হোশেয় 10:4 - Chakma Bible

⁴ মানুচ্চুনে বোউত্ বাজে কধা কন্ আর চুক্তি গুরিবার সময় মিজে শমক্ খান। সেনত্তে চাজ্ গোজ্যে ভূইয়োত্ বিষবলা হেরপদনা ধোক্ক্যেন মামলা-মগদ্দমা গেজেই উদে।

হোশেয় 10:4 ပူးပေါင်းရင်းမြစ်များ

যিশাইয় 5:7

বেগত্তুন্ খেমতাবলা লগেপ্রভুর আংগুর খেদ্‌তান অলঅ ইস্রায়েল-বংশর মানুচ্চুন্; আর যিহূদার মানুচ্চুন্ অলাক্ তার হুজি অইদ্যে আংগুর-চারা। তে দোল্ বিচের্ তোগেল মাত্তর্ দেগিলোদে লো ঝড়ানা; তে গমান্ তোগেল মাত্তর্ শুনিলোদে দুঘোর্ কানানি।

হোশেয় 4:2

আগে বানা শমক্ ভাঙানা, মিজে কধা কনা, খুন্ গরানা, চুর্ গরানা আর বেভিচের্ গরানা। তারা আইন অমান্য গরন আর লো ঝরানা উগুরে লো ঝরান্।

হোশেয় 6:7

তুমি আদম ধোক্ক্যেন মর্ থিদেবর্ গোজ্যে সুদোমান অমান্য গোজ্য; তুমি মঅ উগুরে অবিশ্বেজি ওইয়ো।

আমোষ 5:7

তুমি দঅ ন্যায়বিচেরানরে তিদে গুরি তুল্য আর সততাগানরে মাদিত্ ফেলেয়ো।

আমোষ 6:12

খামা মুড়োত্ কি ঘোড়াগুন দাবা দুয়োন্? কনজনে কি সিদু বলদ গোরুলোই চাষ গরন্? মাত্তর্ তুমি ন্যায়বিচেরানরে বিষ ধোক্ক্যেন গোজ্য আর তিদে ধোক্ক্যেন গোজ্য সততার ফলানরে।

প্রেরিত্‌ 8:23

মুই দেগঙর্, তঅ মনান্ লুভে ভরা আর তুই পাপ ইধু বন্দী ওই আঘচ্।”

রোমীয় 1:31

গম্-ভান্ন্যেয়র্ জ্ঞান্ তারাত্তুন্ নেই, আর তারা অবিশ্বেজি। পরিবার ইন্দি তারার্ কোচ্‌পানা নেই আর তারার্ মনত্ দোয়্যে-মেয়্যে নেই।

দ্বি’লম্বর বিররণ 29:18

তুমি চেই নেযঅ যেনে তমা ভিদিরে এচ্চ্যে এমন্‌ কনঅ মরদ বা মিলে বা কনঅ বংশ বা গুট্টি ন-থান্‌ যিবের্‌ মনান তমার গোজেন লগেপ্রভুরে ফেলেইনে সেই বেক্‌ জাদর দেব-দেবেদাগুনোরে পূজো গুরিবাত্তে আওজী। যুনি সেধোক্ক্যেন কনজন থান্‌ সালে তমা ভিদিরে তে অবদে এমন্‌ এক্কো শিঙর ধোক্ক্যেন যিবে পরেন্দি বিষ ধোক্ক্যেন তিদে গাজ্‌ ওই উদিবো।

দ্বি’লম্বর বিররণ 31:16

লগেপ্রভু মোশিরে কলঅ, তুই তর্‌ পুরোণি মানুচ্চুনো ইদু জিরেবাত্তে যর্‌, মাত্তর্‌ এই মানুচ্চুনে যে দেজত্‌ চোমেবাত্তে যাদন্‌ সিয়েনত্ খুব যাদিমাদি তারা মঅ উগুরে অবিশ্বেজ্ গুরিনে সিদুগোর্ দেবেদা পূজোত্‌ নিজোরে মিজেবাক্‌। তারা মরে ছাড়ি দিবাক আর মুই তারাত্যে যে সুদোমান থিদেবর্ গোজ্যং তারা সিয়েনরে ভাঙিবাক্‌।

দ্বি’লম্বর বিররণ 31:17

যেদিন্যে তারা সিয়েন গুরিবাক সেদিন্যে রাগে মুই তারারে ছাড়ি দিম্‌। মুই তারাত্তুন মর্‌ মুয়োন ফিরেই নেযেম্‌ আর্‌ তারা ভস্ত ওই যেবাক। সেক্কে তারা উগুরে নানান্‌ দযা আর দুখ্‌-কট্টনি লামি এবঅ। সেদিন্যে তারা কবাক্কে, আমার গোজেন আমা সমারে নেই বিলিনেই আমা উগুরে এ বেক্‌ দজাগানি এস্যে।

২ তীমথিয় 3:3

তারা ইধু কোচ্‌পানা জিনিস্‌চান ন-থেবঅ, আর তারা কোল্-কোজ্জ্যে গুরিনে মিলেমিলি ন-অবাক্। তারা পররে বন্নাং গুরিবাক্, নিজোরে দোঙেই ন-পারিবাক্, চিৎ-নপুজ্জ্যে অবাক্, আর যিয়েন গম্ সিয়েন ঘিনেবাক্।

ইব্রীয় 12:15

চঅ, কেঅ যেন গোজেনর্ দোয়্যেত্তুন্ বাদ্ ন-পড়ন্। চঅ, বিষ্‌বলা তিদে গাজ শিঙোর ধোক্ক্যেন্ গেজেই উদিনে কেঅ যেন দুঘ্ বাড়েইনে ভালোক্ জনরে অসিজি ন-গরন্।