হোশেয় 11:2 - Chakma Bible

² মাত্তর্ মুই ইস্রায়েলরে যেদক্ ডাগিলুং সেদক্ তে মত্তুন্ দূরোত্ সুরি গেলঅ। তা মানুচ্চুনে বাল দেবেদা ইধু য়েমান-উৎসর্ব গরা ধুরিলাক্ আর মূত্তিগুনো ইধু আগর্‌বাট্টি জ্বালা ধুরিলাক্।

হোশেয় 11:2 ပူးပေါင်းရင်းမြစ်များ

১ রাজাবলী 12:33

আস্‌তো মাজর্‌ পন্দর দিনোর্‌ দিন্নোত্‌ বৈথেলত্‌ তার বানেয়্যে ডালিপূজোবোত্‌ তে এ্যমান্‌ উৎসর্ব গুরিলো। সময়ান তার নিজোর্‌ বেঈ নেযেয়্যে। এবাবোত্যেগুরি তে ইস্রায়েলীয়গুনোত্তে পরবর্‌ বেবস্থা গুরিলো আর এ্যমান্‌ উৎসর্ব গুরিবাত্তে ডালিপূজোত্‌ উদিলো।

১ রাজাবলী 18:19

ইক্কিনে মানুচ্‌ পাদেইনে ইস্রায়েলর্‌ বেক্কুনোরে কর্মিল মুড়োবোত্‌ মইদু এগত্তর্‌ গর্‌। ঈষেবলের টেবিলোত্‌ বাল দেবেদার যে চেরশঅ পঞ্চাশজন ভাববাদী আর আশেরার চেরশঅ জন ভাববাদীরে হানা-দানা হাবেইনে তারারে আন্‌।”

নহিমিয় 9:30

মাত্তর্‌ তো ভালোক্‌ বজর্‌ ধুরিনে তুই তারার্‌ উগুরে ধৈয্য ধোজ্যস্‌। তর্‌ ভাববাদীগুনোর্‌ মাধ্যমে তঅ আত্মালোই তু্‌ই তারারে উজিয়ার্‌ গোজ্যস্‌, মাত্তর্‌ সেক্কেয়ো তারা কান ন-পাদন্‌। সেনত্তেই নানান্‌ জাদর্‌ আঢত্‌ তুই তারারে তুলি দুয়োচ্‌।

যিরমিয় 18:15

মাত্তর্ মঅ মানুচ্চুনে মরে ভুলি যেইনে বাজে মূত্তি ইধু আগর্‌বাট্টি জালাদন। তারা ঠিগ্ পধত্তুন উজোত্ হেইনে সেই পুরোনা পধেদি আর্ আঢাউদো ন-গত্তন। তারা গম্ পধ্‌‌থান ছাড়িনে ভান্ন্যেই পধেদি চলদন।

যিরমিয় 44:5

মাত্তর্ তারা সিয়েনত্ কান্‌‍অ ন-পাদন, মনযোগ্‌অ ন-দুয়োন; তারা তারার পাজিগানিত্তুন্ ন-ফিরোন বা দেব-দেবেদাগুনো ইধু আগর্‌বাট্টি জ্বালানাগান্‌অ ন-থামান।

হোশেয় 11:7

মঅ মানুচ্চুনে মত্তুন্ ফিরি যানা থির্ গোজ্যন্। সেনত্তে তারা দাঙর্ গোজেনরে, অত্তাৎ মরে ডাগিলেয়ো মুই তারারে মোটেই সাহায্য ন-গুরিম।

হোশেয় 2:13

যেদক্ দিন সং তে বাল দেবেদাগুনোর্ নাঙে আগর্‌বাট্টি জ্বালেয়্যে আর আন্দিক্ আর গহনা-গাটি দিইনে নিজোরে সাজেইনে তা লাঙুনে ইন্দি যেইনে মরে ভুলি যেয়্যেগোই সেদক্ দিনোত্তে মুই তারে সাজা দিম। মুই লগেপ্রভু এ কধাগান কঙর্।

হোশেয় 4:13

মুড়ো তোগোনোত্ তারা য়েমান উৎসর্ব গরন্ আর মুড়ো উগুরে অলোন, লিব্‌‌‌নী আর এলা গাজর্ তলে যিয়েনত্ ছাবালোই আরাম দে সিয়েনত্ তারা আগর্‌বাট্টি জ্বালান। সেনত্তে তমা মিলেগুন বেশ্যে অন্ আর ফুদো বৌগুনে বেভিচের্ গরন।

