হোশেয় 10:11 - Chakma Bible

¹¹ ইফ্রয়িমে এক্কো দোঙেয়্যে পাড়ি গোরু যে শোজ্য মাড়দে গম্‌‌‌‌‌পায়, মাত্তর্ মুই তার্ দোল্ গত্তনাবো উগুরে জুঙোল্ তুলি দিম। ইফ্রয়িমে অবদে মর্ চাজ্ গুরিবার গোরু আর যিহূদা মঅ নাঙলান্ টানিবো, আর যাকোবে মাদিঢলা ভাঙিবার কাম গুরিবো।”

হোশেয় 10:11 ပူးပေါင်းရင်းမြစ်များ

যিশাইয় 28:24

চাষ গুরিয়্যেবো বীজ্ ফেলেবাত্তে কি নিত্য চাষ্ গরে? তে কি নিত্য ঢেলা ভাঙে আর ভূইয়োত্ সাপ্‌‌টা দে?

যিরমিয় 28:14

মুই ইস্রায়েলর গোজেন বেগত্তুন খেমতাবলা লগেপ্রভু কঙর্, এ জাদ্‌তুনে যেনে বাবিলোর রাজা নবূখদ্‌নিৎসরর চাগর্ অন্ সেনত্তে মুই তারার গত্তনাগুনোত্ লুয়োর্ জুঙোলান চাপি দিম্, আর তারা তার্ সেবা গুরিবাক্‌‍‍‍কে গুরিবাক। এন্ কি, মুই তারে ঝার্‌‍বো এ্যামানুনো উগুরেয়ো সদ্দার্ বানেম‍।’ ”

যিরমিয় 46:20

“মিসরান যেন এক্কান দোল্ মাদাম্ গোরু, মাত্তর্ উত্তোরেত্তুন্ তা বিরুদ্ধে এক্কো ডাঁশ-মাছি এজের্।

যিরমিয় 50:11

ও বাবিলীয়গুন, তুমি মর্ অধিকারান লুদেয়ো আর সিয়েন্দোই ফুত্তি গরর্, হুজি অর্। তুমি শোজ্য মারন্দে গোরু ধোক্ক্যেন্ নাজানাজি গরর্ আর তেজী ঘোড়া ধোক্ক্যেন্ ডাগর্;

হোশেয় 11:4

মুই কির্ব্যে গরানা আর কোচ্‌পানালোই তারারে চালেইদুং; তারা গত্তনা উগুরেত্তুন্ জুঙোলান্ তুলি নেযেদুং আর নিযো ওইনে তারারে হাবেদুং।

হোশেয় 2:5

তারার্ মাবো বেভিচের্ গোজ্যে; যে তারারে পেদত্ ধোজ্যে তে লাজ্ গরেপারা কাম্ গোজ্যে। তে কদঅ, মুই মঅ লাঙেগুনো পিজেদি যেইম্; তারা মরে হানা, পানি, পশম, মসীনা, তেল আর পানীয় দি থান্।

হোশেয় 3:1

লগেপ্রভু মরে কোইয়্যেদে, “যুনিয়ো তঅ মোক্কো অন্য মান্‌জ্য লগে বেভিচের্ গোজ্যে তো তুই যেইনে তারে আরঅ কোচ্‌‌‌‌‌‌‌‌পেচ্‌‌‌‌। ইস্রায়েলীয়গুনে যুনিয়ো দেব-দেবেদা ইন্দি ফিজ্যন্ আর পূজোর্ কিশমিশর পিদে গম্ পান তো লগেপ্রভু যেবাবোত্যে তারারে কোচ্‌‌‌‌‌‌‌পায়, ঠিগ্ সেবাবোত্যেগুরি তুই তঅ মোক্কোরে কোচ্‌‌‌‌‌‌‌পেচ্।”

হোশেয় 4:16

ইস্রায়েলীয়গুন এক বুস্যে গোরু ধোক্ক্যেন্। সেনত্তে মাদত্ ভেড়া ছঅগুনো ধোক্ক্যেন লগেপ্রভু কেধোক্ক্যেন গুরি তারারে চোরেব?

হোশেয় 9:1

ও ইস্রায়েল, অন্য জাদ্‌‌‌তুনো ধোক্ক্যেন তুই হুজির্ উৎসব ন-গুরিচ্। তুই দঅ তর্ গোজেনরে ছাড়িনে তা উগুরে অবিশ্বেজি ওইয়োচ্; পত্তি খামারত্ তুই বেশ্যের্ পাওনা পেইনে হুজি ওইয়োচ্।

মীখা 4:13

লগেপ্রভু কত্তে, “ও সিয়োন-ঝিবো, তুই উদিনে শোজ্য মাড়্; মুই তরে লুয়োর্ শিং আর পিদোলর্ খুর্ দিম যেনে তুই ভালোক্ জাদরে চুরমার গুরি পারচ্। তুই তারার্ অন্যেয়গুরিনে পেইয়্যে পযাপিরা আর ধন-সোম্বোত্তিগানি মঅ নাঙে, বেক্ পিত্‌‌‌থিমীগানর্ প্রভুর নাঙে ভস্ত অনা অভিশাবর্ অধীন ইজেবে দি দিম‌।”

রোমীয় 16:18

কিয়া এবাবোত্যে মানুচ্চুনে আমা প্রভু খ্রীষ্টরে সেবা ন-গুরিনে বরং নিজো পেদর্ সেবা গত্তন্। মিধে মিধে আর বিগিদি কধা কোইনে তারা মাদিঘিলে মানুচ্চুনোরে ঠগাদন্।

দ্বি’লম্বর বিররণ 25:4

শোজ্য মাড়িবার সলাবোত্‌ বলদর মুয়োনত্‌ মোগোনী খাজা ন-বান্য।