভুর কিজু কবার্ আঘে; তে ইস্রায়েল বিরুদ্ধে এক্কান মাম্‌‌‌‌‌‌‌‌‌‌‌লা দিয়্যে।

মথি লেখ্যে গম্ হবর্ 16:27

মান্‌জ্য পুয়োবো তা স্বর্গদূত্তুনোরে সমারে নিইনে তা বাবর্ মহিমালোই এজের্। সেক্কে তে পত্তি মান্‌জ্যরে তারার্ কাম মজিম্ ফল দিবো।

রোমীয় 2:6

তে পত্তিজনরে তারার্ কাম্ ইজেবে ফল দিবো।

গালাতীয় 6:7

তুমি ভুল্ ন-গোজ্জ্য, গোজেন সমারে তামাজা ন-চলে; কিয়া যে যিয়েন লাগেব, তে সিয়েনই কাবিবো।