হোশেয় 4:17

ইফ্রয়িমে মূত্তিগুনো লগে মিজেয়্যেগোই; তারে সিয়েনই গুরিবাত্তে দুয়ো।

সখরিয় 1:4

তুমি তমা পূরোণি মানুচ্চুনো ধোক্ক্যেন ন-ওইয়ো। তারা ইধু আগ ভাববাদিগুনে মর্ এ কধাগান ফগদাং গোজ্যন্দে যে, তারা যেন তারার ভান্ন্যেই পথ আর ভান্ন্যেই অভ্যেসত্তুন্ ফিরোন্। মাত্তর্ তারা সিয়েন ন-শুনোন্ আর মঅ কধাগান মনযোগঅ ন-দুয়োন।

সখরিয় 7:11

“মাত্তর্ তারা সিয়েনি শুনিবাত্তে ন-চান্; একবুস্যে গুরি তারা পিজেদি ফিরিনে তারার্ কানানি নাঢি রাগেয়োন।

লূকে লেখ্যে গম্ হবর্ 13:34

“যিরূশালেম! হায় যিরূশালেম! তুই ভাববাদীগুনোরে খুন্ গুরি থাচ্ আর তমা ইধু যিগুনোরে গোজেনর্ হবর্ কোইয়্যে দিপাধা অয় তারারে পাত্তর্ মারি থাচ্। কুরো শর্মা যেবাবোত্যেগুরি ছঅগুনোরে তা ডুয়োনিলোই এগত্তর্ গরে ঠিগ্ সেবাবোত্যেগুরি মুই কয়বার্ তঅ মানুচ্চুনোরে মইধু এগত্তর্ গুরিবাত্তে চেইয়োং, মাত্তর্ তুমি রাজী ন-অ।

যোহন 3:19

তারে দুষি বিলি ঠিগ্ গরা ওইয়্যে কিয়া জগদত্ পহ্‌র এচ্চ্যে, মাত্তর্ মান্‌জ্যর্ কামানি ভান্ন্যেই বিলি মানুচ্ পহ্‌রত্তুন্ আন্ধাররে বেশ্ কোচ্‌পেইয়োন্।

প্রেরিত্‌ 7:51

ও একবুচ্চ্যে জাদ্! অযিহূদীগুনো ধোক্ক্যেন্ তমার কানানি আর মনানি, আর তুমিয়ো ঠিগ্ তমা পূরোণি মানুচ্চুনো ধোক্ক্যেন্। তুমি আমিযে পবিত্র আত্মাগানরে মানা গুরি থাগঅ।

বিচের গুরিয়্যেগুন 10:6

সে পরেন্দি ইস্রায়েলীয়গুনে লগেপ্রভুর চোগোত্‌ যিয়েনি ভাজ্‌ন্যেই আরঅ সিয়েনি গরা ধুরিলাক্‌। তারা বাল দেবেদাগুনোরে আর অষ্টারোৎ দেবীগুনোর আহ্‌ অরামীয়, সীদোনীয়, মোয়াবীয়, অম্মোনীয় আর পলেষ্টীয়গুনোর দেব-দেবেদাগুনোরে পূজো গরা ধুরিলাক্‌। ইঙিরিনে ইস্রায়েলীয়গুনে লগেপ্রভুরে ছাড়ি গেলাক্‌ আর তারে সেবা ন-গুরিলাক্‌।

বিচের গুরিয়্যেগুন 2:13

এধোক্কেন্‌ গুরিনে তারা লগেপ্রভুরে বাদ দিইনে বাল দেবেদার আর অষ্টারোৎ দেবীর পূজো গুরিদাক্‌।

বিচের গুরিয়্যেগুন 3:7

ইস্রায়েলীয়গুনে লগেপ্রভুর চোগোত্‌ যিয়েনি ভাজ্‌ন্যেই সিয়েনি গত্তাক্‌। তারা তারার্‌ গোজেন লগেপ্রভুরে ভুলি যেইনে বাল দেবেদাগুনোরে আর আশেরা দেবীগুনোরে পূজো ধুরিলাক্‌।