হোশেয় 12:14 - Chakma Bible

¹⁴ মাত্তর্ ইফ্রয়িমে লগেপ্রভুরে অমকদ অহুজি গোজ্যে; সেনত্তে তা গিরোজ্‌‌‌সো তার্ ভান্ন্যেই কামানিত্তে তারে দায়ী গুরিবো আর তে যে অগমান গোজ্যে সেই অগমানান্ তারে ফিরেই দিবো।

হোশেয় 12:14 ပူးပေါင်းရင်းမြစ်များ

২ শমূয়েল 1:16

দায়ূদে সে গাবুজ্যেবোরে কলদে, “তর্‌ মরণানত্তে তুই নিজেই দায়ী, কিত্যে তর্‌ মুয়ো কধানি তর্‌ বিরুদ্ধে সাক্ষী দিয়্যেদে, লগেপ্রভুর অভিষেগ গোজ্যে মানুচ্চোরে তুই মারে ফেলেয়োচ্‌।”

যিহিষ্কেল 18:10

ইক্কিনে মনে গর, সে মানুচ্চোর্ এক্কো অত্যেচারী পুয়ো আঘে। তে লো ঝরায় বা অন্য কনঅ ভান্ন্যেই কাম্ গরে যিয়েনি তা বাবে কনদিন্‌অ ন-গরে। তে মুড়োমুড়ি উগুরে পূজোর্ জাগায়ানিত্ হানা-দানা গরে। তে আদাম মিলেরে বর্‌‌বাত্ লাগায়।

যিহিষ্কেল 18:13

তে সুদি টেঙা উদোর্ দে আর বেশ্ সুদ নেযায়। সেই পুয়োবো কি বাঁজিবো? তে ন-বাঁজিবো। এই বেক্ জঘন্য কামানি গোজ্যে বিলিনে তে মুরিবোদে মুরিবো। তে তার মরণত্তে নিজেই দায়ী অবঅ।

যিহিষ্কেল 33:5

তূরীর রঅ শুনিনেয়ো তে উজিয়ার ন-অয় বিলিনে তার মরণত্তে তে নিজেই দায়ী থেবঅ। তে যুনি উজিয়ার অদঅ সালে নিজোরে রোক্ষ্যে গুরি পারিদো।

দানিয়েল 11:18

সে পরেদি উত্তর রাজা দূরোর দেজ্‌‌‌‌‌চানি ইন্দি মনযোগ দিবো আর ভালোক্কানি দেজ্ গজক্ গুরি নিবো, মাত্তর্ এক্কো সেনাপতি তার সেই জিদেনার বাড়্‌বোগান্ শেজ্ গুরি দিবো আর তার্ ঈচ্ গরানাগান তা উগুরে ফিরেই দিবো।

হোশেয় 4:2

আগে বানা শমক্ ভাঙানা, মিজে কধা কনা, খুন্ গরানা, চুর্ গরানা আর বেভিচের্ গরানা। তারা আইন অমান্য গরন আর লো ঝরানা উগুরে লো ঝরান্।

হোশেয় 7:16

তারা স্বর্গ ইন্দি ন-ফিরোন্; তারা বেঙাটেরা এক্কান ধনু ধোক্ক্যেন। তারার্ নেতাগুনে তারার্ অহংকারবলা কধাবাত্তানিত্তে মুরি যেবাক্, আর সেনত্তে ইস্রায়েলীয়গুনে মিসর দেজত্ আজি-তামাজার্ মান্‌জ্য ধোক্ক্যেন অবাক্।‌‌‌‌‌‌‌‌

মীখা 6:16

তুমি অম্রির রীদি-সুদোমানি পালেয়ো আর আহাব বংশর বেক্ অভ্যেস্ মজিম্ চোল্য। তুমি তারার্ সল্লা মজিম্ চোল্য। সেনত্তে মুই ভস্তর্ আঢত্ আর ঠাট্টা-মশ্‌‌কারীগুরিয়্যে গুনোর আঢত্ তমারে তুলি দিম; মঅ মানুচ্ ইজেবে তমার্ অসর্মান ভুগো পুরিবো।”

দ্বি’লম্বর বিররণ 18:15

তমার গোজেন লগেপ্রভু তমার ইস্রায়েলীয় ভেইয়ুনো ভিদিরেত্তুন তমাত্তে মঅ ধোক্ক্যেন এক্কো ভাববাদী যুক্কোল্‌ গুরিবো। তার কধামঝিম তমাত্তুন চলা পুরিবো।

দ্বি’লম্বর বিররণ 18:18

মুই তারার্‌ ইস্রায়েলীয় ভেইয়ুনো ভিদিরেত্তুন তারাত্যে তঅ ধোক্ক্যেন এক্কো ভাববাদী যুক্কোল্‌ গুরিম। তা মুয়ন্দি মুই মর্‌ কধানি কোম্‌, আর মুই যিয়েনি কবাত্তে তারে উগুম দিম্‌ সিয়েনি তারারে কবঅ।

দ্বি’লম্বর বিররণ 28:37

লগেপ্রভু তমারে যিদুক্কুন জাদ ভিদিরে ধাবেই দিবো তারা তমার অবস্থা দেগিনে দরে গির্‌গিরে উদিবাক, আর তারা তমারে ঈস্ গুরিবাক আর ভান্ন্যেই কধান্দি গুবিবাক।

১ শমূয়েল 2:30

“সেনত্তেই ইস্রায়েলীয়গুনোর গোজেন লগেপ্রভু কত্তে, ‘মুই হামাক্কায় কোইয়োঙে, তর্‌ আর তর্‌ পুরোণি মানুচ্চুনোর বংশর মানুচ্চুনে সারা জিংকানিবর্‌ মর্‌ সেবা কাম গুরিবাক্’; মাত্তর্‌ ইক্কিনে লগেপ্রভু কত্তে, ‘সিয়েন আর ন-চলিবো। যিগুনে মরে সর্মান গুরিবাক্ মুই তারারে সর্মান গুরিম আর যিগুনে মরে ঈচ্ গুরিবাক্ তারারে ঈচ্ গরা অবঅ।